مقلب جامد ؟

**zocor742** · 02-04-2009 07:56 PM

كنت انبارح فى كارفور (الاسكندرية)وانا فى الهيبر دخلت قسم كماليات السيارات اشترى شوية منظفات للعربية لقيت حاجات كتير مثلا فوم ماتور ومنظف رشاشات وملمع جنوط وملمع كاوتش وملمع لجسم السيارة و (مزيل خدوش)قمت واخت مزيل الخدوش عشان كان عندى كام خدش فى العربية وكنت بدور على حاجة زى دى واخد شوية منظفات تانية وروحت وانا فرحان بس ياحصارة الفرحة مكملتش لانى استخدمت مزيل الخدوش ولاقيتة مبيعملش حاجة خااااااااااااالص زى قلتة هو اسم المنتجf1هو منتج امريكى بس صناعة صينية
المهم انا مضايق اوى من المقلب دة ياريت تنصحونى اعمل اية عشان انا مضايق اوى من الحوار دة
واسف للاطالة..........................

**yuyu0000yuyu** · 02-04-2009 08:45 PM

خاول تنسي انك اشترتهم

**bishoy02010** · 02-04-2009 09:01 PM

ياباشا انسى :) هتعمل إيه مفيش حاجة تتعمل للأسف بس ممكن تسأل الأعضاء اسمة إيه مزيل الخدوش الكويس واشتريعة ومعلش تتعوض فى مزيل الخدوش الجديد :)

**MomoMedo** · 02-04-2009 09:04 PM

خلي بالك بعد كدة في الحاجات بتاعت العربية
لان الامريكي الاصلي في تقليد منه صيني بيبأى زي الزفت
زي الشجرة المعطر مثلا في منها الامريكي جامد جدا والصيني زيه بالظبط بس وحش جدا

**karimone** · 02-04-2009 09:15 PM

بس حضرتك متأكد انك استخدمه مظبوط...

يا ريت تراجع طريقة الاستخدام اللي اكيد مكتوبه علي العلبه و تجربه مره كمان

**YaSSerwIN** · 03-04-2009 12:29 AM

فعلا وانا ايضا ً أستخدمته بردك وكنت جايبه من كارفور المعادى بحوالى 35 جنية

فى الأول أستخدمته لقيته بياخد لون من لون العربية على الخدوش ويتاريها شوية

وبعد ما غسلت العربية ولا كأنى عملت حاجة

**onsi** · 03-04-2009 02:22 AM

يا ريت بس نعرف قصدك الاول
هل هى خدوش فى جسم العربية تظهر باطن اسفل البوية ودى نوعين نو خفيف او بمعنى اصح عبارة عن خربوش وفى الحالة دى ممكن اى كمباوند او مزيل خدوش يعالجها شوية والنوع الثانى عبارة عن الاحتكاك بجسم صلب زى مسمار او مفك او صاج ودة خدش عميق لا يمكن معالجتة الا عن طريق رش العربية
وايضا هناك احتكاك البوية اى لون غريب عن طريق احتكاك عربيتين ببعض ودة اسهل نوع يطلع

**zocor742** · 03-04-2009 03:32 AM

انا قبل ما استخدمة قريت طبعا طريقة الاستعمال وعملت زى ما مكتوب بالظبت
لا يا اونسى هية الخدوش عبارة عن خرابيش سطحية زى متقول كدة حد كان بيتسلى وهو واقف جنب العربية