الف سلامة على بنت حضرتك وخير ان شاء الله
الحمدلله لسة فى ناس محترمة ويارب يكتروا عشان الوحش ما يطغيش عالحلو اكتر من كده
عرض للطباعة
الف سلامة على بنت حضرتك وخير ان شاء الله
الحمدلله لسة فى ناس محترمة ويارب يكتروا عشان الوحش ما يطغيش عالحلو اكتر من كده
اولا الف الف سلامة على بنت حضرتك .........................
فعلا فى ضباط كويسين و كويسين جدا كمان و بيهزرو معاك
و فى موقف حصلى من كام يوم كنت ماشى انا و والدتى و التليفون بتاعى رن كان والدى على التليفون و كنت داخل على اشارة و كان فيها ظابط فركنت قبل الاشارة علطول بس للاسف الظابط لمحنى بس مكلمش و اديت التليفون لوالدتى و كان والدى لسه على التليفون بيكلمها فراح الظابط موقفنى عند الاشارة و بيقولى ...... " يعنى انا مش مالى عينك " رحت قايله انا ركنت عشان كده و بعدين اديت التليفون لوالدتى راح مبتسم و قايلى حتى والدتك بتكلم فى التليفون رحت قلتله هو قانون المرور الجديد بيمنع اللى جنب السواق قالى اه طبعا انت شكلك مقرتش القانون كويس " طبعا بهزار "
رحت ماشى
فعلا فى ظباط فى مصر جادعين و محترمين و ذوق انا طولت عليكو صح بس معلش فى موضوع تانى كمان
ابن خالى و هو بيعدى الطريق خبطته العربية فأخدناه جرى على المستشفى فكنا لازم نمشى عكس او نلف لفة طويلة شوية و كانت الاشارة حمرة فخالى ضرب كلاكس لامين شرطة كان فى الاشارة و قاله ابنى دمه سايح ممكن تفتح الاشارة بس
تعرفو رد الفعل ايه:-
فتحله الاشارة و طلع بالموتوسيكل ادامه عكس الطريق لغاية المستشفى و احنا راجعين جلنا فى الاشارة و اطمن عليه
انا بصراحة شكرته جامد
هى دى الرجالة