اللهم أمين يا رب العالمين
عرض للطباعة
اللهم أمين يا رب العالمين
[frame="9 10"]
وحشنى يا اهل الرابطة
انا ربنا كرمنى و اتنقلت فى مشروع بمكة
الحمد لله
من الحرم النبوى الى الحرم المكى
اللهم تقبل منى و اغفرلى
عقبال الجميع بعون الله
[/frame]
[frame="9 10"]
يا اهل الرابة الكرام
خير عثرة ايامبدون تواجد اى عضو فى الرابطة
دة انا كدة فى غربة كمان على النت وفى الرابطة
معقولة الجميع باع عربينة؟؟؟؟؟؟؟؟؟؟؟؟
ولا اتقبض عليهم؟؟؟؟؟؟؟؟؟؟؟؟؟؟؟
ولا فية اية؟؟؟؟؟؟؟؟؟؟؟؟
طمنونى عليكم
اكتر من اربعين عضو و مفيش غيرى الى متابع
[/frame]
السلام عليكم انا محتاج منكم رايكم الفنى انا رحت للحج حمدى و الفنى عمل فحص لكارونة ال 131 cl و قال محتاجه طقم حشو المشكلة مفيش طقم متوفر لان الاكس بتاعى تخين و بعدين رحنا عزبة شلبى نشوف دفرنسيه كامل قالوا كل الموجود ملعوب فيه و بعد ما رجعنا قال ممكن نركب طقم حشو روسى لادا بس هيحتاج شغل خراطة او نركب دفرنسيه كامل بتاع الشاهين بس يحتاج تقصير لعمود الكردان بصراحه ما كنتش عارف اعمل ايه اتصلت بورشة الحج كمال بالضاهر اللى بيعمل تعديل لكارونة يابانى تويوتا أو فولفو رسملى الدنيا وردى و العملية هتتكلف 1300 1350 بالمصنعية و انا خايف من موضوع التعديل علشان هيكون فيه لحامات و تقصير لعمود الكردان
و ده لو مش معمول صح ممكن يسبب كارثة العربية بتمشى بس الصوت هيجننى و جايف تعطل فى يوم من الايام اسف طولت عليكم
[frame="9 10"]
اخيرا ظهر عضو
انتا كمان و كل الاخوة فى الرابطة وحشنى جدا جدا
انتا و كل اعضاء الرابطة مختفيين من اكتر من عشر ايام
الرابطة من مدة فى حالة سكون رهيبة
انا نفسى اعرف السبب
المهم اتمنى ان الجميع يكون بخير و فى احسن حال
:ask:
ورمضان كريم لكل الاخوة الاعضاء
طب نطمن على بعض او نقول اخبارنا و مشاكلنا لبعض
[/frame]
[frame="9 10"]
السلام عليكم
فى البداية ربنا يكون فى عونك
انا مريت بالتجربة الصعبة دى
وفعلا متعبة جدا جدا
دة غير الفلوس
المهم
دور على التاج و البنيول بتاع العربية باى شكل يكون جديد ولو تركى
انا عملت كدة
مع عظيم احترامى لفكرة تغيير بالطقم الروسى
انا كانت تجربتى مش ناجحة معاة
يمكن علشان وقع نصيبى مع طقم مضروب
بس المعلومة الاكيدة هوة التالى
1-تصميم الموتور مع الفتيس مع الكارونة متزامن
2-المصنع الاطالى قام بحساب سرعات كل الاجزاء مع بعضها البعض
3-لا يصح تغيير كارونة 131 بكارونة 131 موديل مختلف ( 131 ليها اكتر من موديل كارونة ) ودة واضح من كلام الحج حمدى ان النوع عندك تخين
4-بالتالى لا يصح تغيير كارونة 131 بكارونة اى سيارة اخرى
السبب هوة لان كل كارونة ليها السرعة المصممة عليها حسب حسابات كل سيارة و مصنع
بمعنى تانى
انتا لو غيرت بكارونة شاهين او يبانى
العربية حتمشى و تبقى زى الفل بس حيحصل التالى
1-ممكن سرعة العربية تقل بسبب اختلاف سرعة الكارونة عن السرعة المصممة ليها
2-ممكن يحصل زيادة فى استهلاك البنزين
3-قيمة العربية بتقل فى سعر اعادة البيع
انا جربت الموضوع دة فى عربية احد الاعضاء و كانت العربية بالقرص على الموتور بتجيب 110كم /الساعة بالعفية
وكانت معاة اخرها 100كم/ساعة
اصبر ولو حتى تركن العربية
فك التاج و البنيول و حاول باى شكل تجيب زية جديد ولو بكام
لومش مهم عيوب تغيير الكارونة بواحد مختلفة عن نوع العربية بالنسبةليك
خلاص توكل على الله
عايز تحافظ على العربية زى التصنيع اصبر اوى اوى على قطعة الغيار دى
انتا كدة عارف الى حيحصل بعدها فى الحالتين
ربنا يوفقك
تابعنى باخبارك دايما لان فى حجات تانية لازم تعرفها مع التركيب بعون الله
[/frame]
ايه رايكو فى عربية 131 سبور 2 باب بحالة جيدة مو 1975
1300 cc ........... ياريت تساعدونى وتقولولى سعرها كام ؟ ..... ولو فيها عيوب او مميزات ياريت حد يقولها علشان ممكن اشتريها ؟
[frame="9 10"]
السلام عليكم
فى البدية اعتذر عن التاخر فى الرد وان كان بدون قصد فى التقصير منى
ولاكن بسب ضعف اشارة النت بسبب سكنى على اعلى نقطة فى الجبل بمكة المكرمة
ارجوالدخول على الموضوعات المرفقة لمزيد من الاستفادة و للاجابة على استفسارات سيادتكم
http://www.nilemotors.net/Nile/3055-fiat-131-a.html
http://www.nilemotors.net/Nile/70645-131.html
السيارة حل سؤال سيادتكم هوة شكل السيارات الابرس او السباق ولاكن على موتور عادى
خلى بالك
لو العربية دى 1300سى سى واحد كامة حيكون ضعيف عليها و على وزنها
لو اتنين كامة حيكون معقول جدا
بالنسبة للسعر حالة العربية تحكم وكمان العرض و الطلب فى السوق
ممكن تدخل على موقع كونتكت كار حيفيدك على مستوى الاسعار دة غير متابعة الوسيط طبعا
فى النهاية نحب نتعرف على سيادتكم
عن طريق الاشتراك فى الرابطة
استمارة التعارف موجودة فى اول صفحة فى موضوع الرابطة
برجاء وضع بيانات سيادتكم فى الاستمارة المذكورة
وفى النهاية
شرفت الرابطة بمرور سيادتكم الكريم
[/frame]
كل عام وانتم بخير بمناسبة حلول شهر رمضان المبارك أعادة الله عليكم بالخير واليمن والبركات