الموضوع: تحذير من بتوع الكاوتش

والله انا لسه من كام يوم وانا خارج قولت اعدى على بتاع الكاوتش اظبط ضغط الكاوتش بتاعى زى مابعمل كل فتره المهم روحت للبيه بتاع الكاوتش وقولتله اظبط الضغط وكشف على الكاوتش شاف 3 فرد لقاهم مظبوطين وبيشوف الرابعه لقيته بيقوللى العجله دى مخرومه طبعا انا اندهشت جدا اولا لانى لسه خارج من البيت وثانيا لان شكل العجله سليم ومافيهاش حاجه ولقيته بيقوللى لازم نفكها ونلحمها
بس انا قولتله لا ذودها وسيبها دلوقتى لما اشوف هتنام ولالا لانها كمان تيوبلس
وروحت الشغل وجيت وانا خارج من الشغل علشان اروح وحاطط ايدى على قلبى احسن الاقى الفرده نايمه بصيت عليها لقيتها سليمه والحمد لله عرفت ان البيه كان بيشتغلنى
من حوالى سنه تقريبا افتكر ان كان عندى فرده مريحه شويه وروحت لبتاع كاوتش قاللى لازم نفكها ونشوف وانا مش مديله خوانه بصيت لقيته بيندهلى عند حوض الماء بتاع الاختبار وبيقوللى بص عندك
حوالى 25 خرم فى الداخلى ولازم يتغير كله مش عارف ب40 جنيه تقريبا وانا اتجننت ساعتها ازاى 20 خرم والعجله يادوب مريجه شويه وماشيه قولتله طيب سيبها وروحت مركب الاستبن وسيبته ورحت لواحد تانى بتاع كاوتش قولتله على اللى حصل بالظبط وكشف على الفرده وفعلا لقاها مليانه اخرام
بس فهمنى حاجه كنت اول مره اعرفها ان فى بتوع كاوتش غشاشين وماعندهمش ضمير وهو بيكشفلك على الداخلى بيكون فى ايده حاجه اسمها شكاكه زى الابره واوقات بتكون على شكل خاتم فى صباعه
ومن غير ماحد ياخد باله بيروح مخرم الداخلى بتاعك علشان يعمل عليك شغل سواء لحام او تغيير
ومن وقتها وانا مش بثق فى كلامهم بسهوله
ونصيحتى ليكم ان اى واحد مننا يعرف واحد بتاع كاوتش عنده ضمير وكويس يتعامل معاه على طول ومايرحش لحد غيره غير فى اسوء الظروف ويكون حذر جدا معاهم ويراقبه كويس وهو شغال فى الكاوتش بتاعه واسف جدا للا طاله بس انا قصى النصيحه والاعتبار