يا جماعه بلييز انا عايزه اروح العين السخنه من امبابه انا اسفه لو هازعجكم و ميرسى اوى...
عرض للطباعة
يا جماعه بلييز انا عايزه اروح العين السخنه من امبابه انا اسفه لو هازعجكم و ميرسى اوى...
انا هقولك بس بشرط تقولى لى اى حاجة عن نظام العين السخنة دى عشان نفسى اروح اقضى يومين هناك و مش عارف حاجة عنها .
عامة الطريق كالاتى :
هفترض انك فى شارع الوحدة فى امبابة .. هتطلعى على الكورنيش - شارع النيل - هتعدى على الكيتكات و تكملى علطول و تنزلى النفق اللى عند مسرح البالون و تكملى علطول
هتعدى نفق شيراتون القاهرة و تكملى علطول هتعدى مديرية امن الجيزة و حديقة الحيوان (هتبقى على شمالك) و تكملى علطول - هتنزلى نفق البحر الاعظم و تكملى علطول بردة لغاية ما توصلى عند الدائرى بتاع المنيب هتلاقى الدائرى فوق و انتى بتعدى من تحتة هتكملى ادام شوية و تلفى تانى و تطلعى الدائرى و تاخدية علطول و حاولى تمسكى شمال الطريق عشان متنزليش نزلة المعادى .
هتعدى كارفور و بعدية بشوية صغيرين هتلاقى نزلة يمين بتاعة القطامية و طريق العين السخنة و هتلاقى يفط هتوضحلك الطريق ازاى .
يا رب اكون عرفت اشرحلك الطريق و رحلة سعيدة بس متنسيش تقولى عملتى اية
انا بجد مش عارفه اى حاجه هناك بس انا هقابل ناس صحابى هناك ولما اعرف حاجه اكيد هابلغك ...اقتباس:
المشاركة الأصلية كتبت بواسطة ezzatfox
وممكن تاخدى ش السودان وتدخلى الجيزة من عند مقار ثم البحر الاعظم اللى فيه القرية الفرعونية ثم الدائرىاقتباس:
المشاركة الأصلية كتبت بواسطة ezzatfox
وممكن تاخد من السودان مطلع المحور وتاخد الدائرى من ع المحور اتجاه الهرم وتنزلى نزلة المريوطية ثم الدائرى
وع فكرة طريق العين السخنة كويس جدا جدا
السلام عليكم و رحمة الله و بركاتة ,
ان شاء الله لما حضرتك ترجعى بالسلامة يا ريت تقولى ايه اخبار الطريق و اية نظام الفنادق او الشاليهات فى العين السخنة لانى نفسى اروح بس معرفش حاجة هناك
ميرسى يا جماعه بجد و انا اول ما هاروح هاتلاقونى عامله موضوع اسموا رحلتى مع الميرا بالعين السخنه ...
طيب وليه ماتطلعش المحور من القوميه لغايه التجمع ومنه مباشره لطريق العين السخنه ؟
ولا السكه دى غلط؟