الموضوع: بخصوص فكترا 2008 ارجو من خبراء اوبل الافاده

على فكره الكلام ده غير منطقى اطلاقا ازاى يعنى يشترى عربيه مفهياش نصف الكماليات اللى قالوا عليها هو مش اى حد قبل ما يشترى عربيته بيشوفها ويعينها وبعدين ياخدها ولا بياخدها عميانى
الفيكترا اللى ب 165 الف سعرها مناسب جدا جدا جدا
العربيه رخصت لان الموديل ده خلاص بطلوا انتاجه وبينتجوا اوبل اسنتيا سياره العام فى اوربا
لو حضرتك مش مهم معاك ان الموديل ده خلاص انتهى يبقى توكل على الله لان السياره اكثر من رائعه
وعلى فكره كل الموجود 2008
تحياتى

+111111111111111111111
الكلام اللي الراجل اللي في كونتكت كاتبوا ده مالوش اي اساس من الصحة ...توكل على الله و اشتريها ...

بص يا باشا..
المهندس اللي باتعامل معاه في صيانة عربيتي اشتغل في مقار توكيل اوبل.. و ارتوك.. توكيل سكودا..
و رأيه ف العربيتين.. ان الفيكترا احسن بمراحل من الاوكتافيا.. و خاصة ال A5
و التوكيل.. برضه منصور افضل..
و انت بنفسك قولت يا تشتري عربية بكمالياتها و خاصة انك هتدفع مبلغ كبير.. يا بلاش.. متشتريش عربية مش كاملة..

توكل علي الله و مش هتندم..

صديقى العزيز ححاول افديك لانى كنت فى نفس الحير الشديدة،معلش حتكلم شويه عن حجات خارج موضوع العربيه فى الاول .بص يا سيدى الشعب المصرى الحبيب من الشعوب التى لاتحب التحليل الى حد كبير وتحب ديما حد تانى يحلل ويا سلام لو يكون خواجه لذا تجد فى مصرنا الحبيبة الاشاعة هى ام وسائل انتشار الاخبار وليس المعرفة الدقيقة المصاحبة للتجربة.عشان كدا ارجوك ما ترميش ودنك فى كل حته حتسمع العجب العجاب زى ما حد قال ان العربيه ما فهاش نص الكمليات الى مكتوبه J)))))))))))) كوميديا فعلا (شر البلية ما يضحك) انا شخصيا معايا فيكترا توب لاين كل حاجه كانت مكتوبه فى الاوبش لقيتها وازيد شويه حجات بسيطة زى البارنج لايت والباركنج اسستنت (المريا الخارجيه بتنزل لتحت لما تجيب ورا لوحدها) وايضا ان المريا الخارجه فيها خاصية تعتيم زى الداخلية وطبعا انت فى منتهى السهولة ممكن تتاكد من كل امكانية قبل ما تجيب العربية دى بالنسبة لنقطة الاشاعات .نقطة تانية حول العربيات الثلات فيكترا اوكاتفيا الجيتا كلهم فى الاصل كويسين عربيات شركات كبيره وليست محل اختبار بس بنيجى هنا انا عاوز ايه. يا صديقى ده امر نسبى تماما ليس كل ما يقال عنه حلو وجميل وشيك قد يكون كذلك بالنسبة لك ممكن يكون حاجه تانية هى الى حلوه وجميله ليك.لذا فأن الاوكتافيا فيها فعلا مميزات عديدة جعلت اكثر الناس تجمع عليها هى والجتا اما الاوبل بيها الايزى ترونك فطبعا الاشاعات على ودنهولكن عن تجربة ليست هذه الاشاعات صحيحة شويه تعود علية وتصبح العملية فى التمام وانك تتعامل معاه ليس بطريقة الاتوماتك العادى ،اما بالنسبة لقطع الغيار فكر فى الموضوع كأمر نسبى وليس مطلق شوف الفروق الى بين العربيات فى الاسعار وفكر فى الفرق تقدر عليه ولا لا، وطبعا بلاش تشاؤم وتفكر فى قطع الغيار الى بتتغير فى الحوادث الكبيرة لا قدر الله زى الشنطه اكصدام امامى وغيره.
اقرأ الموضوع دى حيساعد شويه http://www.nilemotors.net/Nile/showt...t=62354&page=7
بس نصحية اوعى من الاشاعات وفكر باسلوب علمى منطقى، والى انت حابه و مريحك اكتر جيبه مش الى الناس حباه عشان انت الى حتركب العربية مش هم!!!!!!!!!!

كدا الراجل احتار زياده
الله يكون ف عونه