-
هو الموضوع كبير ولا ايه
بقالي يومين كده لما اجي ادور الصبح العربيه تدور عادي اجي امشي بها تقطع جامد ولازم اعلق رجلي على دبرياج واضغط بنزين جامد علشان تتحرك ياما تفضل تترجرج لغايط لما تفصل وبعدين اكتشفت النهارده ان الشاكمان في صوت طرقعه كل مادوس عالبنزين وريحه وحشه جدا هو كده يبقى في مشكله كبيره في العربيه ولا ايه العربيه ريجاتا ياريت تساعدوني
-
لا بسيطة
غير ابلاتين و كوندنسر و طقم بوجيهات و ده بيحصل كل فترة
-
طب انا عندي نظام الاشعال الكتروني
-
اها طيب يبقي البوجيهات بس و نظف الكربراتير
و اتمني ميكونش الميشت بتاعها عاوز تغير
و عموما استني رد باقي الاعضاء للتاكد و ممكن يكون حاجة بسيطة إن شاء الله
-
-
انت اخر مرة غيرت البوجيهات كان امتي
و لما الكهرباء بتعلي فيه حاجة الميكانيكي بيعملها للظبط و لا لا يعني عندك الاسبراتير ليه ظبطة ولا ثابت
-
انا مغيرتش البوجيهات من 3 سنين وكهربا عندي عمرها معلت
-
العربية عملت معايا كده من فترة وكانت بوجيهات فعلا ..
-
حضرتك مغيرتش البوجيهات من تلات سنين عظيم اوي
الحمد لله تحمد ربنا و تشكر فضلة و تدعي انك تعرف تجيب نوع بوجيهات بجودة الي خلصت عندك
و إن شاء الله لما تغير بوجيهات تلاقي سحب العربية بقي حاجة تانية و بخصوص الريحة الي كانت من الشكمان
ده ممكن تكون بنزين مش محروق علشان البوجيهات خلصت
-
3 سنين الحمد لله بسيطة ان شاءالله بوجيهات وممكن يبقي مشط الكهرباء او البوبينة
Content Relevant URLs by
vBSEO 3.6.0 PL2