النهارده نزلت اعمل شغل العفشة فى العربية
نويت انى اركب مساعد استيراد بدل المساعد اللى باظ عندى نزلت مع واحد معرفه لعفشجى يعرفة ورحنا لتاجر استيراد وجبنا منه مساعد ( مايلى برضه) وفاصلنا معاه وخدناه على 85 جنيه ورحنا ركبناه بعد ما ركب لقيت فيه عضه برضه راح العفشجى فكه تانى ورحنا غيرناه بواحد تانى وركبناه وغيرت جلد المقصات و المزيكا و جلده علبه الدركسيون (بحوالى 30 جنيه ) والعفشجى خد مصنعية 35 جنيه وكان فل الفل الكلام ده كان الساعه 5 عصرا بعد كده طلعت على كهربائى ظبط لى هيصه الاريال الكهرباء اللى كانت بايظه من امبارح و طلعت على بتاع الكاسيت وكنت موصية على سماعات اركبها فى الابواب فالمهم ركب الكاسيت وظبط وجه يركب السماعات( ب 85 جنيه) لقيتها خرومها مش جايه على الخروم اللى فى الباب عندى فقعد الراجل يقنع فيا انه هيثبت كل سماعه بمسمارين وهيفتح لهم فى الباب والفرش ( معرفش خليته يدق المسامير ازاى) وخلص تركيب الكاست ووصل السماعات اللى ورا ووصل سماعات الابواب وكان لسه مش ركب وشوش سماعات الابواب ومع ذلك كان الابواب بتقفل بصعوبة مش سلسة زى الاول لان السماعات كانت بتيجى على كاوتش عتب الباب وكمان كان الازاز مش بيفتح للاخر علشان كان مغناطيس السماعات كبير وكان واقف فى مسار مكنه الازاز
المهم خلص شغل وتركيب ( مصنعيه 20 تصليح كاسيت 28 سلوك وحاجات تانيه 10)وروحت البيت ولما وصلت مش عجبنى منظر السماعات الجديده ولا وضعها وكمان مش عامله صوت ملحوظ فحسيت انى شربتها ففكيتها و رجعت كل شئ زى الاول و ركبت مكانهم جوز السماعات بتاعتها الاصلية بس حالتهم كرب جدا ورقهم مقطع بس حطيتهم علشان يسدوا مكان الفتحه اللى فى الباب ومستنى الاقى وشوش سماعات الزقه فوق السماعات البايظه دى
ولما رجعت البيت لقيت المساعد اللى غيرته النهارده بيزيق فكده باين عليا بكره هكون عند العفشجى تانى
دعواتكم
المفضلات