ينفع أسقط ماتور جولف 4 لعربية جولف 2

**hatem_kimo** · 01-04-2009 08:18 PM

كنت بفكر أغير ماتور عربيتى وانا كنت عند الميكانيكى بتاعى قالى ممكن نسقط ماتور الجولف 4 1400 Cc هيبقى زى الفل معايا انا عربيتى موديل 89 بصراحه انا مش متأكد من كلامه فلو حد ممكن يفدنى أكون شاكر

**iBiZa** · 02-04-2009 11:05 AM

قواعد الماتور مختلفة + الضفيرة كلها مختلفة.

هيبقى شغل كتير + مصنعيات كتير, و الموضوع مش مستاهل على 1400cc.

**Eng.moh.masry** · 11-04-2009 03:54 PM

انت ممكن تسقط موتور الجولف 4 بس هيبقى تعديل و شغل كلو عك و مش هتطلع زى مانت عايز ابدا نصيحة سقط موتور 1800 بتاع الجولف 2 احسن بالفتيس بتاعو هتحس ان انت راكب عربية بجد و مش هتلاقيها مكلفة لو جيت تقارنها بالجولف 4 هتلاقيها كلام فاضى

**hatem_kimo** · 11-04-2009 08:28 PM

يعنى انت شايف كده
طب متعرفش ايه أحسن ماتور ممكن اسقطه واكون شاكر ليك

**Eng.moh.masry** · 12-04-2009 03:53 AM

احسن موتور بصراحة خير الأمور الوسط سقط 1600 بفتيس مانيوال بتاعه و صدقنى هتدعيلى و لو حبيت تنورنى فى بورسعيد ممكن اجيبلك واحد تمام و لو عايز 1800 ممكن اسألك وانا تحت امرك

**hatem_kimo** · 12-04-2009 01:17 PM

انا لو حغير يبقىاركب ال 1800 أكيد ولو انت من بورسعيد يبقى لو تخدمنى بجد تسألى على الربع الأمامى بكام تبقى عملت فيا معروف طبعا انا قصدى ربع عربية جولف ٢ امامى إستيراد بكل حاجتة يعنى الماتور والفتيس والتكييف والطنابير والحركات دى يعنى وابقى متشكر ليك جدا

**Eng.moh.masry** · 12-04-2009 02:19 PM

يا باشا انا تحت امرك و اوعدك فى اقرب وقت هكون سألتلك عنه و هيكون عندك تقرير مصور بيه و تؤمر فى اى وقت

**hatem_kimo** · 13-04-2009 12:49 PM

يا قمر والله مش عارف اقولك ايه انا عاجز عن شكرك وانا فى انتظارك

**Golfer05** · 14-04-2009 03:55 PM

يا باشا انا نفس القصة بتاعتك يا ريت لما توصل لحاجة تقوللي عشان استفيد منك عشان انا كمان عايز اسقط موتور لعربيتي

**Eng.moh.masry** · 14-04-2009 10:10 PM

حاتم باشا انا اسف انى اتاخرت فى الرد بس غصب عنى الشغل بقى و كدا
بص يا باشا الموتور 1800 انجكشن كامل بالفتيس مانيوال بالضفيرة بالكنترول يعملو بين 3800 او 4000 بس للاسف ملقيتش عفشة بس ممكن يركبلها عفشة جديدة او مساعدين و يايات heavy duty هتخليها وهم لو عزت تنزل بورسعيد تتفرج ابعتلك رقمى على الخاص و نتفق و ننزل تتفرج و تجيب الميكانيكى بتاعك يتفرج و لك القرار
و اسف مرة تانية على التاخير
م/محمد المصرى