توكيل دايو ابو الفتوح في ابو رواش احسن ولا العباسية

يا جماعة حد يفيدني في صيانة 5000
عايز اروح التوكيل بتاع ابو الفتوح مش ابو غالي
وعرفت ان ليهم فرعين في ابو رواش والعباسية

لو حد جرب التعامل مع الاتنين يقولي مميزات وعيوب كل واحد

لاني عايزهم يكشفوا علي حاجات كتير:
1- حدفة يمين في السيارة من ساعة ما استلمتها
2- عومان وخفة في الدركسيون علي سرعة 100 كم/س
3- خبطة في العجلة الخلفية خايف تكون عوجت الجنط
4- المفروض هغير زيت ولا ايه عشان حاطط موبيل 1 بقالو 4 شهور ونص
5- صوت الموتور وال Rpm عالي
6- التكييف تبريده ضعيف مع حرارة الجو لانه مكنش باين عشان استلمت العربية في الشتاء

ياريت ياجماعة النصيحة عشان نفسي اخلص من الكابوس ده
انا عايز حد جرب ابو الفتوح عشان جربت ابو غالي ومعجبنيش

واسف للاطالة

انا معايا نوبيرا 2008 ورحت صيانة الالف فى ابو الرواش وكان الدركسيون فى سنة شمال كدة بس العربية مش بتحدف يعنى لو سبت الدركسيون كان بيفضل على وضعة والعربية مش بتحدف وفرامل اليد كانت عايزة رجلاش المهم راحوا خلوا الدركسيون مظبوط فى النص والعربية بقت تحدف يمين وفرامل اليد ذى ما هى بس فرامل الرجل بقت خفيفة شوية تقريبا رجلشوها بدل اليد طبعا انا رحتلهم تانى يوم على طول قلت للمهندس على موضوع الحدفة ومتكلمتش على موضوع الفرامل قلت مش ناقص لعب فى العربية لتبوظ اكتر كدة حلو المهم خدوا العربية و استلمتها قلت للمهندس كان فى اية قالى ضغط الكوتش مش مضبوط طبعا انا مصدقتوش لأن انا كنت مظبطة قبل ماروح تانى مرة خد العربية ومشيت المهم بقت كويسة ومش بتحدف الكلام دة فى صيانة الالف
فى صيانة 5000 رحتلهم يوم خميس الى كان اجازة دة المهم كانوا رايقين اوى بعكس صيانة الالف وكانت العربية اللمية الخضرا فيها بتقل وقلتلهم عليها وعملوا (كان وش السلندر عايز يتربط ) وعملوا رجلاش لفرامل اليد لوحدهم من غير متكلم وبقت ذى الفل خالص وغسلوا الموتور لوحدهم بردة غسلة محترمة
فتجربتى معهاهم مرة وحشين ومرة التانية حلوين قلت يمكن عشان الدنيا يعتها كانت رايقة فى صيانة 5000
انا اسف جدا على الاطالة بس حبيت اوضحلك تجربيتى مع ابو الرواش الى اسمع انة احسن من العباسية وهو المركز الرئيسى

أبو رواش أحسن و فاهمين بس لازم تقولهم علي اللي أنت عايزه و تراجع وراهم

العباسية كويسيين بس لو تعرف حد جوه

اقتباس:

---

المشاركة الأصلية كتبت بواسطة SE_coralsea

أبو رواش أحسن و فاهمين بس لازم تقولهم علي اللي أنت عايزه و تراجع وراهم

العباسية كويسيين بس لو تعرف حد جوه

---

هو انت بتشوف عربيتك وهما شغالين فيها في العباسية ولا زي ابورواش وابوغالي بتقعد في الاستراحة

اقتباس:

---

المشاركة الأصلية كتبت بواسطة swimmer25

هو انت بتشوف عربيتك وهما شغالين فيها في العباسية ولا زي ابورواش وابوغالي بتقعد في الاستراحة

---

في العباسية كنت بأدخل جوة و أقف معاهم بس علشان كنت أعرف واحد جوة

ابو رواش احسن على ما اعتقد من تجربتى بس فعلا لازم تراجع وراهم بس شغلهم افضل على كلام الناس لما كنت هناك وسألتهم انهى احسن كلة قال هنا واحنا بنجرب كل المراكز من زمان وهكذا :)