سؤال موجه للأخوه الأفاضل ظباط الشرطه ؟

**M.Mostafa80** · 01-04-2009 02:26 AM

بص ياباشا انا هقلك الخلاصة فى كل مهنة فيها الكويس وفيها الوحش فى المهندسين فى بيبيع ضميرة وفى كل حتة فى الكويس وفى الوحش وفى مهنة الظابط ايضا كام ظابط انت قبلتهم وحشين وكام ظابط كان ماشى جنبك ومختش بالك منة لانة ماشى طبيعى فى ظباط كتيييييييييييييييير كويسن اوى وفى الوحشين بردة هذا صراع الخير والشر

بس للأسف الظاهر للناس الوحشين وللأسف بردو الباشوات ما بيميزوش بين المحترم واللبلطجى والمجرم الى حضرتك بتتكلم عنه وللأسف بردو الحسنه تخص والسيئه تعم أنا نفسى وقعت فمره مع ظابط موقف عربيته فى الكمين ماتقدرش تشوف جوه العربيه نهائى من الفاميه الدارك عارف كان موقفنى ليه عشان عامل هوايتين البيبان الى ورا ويتشيلهم ياسحب الرخص (طبعا بيقول بينو وبين نفسو هتساوى نفسك بيا ولا أيه مع أن احنا الى بندفعلهم مرتباتهم من الضرايب الى البلد بتحصلها منا )مستنى تعليق حضرتك

**tamertamer** · 01-04-2009 04:21 AM

بردة هرجع اقولك مش كل الظباط بردة بص انا هصنفلك كل قلى داخل كلية الشرطة بشكل عامل
1- فى قلى داخل تكملة للجداد كلهم ظباط شرطة وهو بيكمل المسيرة
2- معاهم فلوس وناقص سلطة وهى دية المصيبة بس متقدرتش تمنع الناس دية هتلقى مقياس تقدر تعرف اة قلى جوة البشر
3- واحد غاوى بيبقا ظابط ونفسة وتسقلة وهو صغير نفسك فى اة نفسى ابقا ظابط شرطة ودة داخل يخدم البلد والشعب الغلبان

وعشان كدة متلقيش ظباط الظباط النوعية الاولى والثالثة فى القاهرة لان النوعية الثانية بالوسطة بيجبوهم القاهرة جنب البيت يعنى

وهرجع اقولك ترجع للتربية والنشأة وربنا يهدى زوات النفوس الضعيفة

**tamertamer** · 01-04-2009 04:24 AM

المشاركة الأصلية كتبت بواسطة momomero

بس للأسف الظاهر للناس الوحشين وللأسف بردو الباشوات ما بيميزوش بين المحترم واللبلطجى والمجرم الى حضرتك بتتكلم عنه وللأسف بردو الحسنه تخص والسيئه تعم أنا نفسى وقعت فمره مع ظابط موقف عربيته فى الكمين ماتقدرش تشوف جوه العربيه نهائى من الفاميه الدارك عارف كان موقفنى ليه عشان عامل هوايتين البيبان الى ورا ويتشيلهم ياسحب الرخص (طبعا بيقول بينو وبين نفسو هتساوى نفسك بيا ولا أيه مع أن احنا الى بندفعلهم مرتباتهم من الضرايب الى البلد بتحصلها منا )مستنى تعليق حضرتك

كام مرة حصلك الموقف دة ودخلت كام كمين وشفت الحكاية دية كل 1000 كمين انت بترد على نفسك هل لو طبيب بيعمل عملية اجهاض غير قانونية يبقا كل الطباء مجرمين

**faroukahafeez** · 01-04-2009 05:12 AM

طب انا النهاردة كنت واقف تحت الشغل فى سيتى ستارز وفيه نقطة شرطة سيتى ستارز وفيها كام ضباط بشفهم على طول انا معرفش النقطة دية وظيفتها اية بالضبط

فجاءة باقلهم شهر ضباط النقطة نفسها بيعملوا لجنة اقدم النقطة يعنى ساعتين ثلاثة كل يوم وساعات ميعملوش خالص

الضابط وامين الشرطة موقف كل التاكسيات والعربيات القديمة واديها مخالفات فورية واركن على جنب والشارع زحمة

جت عربية بى ام اديت كذا كلاكس ومفيمة العربية وفتحت الازاز وبصت للضابط واقمت ماشية ولا عبرت حد وكان سايقها طبعاً واحدة حلوة

الضابط ابتسم وفضل يبص على العربية وهية ماشية
والناس بيتضرب كف على كف

يا استاذ تامر انا عندى ليك سؤال
لية التجوزات من ضباط الشرطة 95% من رتبة ملازم الى نقيب لكن من رائد وانت طالع بتكون ناس محترمة وبتكلملك باحترام عندك تفسير للموضوع ده؟

**Ahmed Hassan** · 01-04-2009 05:20 AM

المشاركة الأصلية كتبت بواسطة tamertamer

كام مرة حصلك الموقف دة ودخلت كام كمين وشفت الحكاية دية كل 1000 كمين انت بترد على نفسك هل لو طبيب بيعمل عملية اجهاض غير قانونية يبقا كل الطباء مجرمين

ده الطبيعي. على الأقل في 85% من الأحوال هتلاقي عربيه الضابط اللي في اي كمين راكنه و الازاز متفيم.

بالمناسبه.. هيه نمر عربيتك سودا ليه؟

**es_dongwan** · 01-04-2009 05:59 AM

يا جماعة مش لازم نظلم الناس كلها ونساويها ببعض انا بتفق معاك ان كل مهنة وفيها الكويس والوحش انا ليا زمايلى ظباط شرطة راكبين عربية عادية جدا ومن غير فامية ولا حاجة مع انة والدة عضو فى مجلس الشورى وواصل جدا واعرف مستشار رئيش محاكم راكب عربية 127 عادية جدا جدا ولا عليها حتى بتج للنيابة هى فى الاول والاخر مسالة تربية وضمير

**Ahmed Hassan** · 01-04-2009 12:58 PM

المشاركة الأصلية كتبت بواسطة es_dongwan

يا جماعة مش لازم نظلم الناس كلها ونساويها ببعض انا بتفق معاك ان كل مهنة وفيها الكويس والوحش انا ليا زمايلى ظباط شرطة راكبين عربية عادية جدا ومن غير فامية ولا حاجة مع انة والدة عضو فى مجلس الشورى وواصل جدا واعرف مستشار رئيش محاكم راكب عربية 127 عادية جدا جدا ولا عليها حتى بتج للنيابة هى فى الاول والاخر مسالة تربية وضمير

انا معاك 100% بس نسبه السيئين كبيره جدا. و على فكره انا ليا اقرباء ضباط شرطه و وكلاء نيابه و في القضاء... و مفيش و لا واحد فيهم عامل حاجه من دي.. بس مش همه الأغلبيه مع الاسف

**زهير فكري** · 01-04-2009 10:40 PM

بمناسبه الموضوع ده انا هقول رأيي بحياديه تامه بناءا علي تجارب و اقعيه مع الضباط و بالأخص ضباط الشرطه , حدث انه كنت بصحبه احد اقاربي( لواء شرطه) بسياره العمل الخاصه به و كان يقود بنفسه( لابس ملكي ) و كنا ذاهبين لأداء واجب العزاء في احد المحافظات و اضطر لاستخدام سياره العمل نظرا للظروف الطارئه , المهم انا كنت المرشد و نسيت الاتجاه منين , و افتكرت فجأه مما اضطره للانعطاف لليسار مباشره دون اعطاء تنبيه للسياره القادمه خلفه و كانت سياره نقل ( تريله) نقل بالعبور يعني عربيه حديثه و قويه , المهم سواق النقل فرمل مباشره و ربنا ستر فعلا و الشارع وقف ( شارع حيوي ) و السواق نزل منفعل بشده و قال كلام خارج تييييييت. طبعا الدم غلي في عروقي و نزلت عشان اتخانق معاه , لقيت قريبي بيشدني للداخل و قالي احنا اللي غلطانين و قام مطلع يده من الشباك معتذرا للسائق و مشي , الطريف ان الناس كانت بتعتذر لينا احنا و معليش يا باشا ده راجل غلبان , الموقف التاني كان ايضا مع احد اقاربي وده كان مدير امن سابق بس كان مع ابنه ( شاب في ثانوي) و كان جاي زياره عندنا من المحافظه مقر عمل قريبي ده . و راكب بجوار السائق ( مجند) بالسياره الملاكي الخاصه به( سياره عاديه ليست بها نمر مميزه و لا فاميه و لا سارينه فيدرالي ) المهم عملوا حادثه و كانوا غلطانين ايضا و التلفيات كانت السياره بتاعتهم طبعا الي جانب تلفيات كبيره في مؤخره السياره اللي اصطدموا بها و صاحبها رجل عادي , طبعا الشرطه حضرت و ابنه اتصل بأبوه و بي عشان الحادثه كانت قريبه مننا تتخيلوا الموقف كان ايه ؟ لقيت قريبي بيكلمني و بيطمن علي الوضع و شرحته له . و قالي ابلغ المجند بالحرف ( خلص الموضوع من نفسك وما تدخلنيش فيه و التلفيات انا هدفعها و حسابك معايا بعدين )طبعا انا لم ابلغه بالمقطع الأخير لانه مش ناقص . و قدرت التلفيات علي ما اذكر بحوالي 6000جنيه . المواقف دي حصلت قدامي و حضرتها و لم المس اي استغلال للنفوذ من ناحيتهم . بس خلاص و بعتذر لو طولت عليكم و شكرا