الحمد لله علي كل شيء , العربية اتخبطت وهي واقفة , ارجو الرأي خصوصا من المهندس طارق

**mootazeg** · 02-04-2009 03:00 PM

السلام عليكم , انهاردة الصبح نازل اشيل غطاء العربية لقيتها مخبوطة بالشكل اللي انتم شايفينه في الصور ده.
بجد حاجة تنكد , انا راكنها كويس قدام البيت في شارع واسع , مش قادر افهم لغاية دلوقت اللي خبطها ده خبطها ازاي !!!!
المهم , انا مأمن علي العربية مع مصر للتأمين وناوي اروح التوكيل علشان اصلحها ان شاء الله .

انا كلمت الشركة وقالولي اوديها التوكيل واعمل مقايسة للشغل واوديهالهم , سؤالي للباشمهندس طارق اوديها اي فرع احسن لاني من سكان مصر الجديدة , واي فرع خدمته و من حيث الحجز ووقت شغله افضل واسرع .
هي كده فيها سمكرة ودهان ده غير وش الفانوس اللي اتكسر .

اقول ايه , ربنا يسترها معاكم وحسبي الله ونعم الوكيل في كل انسان ماعندهوش اخلاق ولا ضمير .

اخوكم في الله
المعتز بالله

**Terrible_DaRsH** · 02-04-2009 03:10 PM

بسيطة الحمد لله ..

ربنا يعوض عليك ..

**mahmoudzaied** · 02-04-2009 03:20 PM

الحمد لله على كل شىء
والخبطة بسيطة اوى
وان شاء الله هتتظبط وترجع زى الاول
وخليك فى موضوع التأمين دا حقك

**karimone** · 02-04-2009 03:21 PM

الحمد لله انها جت عي قد كده و ربنا يعوضك خير...

**مصراوي جدا** · 02-04-2009 03:22 PM

بسيطة باذن الله يا استاذ معتز

في فرع جسر السويس هتاخد دورها ووقتها

لو جيت المركز الرئيسي في قليوب هتاخد المقايسة معاك علطول باذن الله ثم توديها التأمين وتعرف اليوم اللي هييجي فيه مهندس التأمين يعاين وتجيب العربية وتتم المعاينة ودفع 50% من القيمة ويبدأ العمل اعتقد تاخد 4 أيام تقريبا وتيجي تستلم وتسدد باقي المبلغ

الشغل هيكون سمكرة ودهان وتغيير فانوس لأن مفيش وش فانوس

**mootazeg** · 02-04-2009 04:57 PM

ربنا يخليكم جميعا ويسترها معاكم ومتشكر جدا لذوقكم .

باشمهندس طارق , انا ان شاء الله اجيبها قليوب احسن , وفرصة اشوف حضرتك لو موجود الاسبوع الجاي في اي يوم .