الموضوع: ايه رأيكم لو قدرنا نضم للمنتدى ضابط شرطة او قاضي او محامي شاطر؟

في حاجة بفكر فيها ولو حصلت هتبقى خدمة جامدة جدا لأعضاء المنتدى ان شاء الله...

لو قدرنا نوجه دعوة لأحد المعارف سواء ضابط او قاضي او محامي فاهم ,انه يكون مرجع للأعضاء في الامور الخاصة بالتراخيص او المرور او القضايا اللي ليها علاقة بالمرور والطريق بصفة عامة.

انا عارف انه مش من السهل توفير خدمة زي دي لأن الإستشارات دي بيدفع لها فلوس بره,بس انا شايف ان بعض الخدميين زي الأطباء مثلا بيقدموا خدماتهم لأعضاء المنتدى بدون مقابل ,ليه ميكونش في حد من الناس اللي فاهمة في القانون يعمل كده برضه؟

ياريت نسعى كلنا في الموضوع ده وربنا ييسر ونوصل لحد ان شاء الله.

لو رجعنا للموضوع الخاص ببيانات اعضاء نايل موتوروز المثبت بالمنتدى الاجتماعى هنعرف ان المنتدى فيه اكثر من واحد من الفئات المذكورة , و فكرة حساسية المنصب مرجعها الى عدم جواز اعطاء اى استشارات قانونية مدفوعة الثمن اطلاقا و لا يجوز اعطاء استشارات مجانية بالنسبة لهذه الفئات الا بعد الرجوع للجهات الرئاسية , يعنى الواحد علشان يطلع فى التلفزيون او يدى اى استشارة لاى حد لازم ياخد موافقة رئاساته , و بالتالى فالفئات دى موجودة معانا و بترد على اى استفسار بشكل ودى كامل بس مش لازم فى الرد الواحد يفصح عن صفته الرسمية و الا هيبقى بيفضح نفسه و بيعرض نفسه للمساءلة , و بعدين احنا عارفين الشخصيات دى من خلال موضوع بيانات اعضاء نايل موتورز و ممكن اللى عنده اى استفسار يبعت ليهم رسالة على الخاص او البريد الاليكترونى او حتى يتصل تليفونيا.