[frame="9 10"]طيب و الحل؟؟؟؟؟؟؟؟:angry35:
انا الموضوع دة ماثر على متبعتى للرابطة
خصوصا انى بدخل من الموبيل احيانا
طيب انا حغير الميزة الى رد يومى بالميل
لو مفيش نتيجة لازم نبلغ الادارة
:B4_564:
وانتا كمان جرب و غير الميزة
نشوف حيحصل اية[/frame]
عرض للطباعة
السلام عليكم إخواني مالكي الفيات 131
بصراحة عدد الصفحات لهذه الرابطة كتيييييييييير جدًا بس أنا أخذت مقتطفات منها للمعرفة العامة عن الرابطة
أحب أعرف بنفسي
أنا لسه ممتلك السيارة الـ 131 إنبارح بس.. هي كوبيه (2 باب) موديل 1976 معلهش هي على أد فلوسي بس الحمد لله ما دامت مأديه الغرض فكده تمام
الحالة العامة بإيجاز
محتاجة شوية شغل في العفشة لأن البطاحات الكوتش متآكله وممكن دي هي إللي بتخبط في المطبات ولا إيه رأي صاحب الموضوع؟... ياريت صاحب الموضوع... يديني فكرة عامة على مكونات عفشة الـ 131 وأسعار قطع الغيار الخاصة بالعفشة وأجيبها من فين (جديد واستعمال) لحسن أنا بكرة بإذن الله لازم أقوم بالكشف وعمل العفشة
عداد السرعات مش شغال... (لازم أشغله ضروري) سلك عداد السرعة بيتباع فين وبكام.. وهل لو رحت عند واحد بتاع عدادات هلاقي عنده سلك ولا لأ؟؟؟
أمبير البنزين مش تمام.. بيروح ويجي بطريقة غريبة بإذن الله هروح لكهربائي علشان يشوف إيه الحكاية بتاعته
الصالون تمام
محتاجة تغيير جوان وش التاكهيات وجوان كرتيرة الفتيس
محتاجة اظبط كوالين الأبواب (أينعم هي بتقفل تمام ولكن الباب الخاص بالسائق ما بيتفتحش غير من الداخل فقط
السوستتين بتوع الشنطة لسه هركبهم.. (لما بأفتح الشنطة بأحتاج أمسكها علشان متقعش على دماغي)
آخر حاجة هي أينعم 2 باب بس محتاج أعمل لها سنتر فقط... رأيكم إيه أركب أي نوع من السنتر وبيتكلف كام.
وشكرًا جزيلاً لأحلى رابطة
[frame="9 10"]الحمد لله
تم عمل موضوع للدعم الفنى و حلوا المشكلة
ودة اقتباس الرد
[info]وعليكم السلام ورحمة الله وبركاته
م. حسام يمكنك إلغاء الاشتراك في الرابطة ثم الاشتراك بها مرة أخرى مع تحديد نوع الاشتراك الذي ترغب فيه سواء بالرسائل اليومية أو الفورية أو حتى بدون رسائل
للاشتراك أو لإلغاء الاشتراك:
اضغط على قائمة "أدوات الموضوع" الموجودة في المشاركة الأولى بأول الصفحة ناحية اليسار (على يمين رقم المشاركة).
ثم اختر منها إلغاء الاشتراك إذا كنت مشترك في الموضوع بالفعل وتريد تغيير نوع الاشتراك، ثم أعد المحاولة مرة أخرى ولكن اختر في هذه المرة "الاشتراك في الموضوع" وحدد نوع الاشتراك الذي تريده. [/info]
شكرا للدعم الفنى فى المنتدى
ودة لنك الموضوع
http://www.nilemotors.net/Nile/27334...post3874128878
تم تثبيت لنك الموضوع فى قائمة اهم فعليات الرابطة لعموم الفائدة[/frame]
مبروك العربيه ,ان شاء الله تكون وش خير عليك
كل الي شايفه عندك حاجات بسيطه و حلها سهل ان شاء الله
لو تعرف ميكانيكي كويس و امين و متابع معاه يبقى خليك معاه و هو هايوصلك بالصنايعيه التانيين الي انت محتاجهم
لكن لو الميكانيكي حاسس انه مش امين او بيكروت شغله يبقى دور علي حد غيره احسن
لو انت قريب من الجيزه لو نزلت عند ام المصريين هتلاقي كل حاجه للعربيه دي
بالنسبه للعفشه هي متكونه قدام من مساعدين و سوستتين و بطاحتين و اسكاترا و بارتين و مقصين بس
ورا مساعدين و سوستتين و قنطره و شدادين و طبعا الكرونه
بما ان عربيتك قريبه من عربيتي ف العفشه اما تخبط علي طول اكشف علي الاسكاترا و المقصات
لو سلام يبقى المساعدين فيهم مشكله
البطاحات اما بتتقطع المساعد بيخبط في جسم العربيه
ظبط الزوايا بيخلي الدركسيون خفيف و العفشه مريحه لكن لو عندك مشكله ف العفشه الزوايا مش هاتتظبط صح و هاتبوظ بعد لفتين بالظبط!
لو العربيه ناشفه ف المطبات يبقى العربيه عاليه زياده عن اللزوم بسبب السوست مش بتاعتها
او راكب علايه كبيره علي السوسته
طبعا البطاحات بتبتدي سعرها من 25 جنيه
حشو علبه الدركسيون من اول 8 جنيه
كاوتش بارات الدركسيون 20 جنيه و علبه شحم 8 جنيه
مقصين 180 جنيه
بارات الدركسيون 55-60 جنيه
طقم سوست امامي 190-220 جنيه
طقم مساعدين امامي مونرو 450 جنيه
طقم مساعدين امامي تركي 420 جنيه
مساعد استيراد 60 جنيه
سوسته استيراد 50 جنيه
العدادات عند كهربائيه العدادات هايظبطهالك كلها و يشغلهالك تمام
سلك عداد السرعه بيبتدي من 23 جنيه و انت طالع
فيه جزء في الفتيس الي بينقل السرعه للسلك دا لو بايظ بيتجاب استيراد ب 35 جنيه و جديد ب 120 جنيه
لو عايز تغير العدادات كلها ب 200 جنيه استيراد
جوان التاكيهات هات جوان فل و هات انبوبه سليكون حراري هايمنعلك اي تسريب زيت
الجوان ب 5 جنيه
جوان الفتيس معرفش الصراحه ماغيرتوش قبل كدا بس هتلاقي سعره بسيط بردو
بالنسبه للسنتر انا مركب سنتر وولف ب 160 جنيه بالتركيب ف شارع المطبعه ف الهرم
بالنسبالك عشان بابين بس ممكن يشيل سعر المكنتين الزياده , المكنه ب 20 جنيه
بس لازم تكون الابواب عندك مظبوطه و الكوالين خفيفه
اي استفسار تاني احنا موجودين
[frame="9 10"]مبروك على السيارة الجديدة
ربنا يكفيك شرها و يبارك ليك فيها
و شكرا على تحميل التول بار لنايل موتورز :aloha:
انا جربتة و حملتة من عندك
ومن حظك الجميل سلة عضو جديد فى الرابطة قرب يخلص مشوار شد عربية 131بابين يعنى نفس موديل عربيتك
اظن انة احسن واحد يفيدك على استفساراتك
فى انتظار انضمامك الى اسرة الرابطة
يمكنك الرجوع الى اول مشاركة فى موضوع الرابطة و الاطلاع على اسلوب الاشتراك فى الرابطة و على اهدفها
فى انتظار تفاعلك مع الرابطة
[/frame]
اخي الكريم سعد الدين
متشكر جدًا على ردك الوافي لاستفساراتي... انا بالفعل باتعامل مع ميكانيكي عندي في إمبابة، وبرده فيه عفشجي.. ولحسن الحظ أني على علاقة حميمة مع الصنايعية من سمكري لعفشجي لميكانيكي لبهيجي... إلخ... بس للأسف ساعات بحس أن الصنايعي مالوش حبيب ولا غالي... يعني ممكن يعمل شغل على أخوه ابن أمه وأبوه لو مكنش إللي قدامه فاهم... وأنا ولله الحمد عندي خبرة كويسة في صيانة العربيات وأوقات بأصلح أعطال بأيدي.. والفضل يرجع لربنا ثم هذا المنتدى الجميل وأعضاءه الكرام
عمومًا أنا اتشرفت بالانضمام معاكم في هذه الرابطة المتعاونة
بإذن الله بكره الجمعة ممكن أروح للعفشجي علشان يبص لي على العفشة ويشتغل فيها لو فيها حاجة عايزة تتعمل أنا متوقع أن المقصات فيها بوش والبطاحات متهالكة.. ده غير إللي أنا مأعرفهوش لأن العفشة خشنة إلى حد...
عايز أعرف هل فيه حد متخصص ضبط زوايا يكون برفكت في الجيزة أو محيط إمبابة؟ لأن بعد ما اظبط العفشة اكيد هحتاج أظبط زوايا
ظبط الزوايا اكتر واحد كان بيظبطلي العربيه صح ف محطه شل الي ف البحر الاعظم
و فيه واحد الناحيه التانيه ورا محطه مصر علي طول
بس محطه شل بستريحلها الصراحه و الراجل فاهم شغله اوي
شوف العفشجي هايقولك ايه الاول و بص ع العفشه كويس و الي محتاج يتغير غيره و ماتبخلش ع العربيه
عفشه ال 131 ناعمه جدا بس اما تبقى مظبوطه صح و تركب قطع غيار نضيفه
و لو لقيت عفشجي كويس و حللك مشكله الخشونه ابقى قولي لان عندي نفس القصه
وياريت يا باشا تقولينا جبتها منين وبكاااااام؟؟؟؟