تحية لرجال المرور ( المحترمين )

**Rembrandt** · 02-04-2009 03:33 PM

لسة فى ولاد حلال فى البلد وحمدالله على السلامة

**madoo** · 02-04-2009 03:42 PM

اولا الف سلامه على بنت حضرتك

ثانيا عاوز اسأل سؤال و لو دة كان حصل بره مصر مثلا اوروبا او حتى الخليج كان ممكن حد يقدر الظروف دى ؟ انا مش بقول انه اتصرف صح او غلط

بس انا مش عارف كان مممكن باللى حضرتك عاملته دة تضيع عربيات وناس تانيه وكان تبقى مصيبه

بس انا مقدر ظروف حضرتك فعلا الله يكون فى عونك انا لو مكانك اكيد كنت هعمل اكتر من كدة , بس خلى بالك ياباشا بعد كدة مش كل مرة تسلم الجرة

والف سلامه على بنت حضرتك كمان مرة هى عامله ايه دلوقتى ؟:k10::k10::k10::k10::k10::k10::k10::k10::k10::k1 0::k10::k10::k10::k10:

**zalpany2000** · 02-04-2009 04:21 PM

اه
برة و في دول العالم المحترمة لو فيه مبرر قوي يعني مريض او فيه حد تعبان او فيه ظرف مهم

بيبقي طبعا فيه تجاوز عن الحاجات اللي زي دي خصوصا لسيارات الطوارئ زي المطافئ والاسعاف.

و اعرف انه في امريكا حتي لو انت اتزنقت في زحمة سير او عربيتك اتعطلت
بتتصل بالشرطة وبيجو ياخدوك من اي مكان انت فيه

هناك الشرطة دورها مش دور حفظ الامن و القبض علي الحرمية بس
هناك الشرطة ليها دور اجتماعي قوي.

الاجمل من ده الشعوب نفسها

يعني انا فيه موقف حضرتكم فكرتوني بيه

ليا استاذ دكتور عندنا حكالي انه كان في في منحة في امريكا و معاه زميله له معاقة، الجامعة وفرت ليها عربية علشان تروح بيها الجامعة والسكن بتاعهم
و في يوم رجع معاها ، و هي ماشية دخلت ناصية شارع بس دخلت المعاكس مش الحارة بتاعتها، و فوجأت بعد 100 متر انها في المعاكس و العربيات اللي جاية في الوش بدأت تبان، فراحت موقفة العربية، وبيقولي طبعا انهم كانوا مرعوبين لأن امريكا مافيهاش هزار في قواعد المرور

الموقف اللي انا باتكلم عنه
واحد من الناس اللي جايه في المعاكس
و قف عربيته ونزل يسألهم مالهم، أول ما شاف علامة المعاقين، رجع العربية، وقف العربية بعرض الطريق
وشغل الانتظار و رجع شرحلهم انهم جايين في المعاكس وخلاه معاهم لحد أما رجعوا ودخلوا في الاتجاه السليم

الموقف ده لوحصل في مصر، ايه اللي ممكن يحصل للست دي ؟؟؟ سألتوا نفسكم ؟

تحياتي

**M_Nabil** · 02-04-2009 10:43 PM

الف سلامة على بنتك يافندم والحمد الله انها بقت بخير هو لسه فعلا في ناس محترمه و عندها تقدير للظروف والحالات الانسانية والملفت في الموضوع انه حصل من ضابط لسه صغير (ملازم أول) عشان معظمهم بيكون لسه متخراج من الكلية وفرحان بالدبوره والبدله وعاوز يثبت نفسه وعمال يخنق على البشر وربنا يستر طريقنا جميعا

**thegreatnileman** · 02-04-2009 11:10 PM

انت المفروض تقعد تحمد ربنا وتشكره لانك كان زمانك دلوقتى الشر بره وبعيد مش عاوز افسر فى وشك او وشنا كان زمانك مقضى الويك اند بيتعمل معاك احلى واجب ومرتاح على الاخر

**abdalla45** · 02-04-2009 11:15 PM

المشاركة الأصلية كتبت بواسطة karimone

نقدر نعتبره اخر الرجال المحترمين...

قلما بنجد الامثله ديه من ظباط الشرطه... المشكله ان السلبيات الكتير اللي بنشوفها منهم بتغطي علي الايجابيات اللي بيعملوها...

ده مايمنعش ان حضرتك كنت غلطان و كان ممكن تقع مع واحد مابيرحمش و كان هيبقي في كلابوش و حاجات وحشه كتير...

ربنا يستر علينا و بلاش نمشي عكسي يا جماعه...

ايه التشاؤم ده لسه برده فى ناس محترمه

**ASKAFRAWY** · 02-04-2009 11:20 PM

الف سلامة على بنت حضرتك..
والف شكر للضابط الشهم دة!
اكيدربنا ساعتها كان موقفلك ولاد الحلال!

**ahit** · 03-04-2009 03:24 AM

فعلاً موقف جميل و ربنا يكتر من أمثاله
و ربنا يشفى بنتك و أولادنا اللهم آمين
و شكراً إنك ذكرت شىء إيجابى فى الشارع المصرى عشان مانفقدش الأمل
شكراً

**aif** · 03-04-2009 12:05 PM

الف سلامة لبنتك :k10:
ببساطة .....
انت اكيد عملت خير ... وربنا سترها معاك عشان كدة
وفيه غيرك بيبقى في ظروف اقوى من ظروفك بكتيييير .... لكن ربنا بيوقعو في ناس رخمة ومش بتقدر ظروف حد
يبقى الفرق ايه ...؟؟؟؟
اللي بيعمل خير ..... اكيد بيرجعله .... ولو بعد حين
....
ولا يظلم ربك أحدا

-

الموضوع: تحية لرجال المرور ( المحترمين )

LinkBack

أدوات الموضوع

عرض

-

-

-

-

-

-

-

المواضيع المتشابهه

تحية خاصة للاعضاء المنتدى المحترمين مفيش حد عندة جى ام عطلان او غال للبيع

تواجد مكثف لرجال المرور بالعاصمة لضبط المرور

تحية بجد لكل رجال المرور المحترمين

تحية لعسكرى المرور

الكلمات الدلالية لهذا الموضوع

المفضلات

المفضلات

ضوابط المشاركة