استفسار لخبراء البروتون

**Amr_tika88** · 02-04-2009 03:18 PM

انا عندي في العربيه شويه مشاكل صغيرة اولها اني عملت حادث والحمد لله على كل شيء
بس المشكله ان العلامة بتاعت بروتون اللي قدام انا عايز اجيبها ومش عارف اجيبها منين
واللي في الجنط كمان اتسرقت ياترى ممكن اجيبهم منين ؟

انا سالت عند المدينه وقالي مش موجودين
تاني حاجه البوية بتاعت السقف قشرت او فيها حتت سودا ورحت لواحد بتاع بوية قالي انها عايزه كلها تترش هل في ليها حل غير اني ارشها وياريت لو هتترش في حد نضيف ممكن ارش عنده ؟
وعندي السماعه بتاعت الكاسيت اللي ورا يمين اتشرخت ياترى اجيبها منين وتعمل تقريبا كام ؟

وده حرام في عربيه لسه مكملتش 4 سنين وانا محافظ عليها جدا
غير كده انا عندي القزاز في العربية بيتحرك من مكانه والباب مفتوح
وانا بقفل الباب تحس القزاز بيخبط جوا
ياترى دي اعملها فين
واسف لتغيبي بسبب الامتحانات ,
وعلى فكرة للافاده انا غيرت الفانوس الامامي للعربية ب 550 جنية
وجبت شبكة نيكل ب 350 جنية العربية بروتون واجا 2006

**MohabSaeed** · 02-04-2009 06:18 PM

المشاركة الأصلية كتبت بواسطة political_tika88

انا عندي في العربيه شويه مشاكل صغيرة اولها اني عملت حادث والحمد لله على كل شيء
بس المشكله ان العلامة بتاعت بروتون اللي قدام انا عايز اجيبها ومش عارف اجيبها منين
واللي في الجنط كمان اتسرقت ياترى ممكن اجيبهم منين ؟

انا سالت عند المدينه وقالي مش موجودين
تاني حاجه البوية بتاعت السقف قشرت او فيها حتت سودا ورحت لواحد بتاع بوية قالي انها عايزه كلها تترش هل في ليها حل غير اني ارشها وياريت لو هتترش في حد نضيف ممكن ارش عنده ؟
وعندي السماعه بتاعت الكاسيت اللي ورا يمين اتشرخت ياترى اجيبها منين وتعمل تقريبا كام ؟

وده حرام في عربيه لسه مكملتش 4 سنين وانا محافظ عليها جدا
غير كده انا عندي القزاز في العربية بيتحرك من مكانه والباب مفتوح
وانا بقفل الباب تحس القزاز بيخبط جوا
ياترى دي اعملها فين
واسف لتغيبي بسبب الامتحانات ,
وعلى فكرة للافاده انا غيرت الفانوس الامامي للعربية ب 550 جنية
وجبت شبكة نيكل ب 350 جنية العربية بروتون واجا 2006

اهلا بيك يا باشا
حصل خير قدر الله و ماشاء فعل .

- بالنسبه للسماعه اعتقد والله اعلم حضرتك قصدك على العطاء البلاستك الاسود ده مش حتلاقى منه جديد حاول تنزل الحرفين و ان شاء الله حتلاقيه .

- بالنسبه للبويه ياريت لو تصورها علاشان نقدر نحكم عليها

- بالنسبه للازاز روح عند حد بتاع ابواب نضيف و هو حيظبطلك الموضوع " الحقيقه انا مش عارف واحد كويس بس ممكن تسأل فى قسم الورشه "

- بالنسبه للعلامات انا سالت عليهم هم المدينه و الحج مصطفى اكدلى انه حيجيبها فى خلال اسبوعين شهر بالكتير , لان فى ناس كتير طلبتها منو , بس عموما ممكن تسأل عند اولاد منصور فى الجيزه . و حتى كلمهم فى التلفون ماتروحش مخصوص .

"" - اولاد منصور
العنوان :- شارع المحطه بالجيزه
التلفون :- 37740354 ""

و ممكن تشوف امير و جوزيف الى فى التوفيقيه ... بس اسعارهم غير منطقيه .
خليك احسن مع المدينه او اولاد منصور .

**Amr_tika88** · 03-04-2009 01:36 AM

اولا شكرا لرد حضرتك يااستاذ مهاب
ثانيا انا عندي السماعة نفسها الجلد بتاعها مشروخ من جوا اما تفك الغطا الاسود
وانشا الله هصور السقف بتاع العربية بس هيا عاملة زي بقعه لونها اسود

**MohabSaeed** · 03-04-2009 05:53 AM

المشاركة الأصلية كتبت بواسطة political_tika88

اولا شكرا لرد حضرتك يااستاذ مهاب
ثانيا انا عندي السماعة نفسها الجلد بتاعها مشروخ من جوا اما تفك الغطا الاسود
وانشا الله هصور السقف بتاع العربية بس هيا عاملة زي بقعه لونها اسود

العفو تحت امرك
لو الموضوع فى السماعه بس
قدامك حل من اتنين
1- انك تجيب سماعه دائريه مستعمله " اعتقد حتلاقيها عند مراكز الساوند سيستم و الناس الى بتركب كاسيتات , لان فى ناس كتير بتفك السماعات الاصليه و بتركب سماعات اكبر بيضاويه .
2- انك تجيب سماعتين دائريتين جداد , بس حاول تجيبها من نوع نضيف علاشان صوتها يبقى كويس و بوات عالى .
و طبعا اهم حاجه انك تفكها علاشان تجيب حاجه على مقاسها بالظبط سواء مستعمل او جديد .

و فى انتظار الصوره .

**Amr_tika88** · 03-04-2009 10:18 PM

طيب ايه هيا الانواع النضيفة وياريت لو حضرتك يااستاذ مهاب تعرف حد ممكن يرش العربية رش نضيف لان اللي في السقف عباره عن زي بقع سودا
مش بتطلع لا ب بولش ولا غيره وانا انشا الله هصورها قريب

**MohabSaeed** · 04-04-2009 03:46 AM

هما الى فى العربيه استاندرد كلاريون
يستحسن خليك فى كلاريون لو مافيش ممكن بايونير او كينوود او JBL بس لو لقيتها حتبقى غاليه .
انزل مركز كلاريون الى فى شارع عرابى و عندهم كل انواع السماعات .

بالنسبه للرش الصراحه انا مجربتش حد فى الفتره الاخيره و طلع كويس , عموما ممكن يكون الموضوع مش مستاهل رش .

**Amr_tika88** · 05-04-2009 02:59 AM

الصور نزلتها

**Amr_tika88** · 05-04-2009 03:03 AM

ازاي انزل الصور

**Ayman_52** · 05-04-2009 03:11 AM

المشاركة الأصلية كتبت بواسطة political_tika88

ازاي انزل الصور

حضرتك الاول بترفع الصور على اى سايت وليكن دا...

وبيطلعلك لينك الصوره بتعمله copy

وبعد كده بتضغط على الايقونه دى اللى موجوده عند حضرتك فى شريط الادوات

....

وهتلاقى مكتوب جواها -http://- ابقى امسحه

وبتعمل paste للينك الصوره بتاعتك... وبعد كده اوك...هيطلعلك لينك الصوره فى البوكس بتاع المشاركه.

بس كده...

تحيــــاتــــى