عاوز اخد رأيكم بخصوص بيع ال131

السلام عليكم و رحمة الله و بركاته

انا بفكر جديا فى بيع ال131 , لانى محتاج عربيه صغيره هاتش باك و تكون موفره فى البنزين " و الاختيارت الى قدامى بونتو , اونو , ماروتى , AX " بس عموما تفضيلى الاول للبونتو لانى مش عاوز اطلع بره فيات و انا بحب العربيه ديه عموما و داخله دماغى جدا .

المهم دلوقتى بالنسبه لل131 قدامى حل من اتنين
الاول انى اصلحها و اشدها
هى محتاجه كميكانيكا : شغل فى الماستر العمومى و شنبر و طقم دبرياج .
و محتاجه سمكره للرفرف الخلفى " واحد ربنا يباركله خبطلى العربيه من ورا بس الضرر كله فى الرفرف بس + دوكو لكل العربيه

الحل التانى
انى ابيعها كده بس مش عارف حتجيب كام على الحاله ديه .

اصلح و ابيع علاشان العربيه يبقى شكلها حلو و فى حالة جيده , ولا ابيع كده
ايه رأيكم ؟

انا كنت برده بفكر ابيع الفيورا علشان عاوز عربية بتكييف لان اغلب مشاويرى فى

الصيف بالنهار وبقعد الف تحت الشمس وبتبهدل فى الحر

بس لما جيت ابيع وجدت الناس-بعد الازمة- بتحاول تخفس بالاسعار الارض ووجدت انى

هخسر كتيير فصرفت نظر عن فكر البيع وريحت دماغى والعربية الحمد الله اساسيتها

حلوة ومش متعبة

اما بالنسبة ل

اقتباس:

---

.هى محتاجه كميكانيكا : شغل فى الماستر العمومى و شنبر و طقم دبرياج

---

شغل الماستر وطقم الدبرياج لا مفر منه

اما طقم الشنبر ممكن تستعمل زيت شنبر مع زيت تقيل واعرف واحد عاش على الحوار ده

3 سنين وعمر وواحد تانى 5 سنين ولسه معمرش والعربية معه زى الفل

اقتباس:

---

المشاركة الأصلية كتبت بواسطة MohabSaeed

السلام عليكم و رحمة الله و بركاته

انا بفكر جديا فى بيع ال131 , لانى محتاج عربيه صغيره هاتش باك و تكون موفره فى البنزين " و الاختيارت الى قدامى بونتو , اونو , ماروتى , AX " بس عموما تفضيلى الاول للبونتو لانى مش عاوز اطلع بره فيات و انا بحب العربيه ديه عموما و داخله دماغى جدا .

المهم دلوقتى بالنسبه لل131 قدامى حل من اتنين
الاول انى اصلحها و اشدها
هى محتاجه كميكانيكا : شغل فى الماستر العمومى و شنبر و طقم دبرياج .
و محتاجه سمكره للرفرف الخلفى " واحد ربنا يباركله خبطلى العربيه من ورا بس الضرر كله فى الرفرف بس + دوكو لكل العربيه

الحل التانى
انى ابيعها كده بس مش عارف حتجيب كام على الحاله ديه .

اصلح و ابيع علاشان العربيه يبقى شكلها حلو و فى حالة جيده , ولا ابيع كده
ايه رأيكم ؟

---

طبعا يأستاذ مهاب رأئي هيبقي متواضع جدا جمب معلوماتك
بس انا شايف انك الاول هتعرضها علي حالتها
وشوف مية العربيه ايه
يعني عليها زبون وكده ولا مفيش
طيب عليها زبون
انت طبعا هتقول كل الي في العربيه وهو اكيد هيجيب حد هيشوف العربيه محتاجه ايه
واكيد هينقص سعر كل الشغل ده من تمن العربيه

طيب لو انت شديت العربيه
هتلاقي العربيه سعرها الناس بتبخس بيه الارض زي مالاستاذ مكه قال
وبعدين شوف انت تعبك وضياع وقتك ورا الشد والصنيعيه ده هيكلفك قد ايه

يبقي متشدش الا اذا كنت هتشدها لنفسك
لكن تشد وتبيع هتخسر هتخسر

وربنا معاك ويوفقك

اقتباس:

---

المشاركة الأصلية كتبت بواسطة maka

انا كنت برده بفكر ابيع الفيورا علشان عاوز عربية بتكييف لان اغلب مشاويرى فى

الصيف بالنهار وبقعد الف تحت الشمس وبتبهدل فى الحر

بس لما جيت ابيع وجدت الناس-بعد الازمة- بتحاول تخفس بالاسعار الارض ووجدت انى

هخسر كتيير فصرفت نظر عن فكر البيع وريحت دماغى والعربية الحمد الله اساسيتها

حلوة ومش متعبة

اما بالنسبة ل



شغل الماستر وطقم الدبرياج لا مفر منه

اما طقم الشنبر ممكن تستعمل زيت شنبر مع زيت تقيل واعرف واحد عاش على الحوار ده

3 سنين وعمر وواحد تانى 5 سنين ولسه معمرش والعربية معه زى الفل

---

هو بالنسبه لشغل الفرامل ان شاء الله مش حيتكلف لانى غيرت المساتر الخلفيه و صلحت المساتر الاماميه و غيرت تيل امامى و خلفى .. يعنى الفرامل على تصليح الماستر العمومى .
بالنسبه للدبرياج مشكلته الاساسيه لما العربيه بتسخن بيبقى فيه رجه + البليه بتطع صوت ... مع انى مغير الطقم كله من سنه تقريبا بس اعتقد انه كان فيه عيب .
و ان شاء الله حجرب موضوع زيت الشمبر كده او كده مش خسران حاجه .

اقتباس:

---

المشاركة الأصلية كتبت بواسطة MohabSaeed

هو بالنسبه لشغل الفرامل ان شاء الله مش حيتكلف لانى غيرت المساتر الخلفيه و صلحت المساتر الاماميه و غيرت تيل امامى و خلفى .. يعنى الفرامل على تصليح الماستر العمومى .
بالنسبه للدبرياج مشكلته الاساسيه لما العربيه بتسخن بيبقى فيه رجه + البليه بتطع صوت ... مع انى مغير الطقم كله من سنه تقريبا بس اعتقد انه كان فيه عيب .
و ان شاء الله حجرب موضوع زيت الشمبر كده او كده مش خسران حاجه .

---

نصيحة من اخ اصغر اوعى تبيع بخسارة الا اذا كنت صغيرة ومبلغ قليل

وانا راى تشد العربية وتخليها احسن من المغامرة فى الوقت ده

اما بالنسبة لاسطوانة الدبرياج ممكن تكون مش اصليه

وحاول تشوف كذا ميكانيكى وتشوف رايهم ايه وياريت لو

تعمل موضوع فى الورشة بمشكلة الدبرياج وخد راى الاعضاء

اقتباس:

---

المشاركة الأصلية كتبت بواسطة muhamado_sede_beah

طبعا يأستاذ مهاب رأئي هيبقي متواضع جدا جمب معلوماتك
بس انا شايف انك الاول هتعرضها علي حالتها
وشوف مية العربيه ايه
يعني عليها زبون وكده ولا مفيش
طيب عليها زبون
انت طبعا هتقول كل الي في العربيه وهو اكيد هيجيب حد هيشوف العربيه محتاجه ايه
واكيد هينقص سعر كل الشغل ده من تمن العربيه

طيب لو انت شديت العربيه
هتلاقي العربيه سعرها الناس بتبخس بيه الارض زي مالاستاذ مكه قال
وبعدين شوف انت تعبك وضياع وقتك ورا الشد والصنيعيه ده هيكلفك قد ايه

يبقي متشدش الا اذا كنت هتشدها لنفسك
لكن تشد وتبيع هتخسر هتخسر

وربنا معاك ويوفقك

---

العفو يا استاذ محمد , وجهة نظرك تحترم جدا , و ده فعلا الى جه فى بالى .
هل بعد ماصلحها حتجيب الى دفعته فيها ؟

بس برده الى جه فى بالى هل لو عرضتها للبيع بالشكل ده حتجيب سعر لانى مش حبيعها ب 14 و 15 ........
الى جه فى بالى هل لو شديتها صح ميكانيكا و دوكو ممكن تجيب 21 مثلا ؟

انا لسه بوازن مابين الفكرتين الصراحه و مارستش على حاجه منهم .

و كان جه فى بالى فكره تالته بس استبعدتها انى اخلى العربيه و غير الموتور ب موتور دوجان المعدل ... بس التكلفه حتكون كبيره جدا.و النتيجه مش مضمونه . و حبعد عن الهدف الى عاوزه " عربيه صغيره موفره فى البنزين " .

الاسعار فى الارض ومهما شديد العربية الفرق مش حيوازى تعبك و مصاريفك
خليها احسن
انا كنت بفكر ابيع زيك بس الحمد للة رجعت فى كلامى
كمان لو عايز تغير المتور غير ب1600clمتور كويس و بنزينة معقول جدا
من 190الى 210 وسط بلد وبيوصل الى 250فى السفر و حسب الحمولة و غيرة
واكيد فى كل الاحوال حيكون احسن من الشاهين التركى

اقتباس:

---

المشاركة الأصلية كتبت بواسطة maka

نصيحة من اخ اصغر اوعى تبيع بخسارة الا اذا كنت صغيرة ومبلغ قليل

وانا راى تشد العربية وتخليها احسن من المغامرة فى الوقت ده

اما بالنسبة لاسطوانة الدبرياج ممكن تكون مش اصليه

وحاول تشوف كذا ميكانيكى وتشوف رايهم ايه وياريت لو

تعمل موضوع فى الورشة بمشكلة الدبرياج وخد راى الاعضاء

---

متشكر جدا يا استاذ قاسم , على ذوقك و اهتمامك بالموضوع و نصيحتك الغاليه " الى حعمل بيها ان شاء الله " .
انا فعلا كنت عملت موضوع فى قسم الورشه من فتره كبيره عن مشكله الدبرياج و الاخوه هناك اجمعو انها مشكله دبرياج , و خدت رأيى ميكانيكى ركب معايا و شاف المشكله قالى برده دبرياج " بس الغريب انه قالى ملهاش حل !!!!! " طبعا هو بيستسهل و لما قولت لميكانيكى تانى على صوت البليه الدبرياج " قالى كل ال131 كده " http://www.nilemotors.net/Nile/images/icons/icon10.gif ده على اساس انى لسة راكب العربيه امبارح و مش عارفها !!!!!!!
طبعا ال131 مفهاش اى عيب من العيوب ديه , بس ربنا يسامحهم بتوع قطع الغيار و الميكانيكيه , لما حطو بصمتهم الكريمه فى العربيه اتقلب حالها , لانها كانت ممتازه قبل مايتلعب فيها .

تحياتى ليك

اقتباس:

---

المشاركة الأصلية كتبت بواسطة HOSAMSAMSOON

الاسعار فى الارض ومهما شديد العربية الفرق مش حيوازى تعبك و مصاريفك
خليها احسن
انا كنت بفكر ابيع زيك بس الحمد للة رجعت فى كلامى
كمان لو عايز تغير المتور غير ب1600clمتور كويس و بنزينة معقول جدا
من 190الى 210 وسط بلد وبيوصل الى 250فى السفر و حسب الحمولة و غيرة
واكيد فى كل الاحوال حيكون احسن من الشاهين التركى

---

شكرا استاذ حسام على ردك , انا نويت ان شاء الله اشد العربيه , بغض النظر عن البيع .لو جابت سعر كويس حبيع , ماجبتش حخليها .

بالنسبه للموتور انا كنت بتكلم على موتور الدوجان ال1600 المعديل " الى هو فى الاساس موتور تمبرا " و هو الحقيقه موتور محترم جدا و فيه عزم كويس و هو ايطالى بالمناسبه و حتى عليها بادج لانشيا بس متجمع فى تركيا . بس للاسف الفكره ديه مش عارف ابعادها " حتتكلف كام , هل الموتور يركب ولا لا ,مين الموثوق فيه الى ممكن اشترى منه " حدرس الفكره و اشوف ايه جدواها .

ان شاء الله فى انتظار تقرير حضرتك عن ورشه ابو رواش الى عملت فيها مقايسه التصليح لعربيتك لان ابو رواش تعتبر جمبى فى 6 اكتوبر و حتسهلى متابعه العربيه .
مره تانيه شكرا لحضرتك على اهتمامك
تحياتى ليك

اقتباس:

---

و خدت رأيى ميكانيكى ركب معايا و شاف المشكله قالى برده دبرياج " بس الغريب انه قالى ملهاش حل !!!!! " طبعا هو بيستسهل و لما قولت لميكانيكى تانى على صوت البليه الدبرياج " قالى كل ال131 كده " http://www.nilemotors.net/Nile/images/icons/icon10.gif ده على اساس انى لسة راكب العربيه امبارح و مش عارفها !!!!!!!
طبعا ال131 مفهاش اى عيب من العيوب ديه , بس ربنا يسامحهم بتوع قطع الغيار و الميكانيكيه , لما حطو بصمتهم الكريمه فى العربيه اتقلب حالها , لانها كانت ممتازه قبل مايتلعب فيها .

---

دة مش ميكا نيكى دة اخرة صبى يفك العجل من العربية
ربنا يكون فى عونك
على فكرة مع الاسف 6 اكتوبر مفهاش ميكانيكية عدلة ودة عن تجربة
انا منت بدير موقع الشرقية للدخان من اربع سنين وحصل ان جوان وش السلندر ضرب و العربية عملت طحينة ( ماء على زيت ) الكلام دة وانا رايح الشغل و على بعد 20كيلو من 6 اكتوبر
للاسف قررت بدل ماقطر العربية لحد مصر الجديدة اصلحها فى 6 اكتوبر
والله دى كانت كارثة
البشمهندس الله *********** المهم وهو بيفك وش السلندر بوظ راس المصامير (اللنكية نجمة ) وكان عايز يغيرهم بمصامير مسدس عادى
طبعا رفضت ورحت اتذليت فى وكالة البلح لحد ملقيتة وكان المصمار الواحد ب15جنية
المهم
العيب دة عيب نوع البلية و الاسطوانة
انا عندى ميكانيكى بس بعيد جدا عنك
لو تحب ابعت ليك عنوانة

أنا رأيى لو نواى تبيع ال131 هات بونتو ...
ده إللى انا إن شاء الله هعملوا لو ربنا أراد بس هبيع الفلوريدا مش ال131 ..
عشان ال131 عايزين بدالها عربية كبيرة مش صغيرة

اقتباس:

---

المشاركة الأصلية كتبت بواسطة HOSAMSAMSOON

دة مش ميكا نيكى دة اخرة صبى يفك العجل من العربية
ربنا يكون فى عونك
على فكرة مع الاسف 6 اكتوبر مفهاش ميكانيكية عدلة ودة عن تجربة
انا منت بدير موقع الشرقية للدخان من اربع سنين وحصل ان جوان وش السلندر ضرب و العربية عملت طحينة ( ماء على زيت ) الكلام دة وانا رايح الشغل و على بعد 20كيلو من 6 اكتوبر
للاسف قررت بدل ماقطر العربية لحد مصر الجديدة اصلحها فى 6 اكتوبر
والله دى كانت كارثة
البشمهندس الله *********** المهم وهو بيفك وش السلندر بوظ راس المصامير (اللنكية نجمة ) وكان عايز يغيرهم بمصامير مسدس عادى
طبعا رفضت ورحت اتذليت فى وكالة البلح لحد ملقيتة وكان المصمار الواحد ب15جنية
المهم
العيب دة عيب نوع البلية و الاسطوانة
انا عندى ميكانيكى بس بعيد جدا عنك
لو تحب ابعت ليك عنوانة

---

حضرتك حتقولى على صنايعيه 6 اكتوبر .. ربنا .......... يهديهم !
انا من كام تجريبه معاهم حلفت انى مش حتعامل مع اى حد فيهم ولا حتى لو حصلح كاوتش .

مره برده ال131 جايت جوان وش سلندر و انا على المحور و بأعجوبه و صلتنى لحد البيت " عربيه اصيله بجد " تانى يوم قولت اصلحها هنا فى اكتوبر عند اى ميكانيكى , لانى مش حينفع انزل بيها القاهره بالشكل ده .
روحت عن واحد " قدام مسجد راغب فى الحى التالت و جمبه واحد بتاع بطاريات ,
يعنى بجد مش عارف اقول عليه ايه , لانه كان حيولع العربيه , البيه معرفش عمل ايه فى الكونتاكت و ساب سلك فيه ملمس فى الصاج , و انا ماشى تانى يوم لقيت العربيه بطلع شياط و دخان من تحت الدركسيون و دفيره الكوناتكت ساحت و ربنا ستر على كده

مره تانيه كنت بصلح فرده كاوتش البيه بتاع الكاوتش لحم مكان الخرم ... تانى يوم العجله بقت على الارض و ركبت الاستبن و و خلفت انى مش حصلحها فى اكتتوبر و صلحتها عند الراجل الى اعرفه فى القاهره .. اتارى اللحام فك من يوم واحد بس !!!!!!!!!!!!!!!
نصيحه لوجه الله محدش يصلح عربيته فى 6 اكتوبر .

اقتباس:

---

المشاركة الأصلية كتبت بواسطة Relentless_mayhem

أنا رأيى لو نواى تبيع ال131 هات بونتو ...
ده إللى انا إن شاء الله هعملوا لو ربنا أراد بس هبيع الفلوريدا مش ال131 ..
عشان ال131 عايزين بدالها عربية كبيرة مش صغيرة

---

ربنا يسهل ,هى فعلا البونتو كانت اكتر حاجه عجبانى من الاربع عربيات الى قولت عليهم . + انى فعلا مش عاوز اطلع بره فيات http://www.nilemotors.net/Nile/images/icons/icon7.gif .

بجد ربنا يكون فى عون الناس الى سكنين فى 6 اكتوبر
ويصبرهم على الصنيعية الى هناك

طيب حد عنده فكره عن اسعار131 دلوقتى بتبدأ من كام و اقصى سعر ليها كام .

السوق دلوقتى واطى جدا
كمان موضوع منع ترخيص التاكسي القديم و الظروف الاقتصادية مخلية العرض اكتر بكتير من الطلب و دة مخلى اسعار المستعمل وطية :K14:
الاسعار كويسة بعد 2000وقبل كدة علية العوض:mahf(5):
بس ممكن تدخل على كونتكت كار و تشوف متوسط الاسعار:B4_048:

للاسف الشيديد الاسعار فى النازل بطريق بشعة

هو فعلا الاسعار فى النازل بس دة على الكل .. حتى الزيرو
مثلا دلوقتى النوبيرا فى احسن حالتها و فابريكه جوه و بره بتعمل 50 , 52 الف .
حتى العربيات الى ليها مكانه فى السوق الانسر و الكورولا و غيرهم كلهم وقعو .

*البونتو 1 .. علاشان انا متابع اسعارها من فتره كانت بتعمل من 32 : 38
دلوقتى بتعمل من 26 : 30.. 32 الف جنيه لو حالتها ممتازه و بكل كماليتها .

بالنسبه لكونتاكت كارز , الحقيقه الناس بتبالغ اوى فى الاسعار انا شوفت واحد " اكيد بيهظر " بيبيع 131 ... ب 30 الف جنيه
و رينج الاسعار 24 الف و ده اعتقد انه مش سعر منطقى بالنسبه لسعر السوق الحالى .

فعلا يا شباب الاسعار فى كونتاكت كارز و على كار 100 100 مبالغ فيها جدا وبعيده عن سعر السوق