الموضوع: بالحساب كده العربية الزيرو بتكلفنا كام مصاريف تشغيل

المشاركة الأصلية كتبت بواسطة abou_ruqi

عربية بيشوي بـ 100 حيدفع 25 ويقسط الـ 75
الـ 75 لو حتقسطهم عند العالمية مثلا على 5 سنين بفايدة 9%
يعني 75 * 1.45 = 108.750 + 25 =133.750 وده سعر عربيتك الحقيقي بالفوايد

العربية دي بعد 5 سنين حتتباع بـ 70% من قيمتها زيرو(إهلاك أول سنة 10% وكل سنة بعد كده 5%)
يعني لو افترضنا إنها فضلت بـ 100 ألف بعد خمس سنين يبقى حتتباع بـ 70 ألف

قول مشيت بيها 100 ألف كيلو
يبقى حساباتك كالتالي

خسارتك في ثمن العربية 63750 جنيه (بيتهيألي عارفين جت إزاي؟)
استهلاك بنزينك (قول 1 لتر لكل 10 كيلو) يعني 10000 لتر * 1.85 قرش = 18500 جنيه
حتحط زيت موبيل ون و فلتر عشر مرات (كل عشر ألاف ) 2500 جنيه

شوف بقه صيانتك الدورية لنوع عربيتك بكام (س)
شوف السايس بياخد كام (ص)
شوف حتستهلك قد ايه كاوتش (ع) وقد ايه بطارية (د) واي حاجات تانية مستهلكات حتغيرها على حسابك (هـ) وبعدين اجمع كل الارقام الزرقا اللي كاتبتهالك واقسمهم على 100 الف
حيطلعلك تمن كل كيلو متر مشيته بعربيتك

أي خدمة

هيا مش عربيتى ديه عربيت صاحبى قوى ولسة جايبنها وانا قال إيه كنت ناوى احصلوا واعمل زيووواا بس بعد الحسبة ديه أشك قوى ههههههههههههه الف شكر :) منا متوقع نسبة الخسارة اللى هيا اللى قلت عليها وعارف جت إزاى بس الارقام بتصدم الواحد صحيح :)

المشاركة الأصلية كتبت بواسطة bishoy02010

هيا مش عربيتى ديه عربيت صاحبى قوى ولسة جايبنها وانا قال إيه كنت ناوى احصلوا واعمل زيووواا بس بعد الحسبة ديه أشك قوى ههههههههههههه الف شكر :) منا متوقع نسبة الخسارة اللى هيا اللى قلت عليها وعارف جت إزاى بس الارقام بتصدم الواحد صحيح :)

لا يا بيشو ما تغييرش تفكيرك اشتري واخسر فلوس مش مهم
العربية ليها منافع احسن من الفلوس ميت مرة
انا مرة واحد عزيز ليا جاله هبوط حاد في الدورة الدموية والدقيقة كانت تفرق
ولله الحمد لحقته رغم انه كان بعيد عني قوي , بس وصلتله في دقائق (قيادة جنونية أنا مش عارف عملت كده إزاي) والحمد لله وديته المستشفى في الوقت المناسب


ولا فلوس الدنيا كانت تغنيني عنه

ولله الحمد والمنة

محدش تاني حسب استهلاكه؟؟

المشاركة الأصلية كتبت بواسطة hosam_optrawy

ماتيجى تحسبها معايا يابو رقيه

انا عربيتى اوبترا 2008 اوتوماتيك

كنت جايبها ب 94 الف زيرو طبعا

بقالها معايا حوالى سنه وعامل 11 الف كم وشويه قول 12 الف كم

صرفت بنزين حوالى 185 * 12 شهر = 2220 جنيه

عملت صيانه مرتين وغيرت زيت وفلتر ( 267 + 158 ) = 425 جنيه

يبقى 94000 + 2220 + 425 = 96,645

96645 / 12000 = 8.05

يعنى الكيلو واقف عليا ب 8 جنيه وشلن

لا طبعا حساباتك غلط لانك حاطيت سعر العربية بالكامل في الحسبة بينما العربية من الاصول صحيح بتخسر فيها بس بتجيب فلوس لما تتباع علشان كده كان لازم تحط بدل من ثمن العربية ، فرق السعر بين الشراء والبيع

يعني ...

عربية حضرتك سعرها زاد حاجة بسيطة وبقيت بـ ٩٤٥٠٠
سعر اعادة بيعها حاليا لو حالتها كويسها ٨٥ الف
يعني الخسارة ٩.٥ الف
+ بنزين بـ٢٢٢٠
+صيانة ٤٢٥
معرفش ليه مش حاسب الغسيل و السايس جايز معندكش او بتغسلها بايدك

المهم المجموع ١٢١٤٥ مقسوم على الكيلومترات يبقى تكلفة الكيلو في عربيتك تقريبا ١ جنيه فقط لا غير
حتلاقي السنة اللي جاية الرقم اختلف و اللي بعدها واللي بعدها و هكذا