تحذير من محطة بنزين

**kemo0o** · 01-04-2009 10:00 PM

السلام عليكم
حصل لي موقف النهاردة كده بس الحمد لله على كل حال
بحذركم من محطة بنزين
التعاون اللي على اسكندرية الزراعي اللي هي بعد كوبري قليوب اللي لسه متجددة قريب

دخلت احط بنزين 10 لتر عشان انا مش بحط منها اساسا المهم جيت اشغل العربية لقيت مؤشر البنزين عندي اقل من 10 لتر
ماعلينا قلت يمكن العداد هو اللي مهيس

المهم لقيت واحد جاي جري بيقوللي الكاوتش نايم جيت انزل قال لي بسرعة على بتاع الهواء المهم بتاع الهوا راح مكلفتني ولقيته بيقوللي الضغط 15 وقام قعد يلف العجلة بايده وطلع لي خرمين وقام عاملهم خابور من غير ما اقول له حاجة وقال لي 30 جنية اتخانقت معاه ومشكله المهم انا اعمل ايه دلوقتي وانا متأكد انه هو اللي خرمهم 200% هل الخابور ده له مشكلة ؟؟ اعمل ايه في العالم بنت الكـ...." استغفر الله العظيم يارب

العمل ايه دلوقتي امشي بالخابور ولا اروح الحم الفردة مكواة عند بريدجستون ولا ايه العمل ؟!!!!

واياكم والمحطة ***** دي والله بنزين زفت ونصب وسرقه
تم التعديل بواسطتي
يرجى مراجعة قواعد المنتدى
مشرف فرعي 1

**ASKAFRAWY** · 01-04-2009 10:02 PM

يا باشا الموضوع دة كتر جدا وخصوصا لان المحطات دى عارفة انك على سفر....
حسبى الله ونعم الوكيل

**mecho_392** · 01-04-2009 10:06 PM

شكرا يا باشا لتوعيتنا, انا الحمد لله مش بحب اخش المحطة الزبالة دى نهائيا و المرة الوحيدة اللى دخلتها فى حياتى علشان انفخ عجلة كانت مريحه الواد قعد يقولى دى مخرومة و افكهالك و اعملها قلتله زودها بس و فى الاخر اديتلو جنيه قالى عايز جنيه كمان (على عجلة) و الحمد لله انه مخرمهاش يمكن كان محترم شويه علشان فرع مصر الجديدة.

انا رأيى انك تلحمها.. و ربنا يجازيهم

**zeyad1810** · 02-04-2009 12:14 AM

الف شكر على النصيحة
وامحطة دى بعد التجديد بقى شكلها فخم جدا وفيها مطاعم واللذى منة
بس يللا كويس انك جربتهالنا وقولت على النتيجة لانى كنت ناوى اجربهم
جزاك الله خير

**Terrible_DaRsH** · 02-04-2009 01:02 AM

الحكاية دى مشهورة من زمان اوى ..

الناس مبقاش عندها ضمير اساســــــا .

**mada121977** · 02-04-2009 02:56 AM

المحطه دى بالذات فعلا قمه فى النصب وقله الادب
وحصلى موقف حضرتك ده فى نفس المحطه الزباله دى بس الحمدلله كنت واخد بالى من الحركه دى واول الواد ماقالى دا فيه عجله مريحه قلتله ده (تييت) هيا اللى مريحه ومعندتش بقرب من المحطه الزباله دى خالص وعلى فكره العدادات عندهم ملعوب فيها والبنزين كمان مغشوش وكمان ممكن يديلك الباقى ناقص ويخنصر منه لو اخدت الفلوس وماعدتهاش ممكن ماتخدش بالك
والله نفسى اكلم اى حد يساعد فى اغلاق المحطه اللى مليانه نصابين وحراميه دى