اتمسكت الناهردى و انا ماشى عكس الاتجاه

**king_de_egypt** · 31-03-2009 08:36 PM

كنت الناهردى ماشى فى الشارع معاكس كل يوم بخدها بقالى سنتين فى شارع الشيخ غراب لو حد فى الحدايق هيعرفو المهم ماشى فى امان الله لقيت واحد طلعلى من ورا شجره الكلام دا الساعه 8 ونص الصبح و قالى اقف فى حاجه انت ماشى عكسى اديتو الرخص خد رخصه القياده بتاعتى وادانى بيها وصل و كتب محضر كنت انا و اتنين كمان واحد ب فزبه و التانى عربيه برضو المهم رحنا قسم الحدايق اوسخ معامله شوفتها المهم دخلونا الحجز انا عرفت كدا اتجننت اتصلت بناس بابن عمى قاضى فى محكمه النقض المهم جالى بعد ما دخلت الحجز ب 5 دقايق داخل يكلم المأمور المأمور مرديش يدخلو راح زاقق الباب و دخل ثبت المامور وهو قاعد المهم طلعونى انا و الاتنين التانين قعدونا مع المامور و المشكله اننا كنا مضينا على المحضر المهم رحلونا على نيابه مرور الدراسه و نطلع الامين اللى مكلبشنا مبيعرفش يقراء و المفروض نروح نيابه مرور الوايلى اللى هى جمب جامعه عين شمس المهم رحت دفعت ال 1006ونص بس كان يوم عزاب رجعت القسم لقيتو مقلوب عليا اتخضيت دخلت للمأمور قالى يا عم قالبلنا القسم و بتاع المهم قعد يهزر و طلع معايا امين شرطه فك العجل لانهم كانو مهوينو و نفخهم و جابهم و جه بس كان يوم عزاااااب
انا قولت اكتبلكو التجربه دى عشان اقولكو خلو بالكو يا نااااااااااس انا كان معايا واسطه و مش اى وسطه وحصل فيا كدا مش عارف الناس الغلابه هيعملو معاهم ايه و مقلقوش القسم او الحجز عامل ازاى الله ما يوريكو وربنا معانا و مع كل مظلوم

**wesam_salom** · 31-03-2009 08:41 PM

كفاره يا معلم

كويس انك طلعت فى نفس اليوم

انا اعرف واحد قعد كام يوم لما كان هيموت

**king_de_egypt** · 31-03-2009 08:44 PM

المشاركة الأصلية كتبت بواسطة mobitek

كفاره يا معلم

كويس انك طلعت فى نفس اليوم

انا اعرف واحد قعد كام يوم لما كان هيموت

كنت مستنى العيش والحلاوه والله

بس ربنا ما يوقع حد فى الموضوع دا ان شاء الله لانو عزاااااااااااااااااب ال 5 دقايق اللى فى الحجز واحد جى يقولى قضيتك ايه قولتلو قتل

قالى دا انا كمان قتل و هترحل الناهردى بليل هتتترحل معايا قولتلو اه مفيش دقيقه و لقتهم بينادو عليا تعالى انا قولت لو الراجل دا شفنى تانى اساسى هيعلم عليا انا قولت اقول كدا عشان ميشتغلونيش

**smsmbakr** · 31-03-2009 08:46 PM

كفاره يا معلم

كويس انك طلعت فى نفس اليوم

وامشي عدل يحطار عدوك فيك

**Hacker5** · 31-03-2009 08:46 PM

حسبى الله و نعم الوكيل
انا مش عارف ليه الناس ساكته على الموضوع دة دة لو كان فى بلد (محترمة) تانية كان حصل مصايب و الشعب مسكتش

**king_de_egypt** · 31-03-2009 08:49 PM

المشاركة الأصلية كتبت بواسطة smsmbakr

كفاره يا معلم

كويس انك طلعت فى نفس اليوم

وامشي عدل يحطار عدوك فيك

اكيد هيحطار عدوى فيا بس انا بمشى من المكان دا عكسى علطول لان الاتجاه الاصلى مكسر وواقف وانا كنت عاوز الحق دفنه لانى كنت رايح اعزى هقول ايه بقى حسبى الله ونعم الوكيل

**evoo90** · 31-03-2009 08:51 PM

الموضوع بجد زاد عن حده ازاى يتساوى اللى ماشى عكس الاتجاه بالحراميه والمجرمين وحجز وكلابشات ونيابه احنا هنفضل ساكتين لامتى احنا بنتهان فى بلدنا والله لوسافرنا اى بلد عمرهم ماهيعملوا معانا كده

**king_de_egypt** · 31-03-2009 08:51 PM

المشاركة الأصلية كتبت بواسطة Hacker5

حسبى الله و نعم الوكيل
انا مش عارف ليه الناس ساكته على الموضوع دة دة لو كان فى بلد (محترمة) تانية كان حصل مصايب و الشعب مسكتش

والله حضرتك المشكله فى حاجه واحده بس ان الشعب بتاعنا مفيش اغلب منو بس صدقونى ان فى يوم من الايام هيقوم على الحكومه اومه ما هى اومه بس استنو الشارع بيغلى بجد انا الناهردى اللى شفته صدقت ان مصر فاضلها تكه و تولع بجد انا قاعد عند المامور و سامع الااهات و الضرب

جى من الزنزانه بس ربنا يسترها

**samoevil911** · 31-03-2009 08:54 PM

ربنا يعوض عليك في ال 1001 ونص..

**bishoy02010** · 31-03-2009 08:56 PM

المشاركة الأصلية كتبت بواسطة king_de_egypt

كنت مستنى العيش والحلاوه والله

بس ربنا ما يوقع حد فى الموضوع دا ان شاء الله لانو عزاااااااااااااااااب ال 5 دقايق اللى فى الحجز واحد جى يقولى قضيتك ايه قولتلو قتل

قالى دا انا كمان قتل و هترحل الناهردى بليل هتتترحل معايا قولتلو اه مفيش دقيقه و لقتهم بينادو عليا تعالى انا قولت لو الراجل دا شفنى تانى اساسى هيعلم عليا انا قولت اقول كدا عشان ميشتغلونيش

احسن حاجة عملتها موضوع القتل ده :) معلش بقى ادينا كلنا بنتعلم بس انتة مظبتش امين الشرطة ده ليه ؟؟؟

الموضوع: اتمسكت الناهردى و انا ماشى عكس الاتجاه

LinkBack

أدوات الموضوع

عرض

اتمسكت الناهردى و انا ماشى عكس الاتجاه - انشر الموضوع فى :

-

-

-

-

-

-

-

المواضيع المتشابهه

اتمسكت رادار تاني

اتمسكت رادار!!!!!

اتمسكت ماشى مخالف !!

ونش ماشى عكس الاتجاه

اتمسكت سير عكس الاتجـاه !!!

الكلمات الدلالية لهذا الموضوع

المفضلات

المفضلات

ضوابط المشاركة