سرقة الاطفال حقيقه

**analyzer** · 01-04-2009 08:44 PM

الاخوة الاعزاء كلنا سمعنا عن سرقه البنات ومفيش حد اكد الموضوع ده
وفى البعض سمع عن سرقة الاطفال وانا بااكد ان دى حقيقه لانه حصل بالفعل عندنا لاكن ربنا ستر
ولد عنده 4 سنوات وبنت عندها 12 سنى كانو فى طريقم الى الصيدليه
وتوقفت عربيه نصف نقل بتبيع ادوات منزليه بجوارهم وقالت للبنت خدى الجنيه ده واشترى حاجه واحنا هناخد الولد ده نشتريله بسكويت
البنت اخدت الولد وجريت وهى تصرخ قابلها الناس فى ايه قالتلهم الموضوع وتصاده وجود احد اقاربهم ومعه موتوسيكل جرى وراء العربيه وتمكن من ايقافها وتم تسليمهم الى قسم الشرطه
وفى قسم الشرطه الضابط قال ان فى 6 بلاغات اختفاء اطفال
فبرجاء من كل الاباء والامهات خلوا بالكم من اولادكم

**mecho_392** · 01-04-2009 08:46 PM

شكرا للتنبيه و ربنا يسترها مع الاباء و الامهات.

**analyzer** · 01-04-2009 08:58 PM

الهم امين
من ا ول ما شفت الموضوع ده وانا مش قادر اتلم على اعصابى وبتخيل نفسى مكان اى اب ابنه اتسرق منه
احساس بشع وصعب جدا

**aboelnagah** · 01-04-2009 10:30 PM

اللى عمله الراجل ده هو عين العقل لان ده صح لان بجد احنا خلاص بقينا نقاسى من سرقة الاطفال زى سرقة الموبيلات وسرقة المحلات وسرقة الاعضاء وسرقة الاخلاق وسرقة كل حاجة الواحد زهق بجد

**abdalla45** · 02-04-2009 12:30 AM

دا بقى عادى اليومين دول وبعدين مهم معزورين برده يا جماعه المفتى مانع استخدام الاعضاء بعد الموت هما يجيبو اعضاء منين هنوقف حالهم يعنى

**د.محمود صلاح** · 02-04-2009 09:21 AM

كل 3 سنوات نسمع عن هذا الموضوع ولاتوجد حقيقة مؤكدة , الشئ المؤكد والمثبت فعلا هى حادثة بنى مزار والتى قيدت ضد مجهول

**ahmed76** · 02-04-2009 10:10 AM

شكرا للاخ الفاضل على التنبيه

**itsonlyme** · 02-04-2009 12:42 PM

مصدر الخبر؟

**elassar2010** · 02-04-2009 01:56 PM

نا سمعت كلام من دة كتيرررررررررررررر كتيرررررررررررر بس محدش اكد ان شاف او سمع من حد اتعرض للموقف دة
احنا عندنا فى دمنهور كان فى كلام بيتقال من شهرين كدة ان فى عربية نص نقل واقفة فى حتة معينة وراجل واقف عندها ولما يشوف عيل ينادى علية ويقولة ممكن تقراء الورقة دى وفيها ريحة مخدر ويدخلة العربية والعربية دى بتروح اسكندرية
كلة واحد يقول انا سمعت بس برضة دة ميمنعش ان كل واحد يحذر ولادة ويخلى بالة منهم اكتر من الاول وربنا يستر