ياريت ياجماعة تقولولي استهلاكم من البنزين عشان انا ممشيها بالبركة كده_ويعني ايه بتاخد كذا في الصفيحة؟_والتانك 1600 ياريت تقولولي بياخد كام لتر بنزين؟
عرض للطباعة
ياريت ياجماعة تقولولي استهلاكم من البنزين عشان انا ممشيها بالبركة كده_ويعني ايه بتاخد كذا في الصفيحة؟_والتانك 1600 ياريت تقولولي بياخد كام لتر بنزين؟
انا عندي مش عارف احسبه اوي لان طريقي في الول جري علي طريق سريع(المحور) و بعدين زحمه قاتله :I_angr1[1]:في ميدان لبنان وكباري وكده فهو الاتنين علي بعض متوسط كده 170 كم/20لتر انا حاسس انه معدل مش كويس :I_angr1[1]:
العربيه 1600 1 كامه
يا رب اكون افدت حضرتك
صحيح يا جماعه هو المفروض تانك ال 131 كام لتر؟
شكرا ياشريف علي ردك وعايز اسألك بتحسبها ازاي؟وفي انتظار باقي اعضاء الرابطة
لا شكر علي واجب يا دكتور بص يا سيدي انا عندي عداد البنزين مخرف شويه بس المظبوط فيه هو نور اللمبه فجربتها كده 3 مرات اللمبه تنور اقوم حاطط علي طول 20 لتر 90 عملتها 3 مرات ومن نفس المحطه وابص علي عداد الكيلو الكبير او اصفر الصغير واكتب القرايه و هكذا حسبتها كذا مره
تمام كده_اعتقد اللمبة بتنور لما بيبقي في التنك 10 لتر_انا عندي العوامة عايزة تتغير بس مكسل لانها وجع دماغ وفك تنك
انا كان عندي العوامه بايظه برده و دورت عالاصلي بتاعها لقيت انضف حاجع عند الناس المشهوره زي الكيلاني(يوغوسلافي) ب 60 جنيه :I_angr1[1]: بس للاسف بردو كعاده قطع غيار ال 131 مقعدتش شهر و نص وباظت بردو شويه تظبط و شويه المؤشر يجري كشفت علي كل حاجه وطلع العيب منها تاني للاسف :I_angr1[1]:
مش بتفك التانك ولا حاجه عشان عندنا في ال 131 التانك ورا الكنبه كل اللي بتعملوا تروح لكهربائي جنب بتاع قطع غيار هيشيلك الحته اللي ورا الكنبه و يفكها عشان تجيب زيها بظبط (لازم زيها باللملي) لازم تخدها معاك متجبهاش كده :dontudear: وتسيب العربيه عندو عشان مش هينفع تمشي بالتانك مفتوح كده وتجبهالو يركبها مش هتاخد وقت فك و تركيب :S_thum1[1]:
يعني مفيش منها ايطالي؟والتركي اخباره ايه؟عايز اخد رأيك في حاجة نور الصالون عندي ضعيف جدا وبيشتغل بس لما افتح البابين اللي ادام_عايز اقوي الاضاءة ياسلام لو نيون_كمان نور التابلوه ضعيف جدا اقويه ازاي؟
والله دخت عالايطالي ملقيتش خالص بتاع عدادات و الكهربائي قالولي اليوغوسلافي زي الايطالي اما التركي لا وحش:dontudear: وفي ارجنتيني يعني كويس
نور الصالون دي متهيالي سهله واي كهربائي نضيف هيعملها ونر التابلوه بردو لو مفيش مشاكل من الكهرباء في التابلوه هيبقي سهل هيغيرلك اللمض بس بلمض اقوي او في حاجه انا عاملها مديه شكل واضاءه في التابلوه حلوه هي شريط لمض بيضاء(الشريط اللي في ناس بتلزءوا زي الرموش كده عالفوانيس) رفيع كده بيتلزء في التابلوه من جوا تحت مبيبنش خالص وشكلو حلو مش تاكسي ولا ميكرو باص:dontudear: خالص واضاءه قويه :S_thum1[1]:الشريط بحوالي 20 جنيه
تانك 131 فى حدود 53الى 55لتر ودة بحساب التفويل حتى اخر مسورة البنزين من الخارج
يعنى فوق العوامة بحوالى 3لتر تقريبا
بالنسبة لاستهلاك البنزين
موجود فى الصفحة رقم 14من الرابطة تسجيل للموضوعات المهمة و الخاصة ب131
وحتلاقى فى الموضوع رقم 2 موضوع بيتكلم عن طريقة حساب البنزين
ودة الموضوع
موضوع خاص بحساب استهلاك البنزين000الكاتب ا/احمد
http://www.nilemotors.net/Nile/showthread.php?t=60 495
بص على الموضوع دة و اكيد حيفيدك بعون الله :S_thum1[1]:
استاذ حسام حضرتك شغال في القريه الذكيه يعني طريقك محور كتير زيي
كنت عايز اسالك هل حضرتك جددت الرخصه بعد ما حطوا الرادارات الجديده ديه علي المحور عشان المخالفات و كده :I_angr1[1]:
او تعرف ايه نظام مخالفات الرادار ده وكده :shyy:
ساعات كتير ببئا مستعجل و بسرح علي المحور واجري جامد:I_angr1[1]:
بصراحه 90 كم/ساعه سرعه تجيب شلل :dontudear: