كنت عايز اعرف هل الabs لية لزمة و انتا سايق على اقل من 80 قصدي مش سرعة رهيبة يعني هل ساعتها هتحس بالabs و التوازن في الفرملة و كدة؟
عرض للطباعة
كنت عايز اعرف هل الabs لية لزمة و انتا سايق على اقل من 80 قصدي مش سرعة رهيبة يعني هل ساعتها هتحس بالabs و التوازن في الفرملة و كدة؟
ال abs عامتا هو مانع للانزلاق على اى سرعة
ماشي ما لو سرعة اقل من 80 مسان مش هيبقى فية انزلاق يعني مش هيبان الabs ولا اية ؟
اكيد ودة على حسب الطريق بس قولى انت عايز توصل لاية بلظبت؟
عايز اوصل اركب abs و لا ملوش لزما معايا عشان انا مش بتاع سرعات كبيرة
ملوش لازمة خالص فى عربيات كتير جديدة مفيهاش abs
وكمان يا سيدى هو فى حد اصلا بيعدى 60 كيلو داخل البلد ملهاش لازمة وتكلفة ولعب فى العربية على الفاضى
مره كنت ماشي جوه البلد علي 40 تقريبا
وواحد غبي حدف عليا فجأه وانا كنت ماشي في الحاره الشمال جنب الرصيف علي طول
ضربت فرامل وللأسف العربيه حدفت حاجه بسيطه أوي شمال
الكاوتش دخل في الرصيف وانفجر والعربيه نصها الشمال وقف فوق الرصيف
اعتقد Abs كان ممكن يفرق في موقف زي ده
الهدف الاساسى للABS هو منع انغلاق العجلات عشان السواق ميفقدش السيطرة على العربية
لو العجل الامامى قفل حيبقى الدركسيون اللى فى ايدك ملوش اى لزمة و العربية حتروح فى اى اتجاة بمزاجها... لو العجل الخلفى قفل العربية حتلف اكنك شادد الهاند بريك و كل سنة و انت طيب
الABS مش حيفرق معاه انت بتجرى ولا لا لانة كدة كدة وظيفتة مش مربوطة بسرعة العربية... كمان الABS مش وظيفتة انة يوقفك اسرع... انما يوقفك بشكل اكتر امان و يديك فرصة تتحكم فى عربيتك اكتر
فى الاخر لو عربيتك مبينزلش منها موديلات بABS يبقى مش حينفع تركبلها ABS
MMamdouh
بص انا ركبت عربيات ب abs ومن غير.
ال abs انقذني كتير من حوادث كانت والله اعلم هتقع
لان الانزلاق ممكن ييجي من تراب ناعم مش لازم مطر او تلج
هقولك موقف :
مره كنت ماشي على 80 -90 كدا ومره واحده الاشاره اقفلت قدام العربيه اللي قدامي وكانت عربيه سبور "infiniti G35" يعني الراجل ضغط فرامل وقفت
انا تصورت اني لابس لابس حتى تخيلت الصدمه هيبقى شكلها ايه بس الغريب ان ال abs اشتغل وقطع فرامل وعربيتي اللي كنت فاكرها هتلبس مسكت قبل العربيه كويس جدا
مش عايز اقول لك قبل اليوم دا مكانش يفرق معايا اوي abs ولا لأ
لكن صدقني ممكن ينقذك من تصليح تلفيات كتير ف العربيه لو حصلت حاجه"وممكن ينقذ حياتك اللي لا تقدر بمال"
بس خلي بالك من اللي وراك لان لو هو مش معاه فرامل قويه يبقى الشنطه راحت يا حلو
وربنا يستر طريقنا جميعا
كدة كدة كنت حتقف قبل العربية... الفكرة ان كان عندك امكانية تحود و انت بتفرمل مع الِلآٍ
MMamdouh
مش شرطاقتباس:
هل ده يعنى ان زمن توقف عربيتين نفس النوع مع اختلاف التجهيزات هو نفسه في حاله وجود وحده منهم فيها Abs والتانيه مفهاش بس اللى هيفرق هو السيطره على العربية لو كسر الدركسيون عشان يفادى حاجه قدمه مثلا ؟
على ارض زلقة مثلا ال Abs حيوقفك اسرع + تحكم فى العربية
على ظلط مثلا ممكن العربية الى مفيهاش Abs توقفك اسرع ( مش متأكد اوى من موضوع الظلط دة بس سمعتة فى حتة قبل كدة )
الabs مش بيقوف العربية فى وقت اقل .. بل بالعكس فى وقت اكتر
وفائدة الabs الوحيدة هى انك وانت بتفرمل تعرف تلف وتوجه العربية فى المكان الى انتا عايزة .. يعنى ملهوش دعوة بالانزلاق نهائى
بالضبط كدة
انت لو بصيت على العناصر اللى بتفرق فى فرامل عربية للتانية حتلاقى ان الفرق فى قطر الطنابير و حجم التيل و حجم و عدد بساتم الكالبرات و حجم السيرفو و مقاس و نوع الكاوتش الخ الخ الخ
و لو جبت عربيتين نفس النوع و لامواصفات بالضبط بس واحد فيها ABS و التانية مفيهاش حتلاقيهم بيفرملوا زى بعض تمام
دة ممكن يحصل العكس و العربية اللى فيها ABS تقف فى مسافة اطول لان العجل عمرة ما بيقفش و بيفضل ماشى بالتنالى لو الارض عليها طبقة رمل حبفضل الكاوتش يلف يلف لحد ما يقف على عكس العربية اللى مفيهاش ABS عجلها حيقفش و يزيح الرمل من قدامها و يبقى اكنة بيحفر فى الارض لحد ما يقفش فى الاسفلت و يقف... نفس الفكرة فى الاراضى الطين او اللى عليها طبقة رفيعة من الجليد
انا شفت فيديو من best motoring كان فيه عربية EVO و العربية عملت حادثة بسبب الABS... السواق داس فرامل قبل الملف و التراك كان مبلول فا العججل كان حيقفش فا الABS اشتغل و القوة الفرملية للعربية قلت فا خرجت عن الline الصح و طلعت برة التراك... بس الراجل مدخلش فى الصور لنة كان عرف يحود و يسيطر على العربية و هى على النجيلة المبلولة
MMamdouh
طيب سؤال... لما العربيه بيكون فيها ebd مع الـ abs لما قوه الفرامل بتقل في العجله اللي مفيهاش تراكشن بتتنقل لعجله تانيه فيها تراكشن... و بكده مجموع القوه الفرمليه للأربع عجلات بيفضل هوه هوه زي العربيه اللي من غير absاقتباس:
انا شفت فيديو من best motoring كان فيه عربية EVO و العربية عملت حادثة بسبب الABS... السواق داس فرامل قبل الملف و التراك كان مبلول فا العججل كان حيقفش فا الABS اشتغل و القوة الفرملية للعربية قلت فا خرجت عن الline الصح و طلعت برة التراك... بس الراجل مدخلش فى الصور لنة كان عرف يحود و يسيطر على العربية و هى على النجيلة المبلولة
ايه رأيك في الكلام ده؟
بالضبط كدة... بس مش اسرع من العادى... و دة ببساطة لان مكونات الفرامل فى العربية الABS هى هى المكونات للعربية اللى مفيهاش ABS على فرض اننا بنقارن عربيتين زى بعض تمام بالتالى مفيش اى سبب ان فرامل عربية فيهم تبقى اقوى من التانية... الفكرة فى التحكم اللى بيبقى عندك نتيجة ان العجل لسة بيلف بالتالى العربية حتستجيب لما تحود الدركسيون
و كون ان العجل بيلف يعنى مفيش فرصة انة يحفر فى الارض عشان يقف على ارض فيها حصى او طبفة رمل عشان كدة مسافة التوقف حتزيد... و الزيادة دى هى التمن اللى بتدفعة مقابل التحكم فى الدركسيون
MMamdouh
كدة انت بتحسن من توزيع القوة الفرملية على طريق زلق لتحسن الاداء للعربية اللى فيها ABS و بالتالى حتقلل فرص ان العربية تلف حوالين نفسها مع الفرامل فى طريق زلق او فى موقف صعب
لكن فى النهاية مازال بيحكمك الخاصية الاساسية للABS و هى منع انغلاق العجلات و بالتالى مسافة التوقف ممكن تطول برضة خصوصا لو الحالة اللى بنتكلم فيها عى على خط مستقيم و بالتالى الEBD مش حيبقالة تاثير
MMamdouh
طيب وايه التأثير لما يكون الارض عليها بقعة زيت ..... هو نفسة
ولا ال absح يبقى له تأثير
طيب اللينك ده فيه فيديو.. و فيه بيقولو ان انغلاق الفرامل (و زحلقه العجله) بتؤدي- بالاضافه لفقدان التوجيه - الى زياده مسافه التوقف.
http://www.youtube.com/watch?v=yhYDK...eature=related