صوت لما بافتح الكونتاكت لأوبل استرا 2006

**MohamedGafar** · 01-04-2009 05:26 PM

السلام عليكم يا جماعة

أنا عندي عربية أسترا موديل 2006 المهم حصل فيها حاجة غريبة النهاردة. لما تييجي تفتح الكونتاكت بتسمع صوت زي ما يكون التكييف شغال مع العلم إنه مطفي تماما. العربية لسه ما عملتش 30000 كيلو.

رجاء النصيحة و شكرا. وهل أوتوماستر يفهموا إيه العيب من غير ما يدبحوني؟ .

شكرا جزيلا يا جماعة

**abdelaziz-waleed** · 01-04-2009 08:32 PM

انا عندي في العربية لما يكون التكييف شحنه فارغ
اول ما بفتح الكونتاكت. كومبريسور التكييف بيلقط ويشغل المراوح على الرغم انه مطفي تماما.
فكنت بضطر افصل كتاوت المراوح بتاع التكييف.
ولكن بعد شحن التكييف العملية رجعت طبيعية تماما
ممكن حضرتك تفتح الكبوت وتخلي حد يفتح الكونتاكت وتشوف هل فعلا كومبريسور التكييف بيلقط ولا لأ ولو بيلقط يبقى المفروض المراوح تشتغل

**KHALED AYMAN** · 01-04-2009 08:46 PM

هو الصوت فيها من يوم ما جبتها ؟؟
هى هاتش ولا سيدان زى بتاعى ؟؟
انا فى الاوكتافيا اول ما افتح الكونتاكت بحس ان فى حاجه اشتغلت ..
زى ما انت قولت اكن التكييف شغال على الهااااااااادى...

**MohamedGafar** · 02-04-2009 09:54 AM

المشاركة الأصلية كتبت بواسطة khaled Ayman

هو الصوت فيها من يوم ما جبتها ؟؟
هى هاتش ولا سيدان زى بتاعى ؟؟
انا فى الاوكتافيا اول ما افتح الكونتاكت بحس ان فى حاجه اشتغلت ..
زى ما انت قولت اكن التكييف شغال على الهااااااااادى...

هي زي بتاعتك السيدان اللى فى الصورة. على فكرة طلع أنه موتور ضبط وضعيات التكييف وعمل غلبه على ما طلع. الظاهر إنه فيه قفله واللا حاجة. حد يعرف تمنه كام الموتور ده؟

شكرا جزيلا