الأفيو 5 أتوماتيك ... ؟؟

السلام عليكم ..

انا مهندس معماري وبفكر اجيب الأفيو5 الأتوماتيك ..
انا لفيت كتير ولاقيت دي احسن اتوماتيك بالسعر ده ..
انا كنت محتار الأول بينها وبين المتسوبيشي كولت ..
بس الكولت مش متنشرة وقطع الغيار - على حسب كلام
مجرب- مش موجوة غير في توكيل قليوب ..
الي عجبني في الأفيو 5 انها مستورده و كامله و اتوماتيك
وواسعة من جوة ومريحة .. وطبعا شكلها كويس .. بس

بالنسبة للمشاكل والأعطال والأمان - في مصر - انا معنديش معلومات كفاية ..

يا ريت لو حد يفيدني في الموضوع ده قبل ما اتدبس في العربية دي ..
عشان انا ناوي اجيبها في خلال أسبوع .. إن شاء الله ..

وشكرا
اخوكم عبدالملك

الصراحه انا اول مره اسمع ان فى افيو هاتشباك اوتوماتيك
اكيد دى لسه نازله
عموما الاعضاء اللى معاهم افيو 5 قليلين
تقريبا واحد بس
دور على مواضيع هتلاقى

انا اعرف ان الافيو 5 مانيوال بس عشان كده انا محاولتش افكر فيها عشان انا بفكر اجيب عربية صغيرة كده علي ادي بس لو في اوتوماتيك فعلا ياريت تقول موجودة فين

مفيش منها اتوماتيك على ما اعتقد

الأفيو 5 أتوماتيك شوفتها امبارح في معرض المنصور للسيارات في مصر الجديدة شارع محمد فريد المتفرع من ميدان الحجاز .. والعربية موجوده بسعر 81 ألف .. وبتيجي بالطلب من اسكندرية .. باللون الي تختاره ...

هي شكلها كويس قوي و التابلوه جامد وباين عليها النظافة عشان دي مستوره من كوريا مش معموله في مصر زي باقي الأفيو ...

انا حاسس اني شغال مع شيفروليه وبعملها دعاية .. :]

الصراحة الواحد متردد شوية عشان انا اول مرة اشتري عربية حديثة واتوماتيك ..

كان عندي البيجو 305 من سنه 1982 ولسه بايعها - خلصان منها- الاسبوع الي فات ..

شوف الرابط ده .. الجماعة عاملين مجهود كويس
http://www.nilemotors.net/Nile/showp...82&postcount=5

توكلت على الله هجيب العربية دي خلاص .. والله المستعان ..

اقتباس:

---

المشاركة الأصلية كتبت بواسطة maluka

الأفيو 5 أتوماتيك شوفتها امبارح في معرض المنصور للسيارات في مصر الجديدة شارع محمد فريد المتفرع من ميدان الحجاز .. والعربية موجوده بسعر 81 ألف .. وبتيجي بالطلب من اسكندرية .. باللون الي تختاره ...

هي شكلها كويس قوي و التابلوه جامد وباين عليها النظافة عشان دي مستوره من كوريا مش معموله في مصر زي باقي الأفيو ...

انا حاسس اني شغال مع شيفروليه وبعملها دعاية .. :]

الصراحة الواحد متردد شوية عشان انا اول مرة اشتري عربية حديثة واتوماتيك ..

كان عندي البيجو 305 من سنه 1982 ولسه بايعها - خلصان منها- الاسبوع الي فات ..

شوف الرابط ده .. الجماعة عاملين مجهود كويس
http://www.nilemotors.net/Nile/showp...82&postcount=5

توكلت على الله هجيب العربية دي خلاص .. والله المستعان ..

---

استخر وتوكل على الله وربنا يباركلك فيها

هي عربية جميلة بس الأخ twinlap بيقول إنها معاه وظهرت فيها نفس مشكلة الـ rpm اللي في السيدان

http://www.nilemotors.net/Nile/showt...t=62663&page=2

Aveo 5 aslan is made in Korea...

only the Aveo sedan is build in Egypt.......

ya gma3a elsedan fih mnha masry w kory ..........elkory a3'la b 2000p. I think

يا maluka انت رحت لمين في معرض منصور م الجديدة يا ريت تقولي
ولو في اي حد عنده استفسار عن الأفيو 5 الأوتو يقول وانا ارد عليه