هدفع عربون النترا 2009 النهاردة و استلمها بكرة ان شاء الله .. ارجو المساعدة ضروري

السلام عليكم
ان شاء الله هدفع عربون النترا 2009 النهاردة من معرض و هستلمها بكرة
المواصفات : النترا 2009 - مانوال - اللون : فيراني
السعر : 92500
ياريت تساعدوني في الحاجات ديه :
1/ ايه اللي بييجي مع العربية عشان اتأكد من كل حاجة ؟
2/ ممكن اعمل test drive سريع و لا لأ عشان اتأكد من سلامة الاداء و الفرامل و ...
3/ ايه الورق اللي بييجي مع العربية و لو فيه ورق بياخد وقت على ما ييجي هو ايه ؟ و ممكن ياخد اد ايه ؟
4/ افحص ازاي العربية عشان اتأكد من سلامة اجزاءها و فيه حاجات معينة ممكن المعرض يغير فيها او يحط حاجة تقليد مكان الاصلية ؟
5/ انا لسة جديد في السواقة و اتدربت على كذا عربية لمدة 3 شهور بعد ما اتعلمت القيادة لمدة اسبوع في مركز مدينة نصر فيه تعليمات خاصة ليا ؟ و ازاي اعمل التليين بتاع العربية ؟

اسف لو طولت عليكوا بس ياريت الردود تبقى النهاردة لأني هشتري بكرة ان شاء الله
وشكرا مقدما على المساعدة

اولا الف ميرووووووووووك وربنا يملهالك بركة ويكفيك شرها .
1- اللى بيجى مع العربية الكتالوج ووصلة usb بتاعة الكاسيت وطقم العدة .
2- متهيالى موضوع التست درايف مش مهم قوى ( متقلقش العربية دى تكاد تخلو من العيوب ) بس المهم تشيك على التكييف والزجاج الكهرباء والمرايات
3- بالنسبة لموضوع الورق دة مش متاكدة منه بالظبط بس اللى عارفة انك هتاخد شهادة بيانات وافراج جمركى
4- متقلقش من الموضوع ده خالص ( هياخدو ايه يعنى )
5- بالنسبة لموضوع السواقة خلى بالك كويس ويا ريت تتدرب عليها شوية فى اماكن فاضية عشان العربية ابعادها صعبة شوية. اما بالنسبة للتليين بيبقى حوالى 1000 كيلو وبيكون انك متقرصش على العربية يعنى عداد ال rpm ميعديش ال 3000 فى كل نقلة (يعنى النقلات تبقى على 20 و40 و60 و80 ) وحاول متعديش ال 100 سرعة فى اول 1000 كيلو اللى هما التليين وبعد كدة براحتك.
ارجو ان اكون رديت على كل الاسئلة بايضاح

اقتباس:

---

المشاركة الأصلية كتبت بواسطة top_10group

اولا الف ميرووووووووووك وربنا يملهالك بركة ويكفيك شرها .
1- اللى بيجى مع العربية الكتالوج ووصلة usb بتاعة الكاسيت وطقم العدة .
2- متهيالى موضوع التست درايف مش مهم قوى ( متقلقش العربية دى تكاد تخلو من العيوب ) بس المهم تشيك على التكييف والزجاج الكهرباء والمرايات
3- بالنسبة لموضوع الورق دة مش متاكدة منه بالظبط بس اللى عارفة انك هتاخد شهادة بيانات وافراج جمركى
4- متقلقش من الموضوع ده خالص ( هياخدو ايه يعنى )
5- بالنسبة لموضوع السواقة خلى بالك كويس ويا ريت تتدرب عليها شوية فى اماكن فاضية عشان العربية ابعادها صعبة شوية. اما بالنسبة للتليين بيبقى حوالى 1000 كيلو وبيكون انك متقرصش على العربية يعنى عداد ال rpm ميعديش ال 3000 فى كل نقلة (يعنى النقلات تبقى على 20 و40 و60 و80 ) وحاول متعديش ال 100 سرعة فى اول 1000 كيلو اللى هما التليين وبعد كدة براحتك.
ارجو ان اكون رديت على كل الاسئلة بايضاح

---

الف شكر على الايضاح
و في انتظار تأكيد الرد خصوصا الجزء الرابع

النهارده إتصلت بغبور اسأل على اعار الإلنتر الأوتوماتيك

الراجل قلى فيه إتنين واحده ب100 و واحده ب110 بسأله على الطاره فيها مالتى فنكشن قلى لأ !؟!؟!؟!؟

مش فاهم هو الطاره الملتى ده فى الخليجى بس؟

اه فعلا مش موجودة غير فى الخليجى وفى اعلى فئة كمان

حضرتك برده لازم تلف علي العربيه كلها علشان تتأكد ان مفيهاش خدوش في البويه ولا يكون فيها حته مطبقه...

ياريت تستلمها الصبح علشان البويه بتبان اكتر في نور الشمس...

لازم برده تشغل كل حاجه في العربيه
-مرايات
-كاسيت
-تاكييف
-النور و الإشارات
-الابواب كلها بتفتح من الداخل و من الخارج

طب ايه حكاية لما الموبايل يرن نور التابلوه يضيئ و يطفي ديه ؟ كانت حصلت لواحد قبل كده
و عايز اعرف سعر الفوج لايت و السبويلر(لو ممكن) و هل ممكن اركب في التوكيل مسند السائق اللي بين الكرسيين الاماميين ؟

اقتباس:

---

المشاركة الأصلية كتبت بواسطة alivara

طب ايه حكاية لما الموبايل يرن نور التابلوه يضيئ و يطفي ديه ؟ كانت حصلت لواحد قبل كده
؟

---

معنديش فكره عن الموضوع ده...

اقتباس:

---

و عايز اعرف سعر الفوج لايت و السبويلر(لو ممكن) و هل ممكن اركب في التوكيل مسند السائق اللي بين الكرسيين الاماميين

---

مشوار صغير لحد شارع دمشق ممكن تعرف الاسعار و الاشكال... او ممكن تستني الرد من حد تاني...

الف مابروك يا باشا

بس ياريت لو عندكو عربية صغيرة فى البيت تتدرب عليها قبل ما تسوق العربية الجديدة منعا للقلق لان اعتقد 3 شهور خبرة فى السواقة قليلة لسواقة سيارة جديدة

ولو تقدر تأمن على السيارة الجديدة

و الف مبروك :biggrin2:

اقتباس:

---

المشاركة الأصلية كتبت بواسطة alivara

طب ايه حكاية لما الموبايل يرن نور التابلوه يضيئ و يطفي ديه ؟ كانت حصلت لواحد قبل كده
و عايز اعرف سعر الفوج لايت و السبويلر(لو ممكن) و هل ممكن اركب في التوكيل مسند السائق اللي بين الكرسيين الاماميين ؟

---

بالنسبة للسبويلر ب 275 والمسند الامامى ب 1400 والفوجات ب 1500 بالذراع دى طبعا اسعار التوكيل.
بالنسبة للفوجات ممكن تركبها برة اما بالنسبة للمسند والسبويلر مش موجودين برة عشان انا سالت عليهم كتير