الموضوع: (( رابطة الاسطورة فيات 131 ))

المشاركة الأصلية كتبت بواسطة michohat

رمضان كريم وتقبل الله منا ومنكم صالح الاعمال

عاوز اكلمكم علي اللى بفكر اعمله فى العربية الايام دي
طبعا غير السمكرة واني عاوز اعملها الدوكو بنفسي زي ما احمد فارما عمل ف عربيته

بعض الحبشتكانات كده
( 1 ) عاوز اركب تكييف للعربية بس محتار اركب الاصلي بتاعها ولا ياباني الاصلي اظن مش هيزيد عن 1000 جنيه والياباني ب 3000 من غير كلام فبفكر اعمل توليفة من الاتنين تكييف يعني اركب قطع من تكييفها الاصلي واخد اهم القطع من الجديد واركبها علشان اوصل لحاجه معقوله
معظم الصنايعيه بيقولوا انهم يركبوا لي فتحات تهوية خارجيه زي دي

وانا متمسك باستخدام فتحات التهوية اللى في التابلوة وكمان عاوز ازود فتحه او اتنين للكنبه ورا ومش عارف يبقي مكانها فين هل فى نهايه كنسوله الفيتيسس والفرامل ومكانها ورا الفرامل ( يبقي كده انا هخرم فى الكنسولة وهبوظها ) او اركب الفتحات فى الكوبسته الخلفية اللى فيها السماعات (خرطوم التكييف هيكون ماشي مع خرطوم البنزين اللي فى ارضيه العربية) وهحط الفتحات فين وهل هيكون ليها تأثير علي الراكب فى الكنبة؟ وهل يمكنني الاستفاده من فتحات التهوية الخارجيه اللى هما عاوزين يركبوها اني اركبها للكنبه الخلفية بس فين بقي
( 2 ) عاوز ازود مفتاحين نور للبابين الخلفيين وللكابوت و اوصل جهاز موبايل بالانذار بتاع العربية علشان يبقي بدل من جهاز الانذار بتاع تحديد المواقع وعلشان اسمع اللي بيحصل فى العربية والعربية تتصل بيا اول ما يحصل فيها حاجه
زي ما فى الموضوع ده
http://www.nilemotors.net/nile/180380-a.html

http://www.nilemotors.net/nile/23601...post3873693037

http://www.nilemotors.net/nile/186670-a.html

والتتبع للسيارة ومعرفه اماكن تواجدها

http://www.nilemotors.net/nile/274755-a.html

والموضوع ده تنفيذه اسهل علي ما اعتقد بس لسه فى احتيار هل انفذه ب 2 موبايل ( 1 للتتبع علشان استهلاك البطارية هيكون عالي شوية وشريحه الموبايل هتكون داتا واخر علشان يتصل بي لما يحصل حاجه لا قدر الله )

وبفكر اني استغل الكهرباء اللى بتطلع للسماعه ( السماعه هتكون متشاله ) ساعه التليفون لما يرن علشان اوصلها بكتاوت الفصل لعشان يفصل الموبينه او طرمبة البنزين عن العربية ( يعني لو رنيت علي العربية هفصل الكهرباء والرنه التانيه توصل الكهرباء ) بس الخوف من لو حد طلب نمره غلط وطلعت نمره موبايل العربية وانا ماشي بالعربية العربيه هتقف مني فلسه عاوز حل كويس

( 3 ) عاوز اتحكم فى السنترلوك بتاع العربية
بمعني اني عاوز اول دوسة علي زرار فتح الابواب يفتح باب السواق فقط ولو الدوسه طولت شوية او وست اكتر من مره علي زرار فتح الابواب يفتح كل الابواب (بما فيها باب السواق )
وافتح الشنطه برضه من الريموت

( 4 ) عاوز افصل لوحه لنمر العربية متحركه بمعني ان النمر بتختفي جوه بدن العربية اول ما السنتر يقفل و تطلع تاني مكانها لما السنتر يفتح الابواب دي بتستخدم في العربيات اللي شكل النمر بيبوظ شكل العربية
زي الفيديوهات دي

في غطاء جلدي بينزل بيغطي اللوحه مش بحبذ ده

[youtube]http://www.youtube.com/watch?v=-5kfndziomi[/youtube]
ده باستخدام ما نسميه هنا بالفاميه الحراري او زجاج او فيلم بيتعتم لما نقطع عنه الكهرباء و بيبقي شفاف لو متوصل بالكهرباء electrochromic glass وده هيكون قصاد كل لوحه لوح زجاجي وطبعا هيكون عرضه للسرقه او الكسر لان ثمنه هيكون غالي اكيد
[youtube]http://www.youtube.com/watch?v=kt22t-qcwti[/youtube]
دي بقي اللى عاوز اعملها
[youtube]http://www.youtube.com/watch?v=c1zigpyjuni&feature=related[/youtube]
[youtube]http://www.youtube.com/watch?v=c0r0x8l6gs4[/youtube]
[youtube]http://www.youtube.com/watch?v=v7vydeh5axc[/youtube]



hide the plate videos - hide the plate.com

رايكم بقى اركبها ازاي وفين وانتوا عارفين العربية ونمرها بتركب فين

( 5 ) عاوز اعدل فى عدادات العربية واخليها ديجيتال فبفكر اجيب اشيل تابلوة العدادات اللى عندي و اجيب تابلوه تاني ( علشان الاصلي بتاعي مش يبوظ لو التجربة فشلت ) و احاول اشوف تابلوه العدادات الكامله اللي فيه عداد ضغط الزيت وهحاول ادمج معاهم الافكار اللى في المواضيع دي

http://www.nilemotors.net/nile/20886...ndicators.html



http://www.nilemotors.net/nile/18787...ermometer.html



( 6) عاوز اركب في الصالون دائرة لتطويل وقت قفل النور شوية كإن النور بيسري كده ويطفي واحده واحده
http://www.nilemotors.net/nile/293386-a.html


( 7 ) عاوز اركب ليدات فى الابواب و العتب والموضوع ده عجبني فعاوز اعرف اركب فين عندي علشان يبقي المنظر كويس
http://www.nilemotors.net/nile/218975-marco14.html

http://www.nilemotors.net/nile/218324-a.html


( 8 ) سلوك البوجيهات عندي الكاوتشات الطرفية بتاعتها اتهرت فهل الكاوتشات دي بتتباع ولا اجيب سلوك بوجيه علي بعضها والافضل لو هجيب سلوك اجيبها استيراد ولا اشوف نوع عالي زي ما سمعت عن سبليت فاير وما الي ذلك

طولت عليكم
مستني رأيكم فى الحاجات دي

بحاول اجمع الفيديوهات كلها في مشاركة واحده مش عارف

حد واخد باله من الجزء الزياده عن التابلوه المتركب تحته اظن ده تكييف





حد شاف الجزء اللى تحت التابلوه قبل كده؟؟

يعنى قصد حضرتك اجيب التكييف استيراد كله؟
فى اراء اني اجيب الثلاجه بس هيا الاستيراد والسربنتينه ممكن و كمان بفكر اجيب قاعده الكمبروسور بتاعها ولا مش تنفع مع كباس ساندن؟

طب وباقي الافكار هل متاح انها تتعمل ولا هتكون كتير

بخصوص موضوع التكييف فان التكلفة للتكيف الجديد الياباني 3000 و تكلفة التكييف المخلط ( استيراد + جديد ) 1700 بعد السؤال اليوم
هل المكونات اللى داخل الصالون (كويل + ثرموستات ) اجيبها استيراد علشان تقلل من التكلفه
الكمبروسور اجيب ساندن ولا يورك و اظن كده ان الدفايه هتتشال خالص من عندي
وبفكر اجيب سربنتينه كبيرة او طويلة بحيث تركب علي الرداتير و يكون فيها مسافه تانيه بعد الردايتير كمان عند مكان السربنتينه الاصليه للعربية

تساؤل اخر بخصوص موضوع الفرش
الحمد لله العربية فيها الفرش الاصلي بتاعها راكب عليه كسوة تانيه قماش وطبعا الأرضية موكيت
حاليا لان عزيزتي جنى ربنا يبارك فيها لسه مكمله السنه و الفرش مش سالم منها
هل ادني علي الفرش القماش القطيفه ولا اركب فرش جلد
انا مستخسر فرش العربية الاصلي ابقي مش متمتع بيه

1- اسم العضو / احمد حماد على
2- مهنة العضو / مهندس حاسبات
3- سن العضو /37
4- مكان اقامة العضو / حلمبة الزيتون
5- سنة صنع السيارة 131 (1982 ) عدد السيسي CL1600cc
6- صورة للسيارة ان شاء الله هصورها قريب
7- سبب امتلاك سيارة 131 (ان وجد )سيارة العائلة
8- هل توجد سيارت اخرى (ان وجد )لا
9- الحالة العامة للسيارة فيات 131 ( [جيده )