السلام عليكم
أولا بحب أشكر المنتدى العظيم ده على كل المعلومات الجامدة دي و لي الفخر انى اكون عضو فيه
ثانيا انا عندي مازدا 323 موديل 92 و أبويا الله يسامحوا نزلها معاه من السعودية لأراض الكنانة مصر!!!!! و من ساعتها و احنا بندوخ على حاجتها بس مع الوقت قدرت اوفقلها حاجات من عربيات ثانبة. النهاردة و أنا ماشي في شارع الهرم في حالي و الله و على 40 اذا بكائن معتوه في صورة سواق عربية (دبابة) كسر عليا من اليمين و لقيت المراية اليمين على حجري!! و من بعد تراشق للكلمات مشيت و أنا دمي محروق بس اعمل ايه؟؟؟ المهم عديت على واحد بتاع استيراد أساله على المراية طبعا عمل نفسه خبير و قاللي: أه دي مازدا موديل 90 عندي أه بكام يا عم؟؟؟ 150 الاتنيين؟؟ لا يا كابتن الواحدة!!! انا مستغليها اوي بس مش عارف هي أسعر المرايات كده؟؟ ولو مش كدا أجيبها منييين؟؟