-
إلحقونى
السلام عليكم ورحمة الله وبركاته
أنا عربيتى لانسر بومة 1600 أوتوماتيك موديل 2008.
من شهريين طلعت بيها على رصيف وعملتها فى التوكيل غيرولى الكوبلن والمقص وقاعدة المساعد والجنط والكاوتش أمامي شمال، إتكلفت ساعتها 10500 جنية.
للأسف دلوقتى العربيه خفيفة جدا جدا خاصة فى السرعات. لما بدوس فرامل الدركسيون بيترج فى إيدي والعربية بتعوم.
وطول ما أنا ماشى بالعربية الدركسيون عمل يلعب فى إيدي مش ثابت خالص، ممكن تدلونى أعمل إيه.
على فكرة أنا روحت التوكيل تانى بس مظبطوش العربية برضوا!!!
جزاكم الله خير
-
ربنا يسترها معاك و معانا
ممكن تروح لحد بتاع زوايا يكشفلك على العفشة
الاحتملات كالاتي
ممكن تكون العفشة عاوزة تربيط لو منفعش
يبقي يكون في عيب زوايا محتاج ظبط
و ممكن لو العجل محتاج ترصيص يعوم العربية و يعمل رجة في الدركسيون
و لو فيه رجة جامدة مع الفرامل يبقي المشكلة كدة مع الطنابير او التيل
-
روح اعمل مشكلة فى التوكيل العربية فى الضمان
-
اتاكد من الزوايا الاول
الطنابير فيها رفة طالما لما بتدوس فرامل العربية بترعش
-
اظبط زوايا و رصص و شوف ايه اللي هيحصل لو فضلت روح اعمل شكوة في التوكيل في جهاز حماية المستهلك المفروض العربية تطلع مظبوطة مش يصلحوا عيب و يظهر عيب تاني
-
ياراااجل حد يعمل حاجه فى التوكيل انا لو اضطريت انى اروح التوكيل يبقى عشان فانوس مش لاقيه بره اكصدام دخت عليه وملقتهوش حادثه بسيطه وجت فى الصاج والفايبر لكن اخلى التوكيل يلعب فى الفرامل ولا الموتور ولا الفتيس ولا اى حاجه من الاجزاء الداخليه دى لا يمكن الله الغنى عن التوكيل
-
لاتترك حقك 10500 دا تمن عربية يا استاذ روح اعمل لهم مشكلة ولاتترك حقك حتى ترى العربية زى الاول
-
شكرا ليكم جميعا، ربنا يجازيكوا خير...
أنا بالفعل كلمت التوكيل وهروح السبت إن شاء الله ولو العربية متصلحتش فعلا أنا هقدم شكوة فى جهاز حماية المستهلك + إن العربية لسه فى الضمان.
ربنا يسترها بس وتكون مشكلة زوايا أو ترصيص مقدور عليهم.
أخوكم أحمد عادل
-
الحمد لله العربية إتظبطت وعملوها فى التوكيل بعد عناء بس برضوا خدوا 200 جنية :_Alshmokh11:
-
يا سيدي 200 جنيه فدا راحت بالك
الف مبروك
Content Relevant URLs by
vBSEO 3.6.0 PL2