عن صيانه ال40 الف و سؤال فني
النهارده عملت صيانه ال40 الف في السبع زهراء المعادي
و عندي سؤال فني
النهارده في خلال الصيانه جابوني و وروني ان جلب المقصات عندي مقطعه و في مقص ملوح, قلتلهم طيب نغيرها قالولي لأ مينفعش
قلتلهم اشمعني يعني ما العربيات اللي معانا قبل كده كنا بنغير فيها كل حاجه
الرد كان ان مقص الصني قطعه واحده سواء بيض المقص او الجلب باظت بيتغير كله
طبعا المقص الواحد تمنه 550 جنيه يعني الجوز ب 1100 و مصنعيه تغييرهم ب154 جنيه
صيانه ال40 الف ب 2460 جنيه:mad2:
بجد انا مضايق من الاسعار دي و ندمان اني مشتريتش حاجه تانيه زي اللانوس اللي اصحابها ممشينها ببنزين 80 و اجدعها حاجه بتتغير فيها لا يتعدي سعرها 100 او 200 جنيه بالكتير
انا عايز اعرف هل كان في حل لجلب المقصات دي انها تتغير مثلا ولا فعلا مكنش فيه غير انها تتغير؟