الموضوع: بالحساب كده العربية الزيرو بتكلفنا كام مصاريف تشغيل

المشاركة الأصلية كتبت بواسطة karimone

انا شايف ان 62 قرش ده سعر كويس للكيلو...

اكيد الرقم بيكون اعلي في التكسيات... المترو و الموصلات العامه بيكونو ارخص بكتير طبعاً...

كلامك سليم

بس بصراحة انت كنت متخيل ان اهلاك العربية كده ؟؟

يعني حد متخيل ان السفر من القاهرة لاسكندرية بيتكلف ١٣٦.٤ جنيه (طريق فقط) ؟؟

اعتقد كلنا بنحسبها بنزين و خلاص ونقول المشوار يخدله بتاع عشرين لتر يعني بتاع ٤٠ جنيه

انما في الحقيقة الرقم ثلاثة اضعاف الرقم ده

المشاركة الأصلية كتبت بواسطة Salamonti

نسيت مصاريف تراخيص السيارة + القيادة
وافتكاسات المرور من طفاية + مثلث + اسعافات + مخالفات + تأمين اجباري
ده غير التأمين الشامل لو جايبها قسط... وكمان نسبة فوائد التقسيط

ومحدش ضامن الظروف مفروض تحط مبلغ للحوادث العارضة اللي بتحصل في بلدنا بدون ارادتنا حتى وممكن تكون العربية واقفة في مكانها تحت البيت (سمكرة - دوكو - كسر أو شرخ زجاج)

الله ينور عليك.. كنت داخل أقول الكلمتين دول و أنا شايف برضه بالإضافة لكدة إن مشاكل السواقة و العصبية و حرقة الدم في السواقة و مكان الركن عند الشغل و عند البيت و المخالفات و يوم الترخيص و العيال بتلعب كورة و قعدوا على الكبوت و مين جرح العربية و غيره و غيره كلها حاجات ليها تمنها زي ما راحة الشخص ليها تمنها..
و متنسوش إن حتى و إحنا معانا عربيات بنركب تاكسيات كتير و دي ميزانية برضه أو على الأقل أنا بعمل كدة .. يعني مشوار لرمسيس و لا التحرير و لا الدقي من مدينة نصر أو مصر الجديدة ... صعب قوي أروحوا بالعربية.. أنا أركب تاكسي قديم و مهكع و أنا رجل على رجل ولا عذاب السواقة و حرقة الدم و قرف الركن.
و كمان حتى مشوار المطار ونا راجع من بره عمري مبخلي حد يستناني ... أنا بحط نفسي في أجدع ليموزين من المطار لمدينة نصر و الشنطة بتتشالي من صالة الوصول للعربية و بدفع 65 جنيه و انا زي الباشا.
على كل لو خدنا الموضوع بالراجع .. يعني 50000 في أربع سنين يعملوا حوالي 35 جنيه يومياً في الأربع سنين .. يعني أعتقد يغطوا المشاوير المعقولة اليومية الإعتيادية بالتاكسي بدون لفلفة كتير..
هي بس زي ما الأخوة قالوا المشكلة لو معاك أسرتك الحركة بتكون صعبة قوي من غير عربية..

المشاركة الأصلية كتبت بواسطة hyundai

حسبة جميلة جدا يا أبو روكى
حقيقى الواحد كان عارف إن فى مصاريف غير البنزين بس عمره ما تخيل إنها تصل لأكتر من 3 أضعاف ( على حسبتك بتاعت مشوار القاهرة)
لكن:k40:
أنا كنت عندى عربية أوكا جبتها ب 10500 و قعدت معايا حوالى 5 سنين و بعتها ب 12250( قول هى هى علشان التضخم)
كمان بنزينها تتملى فى الأسبوع بحوالى 30 جنيه دلوقتى طبعا أغلى بس خلى بالك ممكن تاخد بنزين 80 فهتبقى نفسها إن لم يكن أقل (أنا كنت بحط 90 و 92 أحيانا)
مصاريفها لم تزد عن تقريبا 800 جنيه فى السنة وده لأنى كنت بعاملها معاملة نضيفة.
صحيح كانت بتقل بأصلها كتير لكن كنت بطلع بيها الساحل و بجيب بيها 110 مستريح
المهم لو إنت بتحسب مصاريف تشغيل فقط و تجاهلت الراحة و الأمان و كانت مشاويرك كلها فى البلد ممكن تلاقى الكيلو بتاع عربية من هذه الفئة يقترب من الكيلو بتاع الميكرباص . ولو عملت حسابك إنها بتشيل 3 أو 4 أفراد فهى أكيد هتبقى أوفر كمان
و شكرا

وجهة نظر وجيهة جداً برضه ... في الحالة دي فعلاً تكلفة الكيلومتر تكون منخفضة جداً

المشاركة الأصلية كتبت بواسطة hyundai

حسبة جميلة جدا يا أبو روكى
حقيقى الواحد كان عارف إن فى مصاريف غير البنزين بس عمره ما تخيل إنها تصل لأكتر من 3 أضعاف ( على حسبتك بتاعت مشوار القاهرة)
لكن:k40:
أنا كنت عندى عربية أوكا جبتها ب 10500 و قعدت معايا حوالى 5 سنين و بعتها ب 12250( قول هى هى علشان التضخم)
كمان بنزينها تتملى فى الأسبوع بحوالى 30 جنيه دلوقتى طبعا أغلى بس خلى بالك ممكن تاخد بنزين 80 فهتبقى نفسها إن لم يكن أقل (أنا كنت بحط 90 و 92 أحيانا)
مصاريفها لم تزد عن تقريبا 800 جنيه فى السنة وده لأنى كنت بعاملها معاملة نضيفة.
صحيح كانت بتقل بأصلها كتير لكن كنت بطلع بيها الساحل و بجيب بيها 110 مستريح
المهم لو إنت بتحسب مصاريف تشغيل فقط و تجاهلت الراحة و الأمان و كانت مشاويرك كلها فى البلد ممكن تلاقى الكيلو بتاع عربية من هذه الفئة يقترب من الكيلو بتاع الميكرباص . ولو عملت حسابك إنها بتشيل 3 أو 4 أفراد فهى أكيد هتبقى أوفر كمان
و شكرا

تمام يا باشمهندس
وأنا قلت لو عربيتك أغلى من الأفيو حتكون تكلفة الكيلو معاك أكبر ولو أرخص حتبقى أرخص (وهو هو نفس الكيلو )

والأفيو سعرها في السبعينات يعني عربية متوسطة وكل واحد يقيس على كده

بس سيبك أنت من كل الكلام ده , كان ثبات الأوكا إيه لما كانت بتمشي على 110 ؟؟

ولو حضرتك فاكر قراءة العداد بتاعها كان كام , ممكن نحسب دلوقتي تكلفة تشغيلها لكيلومتر الواحد , أعتقد حتدينا نتايج مذهلة