يا جماعة خلينا ندي العربية دي حاْءها شوية....كل واحد عندو بونتو يؤلنا مميزتها و عيوبها...تعالوا نحل لبعد مشاكلها و نفضل مع بعض كل يوم....تعالوا نخلي الرابطة دي الصفحة الأولى في منتدى فيات
عرض للطباعة
يا جماعة خلينا ندي العربية دي حاْءها شوية....كل واحد عندو بونتو يؤلنا مميزتها و عيوبها...تعالوا نحل لبعد مشاكلها و نفضل مع بعض كل يوم....تعالوا نخلي الرابطة دي الصفحة الأولى في منتدى فيات
agree with you :)
التوكيل اكتر من رائع فعلا و ناس محترمه
بعد ما استلمت العربية و عملت بيها 500 كم حسيت ان العجل عايز يترصص بس كلمتهم و حجزت السبت الماضى و رحت الساعه 11 الصبح قبانى مهندس فقمت الأدب و الذوق اسمه أيمن قالى مال العربيه ؟
قولتله عند ال 60 بحس برجرجه خفيفيه قالى تعالى نجرب العربيه المهم فعلا حس بموضوع الرجرجه قالى فى حاجه تانى ؟
قلتله المساحه الشمال مش بتنضف كويس و ساعة زمن العربيه كانت خلصانه و ماشى بيها و غسلوها من برة و نضفوها من جوه
بالنسبه لأستهلاك البنزين الصفيحه بتعمل معايا 550 كيلو ل 580 كيلو من غير تكيف مع العلم انى ساكن بمدينة العبور على طريق اسماعليه الصحراوى و شغلى بوسط البلد و ساعات بروح فرع الشركه بمصر الجديده و ساعات بجرى بالعربيه 120- 140 و مره واحده بس الى جربت احرق على الغيارات كنت بنقل عند ال 4000 RPM لانى متعود اغير ما بين 2500 - 3000 RPM و كان الله اكبر بجد على السحب
و بالنسبه للعفشه بصراحه متناهيه مش عجبانى شخصيا حاسس انها ضعيفه مجرد احساس و لما سألت البشمهندس ايمن انى اجيب عفشه و اركبها عندهم قالى لأ العربيه هتخرج من الضمان و يا سيدى استحمل ال 3 سنسن بتوع الضمان و بعد كده لعمل اللى انت عيزه
الثبات ولا اروع من كده بالنسبه ان العربيه هاتش باك
الفرامل معا انها مش ABS بس بصراحه جامده جدا جدا جدا
العداد عامل معايا 1600 حاليا
عندى احساس ان صوت الموتور عالى حبه مش عارف اذا كان صح ام لا
التكيف بتها يا جدعان مش هتلاقو زيو تانى بعريه 1242 سى سى و للعلم تكيف يابانى الصنع و متركب بايطاليا
صوت موتور المساحه الخلفيه عالى لسه مجربه النهارده
انوار الفوجات 100%
مصابيح اماميه 1000%
تقفيل خامات 100%
عزل الصوت عن العالم الخارجى 75%
سماعات صوتها رائع 90% * 4 سماعات ركبين من المصنع
انا اشتريت كايست KenWOod ب 670 جنيه اكتر من ممتاز
زرار CITY مستخدمتوش لأن باور العربيه 10000 %
تبريد الموتور ثابت 100%
فى حاجه جميله ان لما تشيل المفتاح من الكونتاكت بتاع العربيه مروحة العربيه بتفصل علشان متسحبش كهرباء من البطاريه
البطاريه اللى جايا معاها VARTA بطاريه جافه و معاها الضمان
** سالت المهندس ايمن اذا كان ممكن اركب مكن رفع للزجاج الأمامى و جهاز انذار قالى الحاجات ديه هتخرجج بره الضمان و بتبوظ الـ CPU بتاع العربيه و انا واقف معاه و احد داخل معاه بونتو 2009 برده فصله منه كهرباء بيكشفو على العربيه لأقوه مركب انذار و حرق ال CPU و العربيه خرجوها بره الضمان و كل ده و انا واقف بتفرج
التوكيل معامله و نضافه و حفاظ على السياره 100%
بيحتو على الدركسيون و الكرسى كيس بلاستيك و طقم دواسات ورق مقوى علشان الصنايعى ميبهدلش العربيه ** انا اشتريت يوم ما استلمت العربيه طقم دواسات من محطة و طنيه بـ 110 جنيه و ركبتلها كسوه جلد لونو اسود و مخرم علشان العرق و الصيف بـ 200 جنيه علشان فرشها جميل و عايز احافظ عليه و عملت مشمع جلد للشنطة بـ 70 جنيه ** و بيدولك كيس بلاستيك شيك عليه علامة فيات علشان تحت متعلاقتك الشخصيه و تسيبو فى الشنطه
و انت قاعد فى الأسترحه فوق شايف عربيتك و هى بتتصلح تحت
بالنسبه لعدت العربيه الكوريك و المفتاح و المفك ليهم مكان فوق الأستبن بيتحتوا فيه و على فكره الكوريك ده انا رفعت بيه فيكترا 2009
العربيه معايا بقاله شهر و جبتها بـ 69000 الف كاش الحمد لله
و التامين شامل تبع قناة السوس للتامين علشان هما شغلين مع اوماترا و اتكلف 2142
اللى عايز يعرف اى حاجه تانى انا حاضر و تحت امرة
شكرا علي الشرح الوافي - انا بافكر بجدية اني اجيبها
1- العفشة مش عاجباك في ايه ؟
2- العربيه فيه سنتر لوك و ريموت ولا لأ؟
3- بتحط بنزين 90 و لا 92 ؟
4- كتير قوى اشتكوا من اوماترا - حضرتك شاىف انهم كويسين
هل دا حسب مكان الصيانه ؟
و شكرا مقدما
انت جبتها منين ب 69000
اعرف انها عاملة 73000 في التوكيل
انا كان معايا بيجو 405 اكيد لازم احس ان فيه فرق بالعفشه جامد و تقيمى للعفشه 60% ساعات بتحس بمطبات و لو فى عوجه على الأسفلت بتحس بيها على الدركسيون و لو ماشى على 90كم\س و داخل على ملف و عليه عين القط ( قطع حديد بتثبت الأسفلت بتعكس النور بليل ) يتحس ان العربيه رقصت من ورا و دة طبعا بيعكس اداء المساعدين و المقصات
العربيه بها سنتر لوك من غير رموت ولا انذار
بنزين 92
توكيل تحفه و روح بنفسك و شوف و ملهمش بالقاهره غير مركز الصيانه اللى بجسر السويس
مش عارف هل من المسموح انى اقول اسامى معارض او اشخاص ؟
اعتقد ام ما فيش مشكلة لو ح توفر عليا 4000 جنيه
انت جربتها في السفر ؟ انا باسافر مرتين اسبوعيا -
ح تسد معايا و لا عزمها ضعيف شويه -65 حصان _؟
والله مش ازدى و على العموم مش تزعل لو عايزنى اقابلك و اجى معاك اجبهالك 0104555245 ده رقمى و تحت امرك
بالنسبه للسفر مره روحت بيها العاشر من رمضان و العداد كان عامل 680 كم و كان معايا 5 بالعربيه
امى و خالتى و بنتها ورا و بنتها و ابنها بالكرسى اللى جنبى و اكيد انت عارف احجام الناس الكبيره سنا :Oc_sun1[1]:
و ماشاء الله ماشى على 120 كم بدون ادنى احساس انك معدى ال 80 كم اصلا :hlopaet_prv:
شكرا يا باشا و ان شاء الله اديك تليفون اول ما انوي اجيبها
انا مان قصدي للاستفادة العامة لكل الاعضاء خصوصا ان المنتدي اول من رفع شعار (خلوها تصدي) لتخفيض الاسعار
و شكرا مقدما علي ذوقك
يا جماعة في حد عندو الكاتلوج الانجليزي؟ اصل العندي اسباني!!! و كمان في حد جرب الزرار التحت المفتاح موجود في صفحة 17 في الكاتلوج