اصدام من الخلف بالصور كيفية التصليح ...........

**sokasoon** · 12-09-2007 04:00 PM

شكرااا يا ahmed speedo

طيب لو جبت الفانوس كامل ب75 جنية من التوفيقية

ينفع اخد الوش بتاعو اركبو مكان المكسور عندى ولا ماينفعش

بدل ما اشيل الفانوس خالص واركب الثانى ويبقا مش

مظبوط فأخلى الاصلى واخد الوش بس

**ihab** · 12-09-2007 04:28 PM

الوش البلاستيك حتلاقيه فى شركة الاهرام للبلاستيك و دى موجودة فى التوفيقية
و ممكن تفك الفانوس نفسه و تروح لهم بيه هما يعملوا لك الشغلانة دى
و حتلاقى فى التوفيقية الفوانيس التايوانى و الصينى و دى بتبقى رخيصة

**Sameh Aziz** · 12-09-2007 04:33 PM

ربنا يعوض عليك يا باشا و الحمد لله ان انت و اسرتك بخير
و علي العموم دي بسيطة
في اول شارع زكي ع اليمين (التوفيقية) شركة الاهرام للبلاستيك بيعملوا هناك كل انواع الفوانيس
انا فاكر ان فانوس النوبيرا في حدود 80-100 جنيه يعني بتاع الانوس مش هيزيد عن كده

بس في حاجة احسن من كده ممكن تحاول تعملها هما عندهم الصنع في الظاهر ممكن هناك يصب الحتت المكسورة

و ان شاء الله تكون كويسة

Sameh Aziz

**PAYOO** · 12-09-2007 04:38 PM

الحمد للـ لله إن ربنا سلم

كان نفسي أفيدك والله يا وليد في أسئلتك دي لكن أنا شايف الأخوة الزملاء قاموا بالواجب وأكثر

معلش بقى ماتزعلش نفسك يا وليد

**Ahmed Hassan** · 12-09-2007 04:55 PM

قدر الله و ما شاء فعل.. و حمدا لله على سلامتك. لو زي ما بتقول الفانوس معدول و متحركش.. و تمن الفانوس الجديد مش غالي.. هان جديد و ركبه و هيكون مضبوط ان شاء الله بدل مفيش حاجه في جسم العربيه.

12-09-2007 05:06 PM

الف سلام عليك يا وليد ، بص انت محتاج زيارة مطولة للحرفيين انا عملت اصلاحات في الاكصدامين الامامي والخلفي ورشيتهم وده كله اتكلف 250 هناك في كذا واحد بتاع فيبر بيستعدل الاكصدام ولو مكسور او مخرم بيلحموا بعد كده بيروح لبتاع الدوكو يمعجن ويرش

**hazem_khidr** · 12-09-2007 05:32 PM

الله يخليك يا لولو
بس يا وليد ما تغلبش نفسك و تجيب فانوس و تشيل الوش و تركبه في الفانوس اللي عندك دي شغلانه و الاحسن يا تجيب واحد استعمال علشان يبقي اصلي او تروح شركه الاهرام و تصب الحتت المكسره عندك لكن لو جبت وش مصري حيقرفك و حيخلي شكل الفانوس وحش و الاوان سايحه علي بعض.
بالنسبه للاكصدام خلي حد بتاع فيبر او بلاستيك يعمله و انت ممكن ترشه لكن سيبه شويه كده علشان العربيه شكلها واخده عين تمام

**sokasoon** · 12-09-2007 10:19 PM

شكرااا يا جماعة على النصايح

والفكرة الممتازة انى اروح شركة الاهرام للبلاستيك

فكرة ممتازة صب الفانوس وماجيبش واحد مصري

يتعبنى زى ما قولت يا حازم اشكركم جميعا على مساعدتى

**sokasoon** · 12-09-2007 10:24 PM

المشاركة الأصلية كتبت بواسطة PAYOO

الحمد للـ لله إن ربنا سلم

كان نفسي أفيدك والله يا وليد في أسئلتك دي لكن أنا شايف الأخوة الزملاء قاموا بالواجب وأكثر

معلش بقى ماتزعلش نفسك يا وليد

من غير ما تحلف يا بايو صادق

والحمدلله على كل شىء

**3mr Farrag** · 18-09-2007 03:35 AM

انا رأيي ريح دماغك و انزل وكاله البلح هاتلك واحد مستعمل و هتلاقيه رخيص.....
انا كان وش المرايه مكسور و كاكنش موجود غير في التوكيل و جبته من وكاله البلح بي 30 و كنت ممكن اجيبه بأقل كمان بس كنت عايز انجز....فيعني هتلاقي الفانوس رخيص ان شاء الله

الموضوع: اصدام من الخلف بالصور كيفية التصليح ...........

LinkBack

أدوات الموضوع

عرض

-

-

-

-

المواضيع المتشابهه

كيفية تركيب العدسات بالصور...

كيفية تلميع السيارة...بالصور!

كيفية إستلام جين 2 او بيرسونا - بالصور-

كيفية ضبط نور السيارة بالصور

كيفية تركيب الزينون بالصور

الكلمات الدلالية لهذا الموضوع

المفضلات

المفضلات

ضوابط المشاركة