صوت مجننى فى تابلوه لانسر 2008 الشكل القديم؟

**amro_26** · 02-04-2009 06:16 PM

ياجماعة حد يقولى على اللى باسمعه ده وفى حد حصله الموقف ده قبل كده : اولا انا باسمع صوت تزييقة بلاستيك فى الناحية اليمين من بين الزجاج الأمامى وبداية حافة التابلوه وبتبان اكتر فى الطرق الغير ممهدة ومش لاقى حل وفى التوكيل مش عارفين يوصلوا لحل بس فى الآخر هما قالوا آخر محاولة انهم يفكو التابلوه كله بس أنا بصراحة خايف انه مايرجعش زى الأول؟

**M_H** · 02-04-2009 07:55 PM

اهلا بيك يا عمرو
ده حصل معايا صوت كان بيينرفز برده من التبلوه - وتخيل كان السبب ورق شجر
انا كشفت كده لما الزجاج الامامي اتكسر من الجيران ولما جيت اغيره لقيت في ورق شجر كثير محشور تحت البلاستيكه الاماميه الاي راكب فيها المسحات - لما نظفته الصورت راح وديه طبعا كانت صدفه-بس علي العموم طلما الصوت ده ما فهوش مشكله ما تخليش حد يفك التبلوه ده راي - وربنا يكرمك ويباركلك في عربيتك .

**atolba** · 02-04-2009 08:01 PM

saaaaaaaaaaaaaaaaaaaaaaaaaaaaaaaaaammmmmmmmmmmmmmm mmeeeeeeeeeeeeeeeeeeeee problem
i hear the same noise and its sooooooooooooooo annoying !

**atolba** · 02-04-2009 08:01 PM

i know what u r talking about , but still how can we stop that noise ?

**nobody** · 02-04-2009 11:07 PM

أنا عندي صوت من الأبانوس اللي في التابلوه
بيبان مع المطبات او الطرق المكيرة خصوصا لو لسه نازل الصبح و الدنيا برد (صوت تكتكة)
فكيت الأبانوس و حطيت Uho الصوت قل شوية بس لسه موجود
و في صوت تاني برده جاي من العدادات بيبان مع الطرق المكسرة حشرت ورقة بين العداد و التابلوه و الصوت الحمد لله راح
بس انا زعلان جدا من الخامات اللي مستخدمة في التابلوه عيب اوي على شركة ميتسوبيشي انها تعمل كده ده العربية لسه ما كملتش 15 الف

**M.Nasr** · 04-04-2009 03:40 PM

انا قعدت فترة بشتكى من صوت تزييق من الناحية اليمين وماعرفتش اوصل لمصدرها بس الصوت ده راح لوحده تقريبا كان ورق شجر فعلا

**affosah** · 04-04-2009 10:07 PM

انا المشكلة عندي صوت تكتكة بيطلع من ناحية الباب اليمين تقريبا جاي من مكان لوحة التحكم بالإزاز او من مساكة الباب وكانه في مسمار مفكوك او قطعة بلاستك مش في مكانها
الصوت بيبان لما أعلي الستيريو او في الطرق الغير ممهدة بس خلاص ودني خدت على الصوت ده

**nobody** · 04-04-2009 11:03 PM

المشاركة الأصلية كتبت بواسطة affosah

انا المشكلة عندي صوت تكتكة بيطلع من ناحية الباب اليمين تقريبا جاي من مكان لوحة التحكم بالإزاز او من مساكة الباب وكانه في مسمار مفكوك او قطعة بلاستك مش في مكانها
الصوت بيبان لما أعلي الستيريو او في الطرق الغير ممهدة بس خلاص ودني خدت على الصوت ده

هو فعلا كده في مسمار مش مربوط حتلاقيه عندمساكة الباب
حتلاقي بلاستيكة مغطيه على المسمار قم بنزعها بواسطة مفك عادة صغير
ستجد مسمارا قم بربطه انتهت المشكلة ارجو ان اكون افدتك

**amro_26** · 05-04-2009 01:21 PM

اولا شكرا على الردود بتاعتكم وعايز اقولكم ان النهاردة روحت التوكيل فى قليوب وسمعوا الصوت وقرروا انهم يفكوا التابلوه وتخيلوا روحت اتكلم مع مدير الصيانة بخصوص ان العربية ضمان وما كملتش 26000 كم قولت ابص على العربية لقيتهم فكوا التابلوه بصراحة حسيت ان قلبى اتقطع ومستنى نشوف النتيجة وعلى فكرة ان شاء الله هاستلم العربية بكرة وشكرا مرة تانية وهابقى اقولكم ايه النتيجة وكان نفسى اشوف ردودكم قبل مااروح التوكيل واجرب انضف البلاستيكة الأمامية من ورق الشجر يمكن يكون فعلا ده السبب عموما بكرة هنعرف

**ahmedel_rayies** · 06-04-2009 12:01 PM

إ

المشاركة الأصلية كتبت بواسطة amro_26

اولا شكرا على الردود بتاعتكم وعايز اقولكم ان النهاردة روحت التوكيل فى قليوب وسمعوا الصوت وقرروا انهم يفكوا التابلوه وتخيلوا روحت اتكلم مع مدير الصيانة بخصوص ان العربية ضمان وما كملتش 26000 كم قولت ابص على العربية لقيتهم فكوا التابلوه بصراحة حسيت ان قلبى اتقطع ومستنى نشوف النتيجة وعلى فكرة ان شاء الله هاستلم العربية بكرة وشكرا مرة تانية وهابقى اقولكم ايه النتيجة وكان نفسى اشوف ردودكم قبل مااروح التوكيل واجرب انضف البلاستيكة الأمامية من ورق الشجر يمكن يكون فعلا ده السبب عموما بكرة هنعرف

إن شاء الله تكون شوية نضافة بس ويركبوا الطابلوة زي ماكان بالظبط، إبقى طمنا

الموضوع: صوت مجننى فى تابلوه لانسر 2008 الشكل القديم؟

LinkBack

أدوات الموضوع

عرض

-

-

-

-

المواضيع المتشابهه

لانسر 2008 - الشكل القديم

لانسر 2008 الشكل القديم

لانسر 2008 الشكل القديم

متسوبيشي لانسر 1.6 2008 الشكل القديم

لانسر 2008 الشكل القديم؟؟

الكلمات الدلالية لهذا الموضوع

المفضلات

المفضلات

ضوابط المشاركة