عرض للطباعة
معلش يا جماعة أنا زهقتكم بس عايز أعرف صوت طقطقة خفيفة فى المطبات البسيطة لما أهدي قوي فى المطب لأوبل فكترا 99 من العجل اللى قدام وماعتقدش إنها البطاحات لأني مغيرها قريب ، حد يعرف دي ممكن تبقى من إيه أو يعرف عفشجي كويس أروحله فى منطقة مصر الجديدة أو مدينة نصر أو الحرفيين؟
شكرا جزيلا يا سادة
ولا يهمك يا با شا .. الطقطقه لو في الملفات وانت معشق اي نقله تبقي كوبلن - انما لو في المشي العدل تبقي اما مساعد او غالبا عامود ميزان - اما لو الصوت عباره عن طقه واحده لما تتحرك من الثبات وانت فاتح العجل يبقي بيض تيش الدركسيون او بيض المقص وربنا معاك .
و كمان لو الطقطقة دي مصحوبة برعشة بسيطة في الدركسيون بقي تبقي ايه..؟؟اقتباس:
المشاركة الأصلية كتبت بواسطة hellboy
بيتهيألي بارات دركسيون او علبة دركسيون مش كده..؟؟
انا مش متأكد..
بس كفاءة يا فادي باشا.. تسلم ايدك..
لأ يا جماعة دي بتبان فى المطبات وبالنسبة للنقلات العربية أوتوماتيك. طقطقة خفيفة جدا لا تحس بس أنا اللى وداني حساسة قوي مع العربية! وتبان فى المطبات الخفيفة فقط وعلى شرط انى أكون مهدي جدا فى المطب. غيرت البطاحات ولازال الصوت موجود. ممكن تكون بيض الدركسيون ؟؟ ولا حاجة تانية؟ وياريت يا جماعة اللى عنده عفشجي كويس للأوبل - خاصة الفكترا- يقوللنا.
بالنسيبة لعامود الميزان ده للجوز العجل اللى قدام . مش كده؟
يطلعوا بكام جداد؟
شكرا جزيلا يا سادة
واضح كده ان المشكله في عامود الميزان . انا كنت مركب فرده برازيلي بس حلوه قوي وكانت ب 85ج وهما بيركبوا قدام فعلا .
المشكلة دى حصلت معايا فكورسا 2005!وكانت صوت طقطقة تظهر فى المطبات
وطلع من satabilizer وغيرتهم ب 180 جنيه
ممكن التيوش او البيض او البارات مش هتخرج عن دول لو عايز حد كويس فى وليد فى الحى السابع هو متخصص فى الاوبل بس نصيحة جبلة انت قطع الغيار وربنا معاك ونشا الله بسيطة
وليد بس مين يا تامر ده تعبان جدا انا جربتة و معانا واحد هنا كمان جربة تعباااااااااااااااااااااا ااااااااااااااااااااااااا ااااان في ناس كتير تانية بس بلاش ده هو اخرة يركب تيل فرامل
في ناس في الحرفيين كتير و في احمد عبد الراضي راجل محترم و في فادي
هو مش لازم يكون اسمه عفشجي يعني تقريبا كل الميكانيكية بيعملوا العفشة
بص بصرف النظر عنة هو هيعمل اة كل العفشة عبارة عن بيضة وتيش وبارة ومساعد وبطاحة ادى العفشة انا ممكن اعملها بأدية بس مفيش وقت وجهد وحجات كتير بص هو مش اختراع بصراحة انا بتعامل معاة وانا فاهم غير دية وشيل دية وهو كويس معاية عندك مكينيكى كويس فى ربعة ممكن تروحلة ممتاز بس هو غالى شوية بعد التوكيل بشوية اسمة صابر اة رئيك فية دةاقتباس:
المشاركة الأصلية كتبت بواسطة ahmedmaklad
امسك الفردة بايديك الاتنين من فوق فى النص وهز جامد لو حسيت ببوش فى العجلة يبقى بيضاقتباس:
المشاركة الأصلية كتبت بواسطة mohamedgafar
امسكها من الميمن والشمال (كل ايد فى ناحية) وهزجامد كأنك بتحاول تلفها لو فى بوش يبقى جلب
امسك تيش الميزان وهزة ممككن يبقى مش مربوط كويس او مبوش
لو بتحس بتعويمة فى الدورانات بسرعة او العربية بتميل زيادة عن اللزوم يبقى كاوتش ميزان
لو ملقتش حاجة من الكلام دة كلة يبقى اغسل عفشة
لو عايز عفشجى كويس فى اشرف اوبل فى احمد سعيد
أشرف فى أحمد سعيد و الميكانيكي مش شرط يكون فاهم فى العفشة أو ممكن تغلبه و ميعرفش يوصل لحل بسهولة و يخليك تشتري قطع غيار مالهاش لازمة لكن العفشجي دي شغلته .
تماااااااااااااااااام . ممكن أعرف فين في شارع أحمد سعيد؟ وتليفونه لو تكرمت؟اقتباس:
المشاركة الأصلية كتبت بواسطة eng\ahmed
14 ش الاجهورى من شارع احمد سعيد خلف المستشفى الجوىاقتباس:
المشاركة الأصلية كتبت بواسطة mohamedgafar
لو انت داخل من ناحية صلاح سالم هتدخل احمد سعيد هتلاقى فى زى صينية وشارع يمين ادخل انت اليمين اللى بعدة يعنى تانى يمين فى احمد سعيد من ناحية صلاح سالم
شكرا جزيلا حأروحله وأقوللكم على النتيجة إن شاء اللهاقتباس:
المشاركة الأصلية كتبت بواسطة eng\ahmed
اا في الانتظار.. عشان ممكن اروح اكشف علي العفشة عنده ان شاء الله..اقتباس:
المشاركة الأصلية كتبت بواسطة mohamedgafar
مش عارف يا أحمد أنا حأشوف عبد الله أوبل اللي لسه قايلين عليه النهارده . شكله كويس.اقتباس:
المشاركة الأصلية كتبت بواسطة Ahmad Allawy
روح ياعلاوى على ضمانتىاقتباس:
المشاركة الأصلية كتبت بواسطة Ahmad Allawy
فى واحد هناك اسمة احمد اخو اشرف خلية يبصلك عليها
ان شاء الله باذن الله..اقتباس:
المشاركة الأصلية كتبت بواسطة eng\ahmed
رأيك ممكن اروحله بالليل ولا اخليها في ويك اند بالنهار احسن؟؟
بالنهار .....اقتباس:
المشاركة الأصلية كتبت بواسطة Ahmad Allawy
يبقي ويك اند وقتي..اقتباس:
المشاركة الأصلية كتبت بواسطة ENG\AHMED
عشان انا بارجع البيت من الشغل.. بعد غروب الشمس..
عايش ف الظلام..:shyy:
رقمه 0123924455