الحقوني يا جماعه

**awazeer** · 02-04-2009 10:32 PM

النهارده الصبح و انا بدور لقيت الشكمان بيطلع بخار ماء وعمال ينزل نقط
هي مياه نظيفه
انا خايف تكون حاجه في الموتور بايظه ولا حاجه

**Ahmed Selim** · 03-04-2009 01:49 AM

لو العربية جديدة أو بمعنى أخر مش ماشية كتير يبقى طبيعى

**Ahmed Selim** · 03-04-2009 02:19 AM

أنت عمرك ما شفتها بتعمل كده ؟؟؟

عادة العربيات اللى مش قديمة قوى و الجديدة طبعاً.....بيعملو كده و خصوصاً فى الشتاء.....هتلاقى كمية البخار أعلى كل لما الجو كان برد أكتر......الموضوع ده أسمه " تعريق " و المفروض أنه دليل على أن حالة الموتور كويسة.

الكلام ده أنا مش متأكد منه 100%

**awazeer** · 03-04-2009 11:03 PM

المشاركة الأصلية كتبت بواسطة أشرف فتحى

يا سيدى متقلقش كده!!
الموضوع بسيط
العربيه بتمشى أزاى؟
بتحرق بنزين
طب لو الموتور نظيف بيكون ناتج الاحتراق ده ايه؟
ثانى واول اكسيد الكربون وبخار ميه
طب ليه ده بيبقى واضح الصبح ومش باقى اليوم؟
لان الدنيا الصبح بتبقى برد وبالتالى البخار الساخن بيتكثف بسرعه اول ما يخرج من الشكمان الساخن للهوا البارد وباقى اليوم بتكون الشمس عملت شغلها وسخنت الجو فمتشفش البخار
طب ليه مش كل العربيات بتطلع بخار؟
عشان البخار بيبقى دليل الاحتراق الكامل للوقود وده حسب حاله الموتور والبخار ده دليل على جوده الحبك بين اجزاء الموتور وضبط توقيت الاشتعال وكهرباء الموتورز
يعنى البخار ده دليل ان عربيتك ربنا يباركلك فيها ما شاء الله موتورها مضبوط جدا.
لكن لو هى مش نقط وعباره عن خيط ميه مع النقص الدائم فى معدل الميه فى الريدياتير يبقى جوان وش السلندر .

شكرا جدا لردك الجميل ده
هي بتبقى في شكل نقط وبخار بيطلع وانا بصراحه اول مره اخد بالي من الموضوع ده فخفت ان الموتور يكون فوت
والتنقيط ده مش بيبان غير لما تكون دايره وهي واقفه لكن وهي ماشيه مش بيبقى باين
(عرفتها اني بعد ماقف على طول امسك الشكمان من جوه الاقيه ناشف مش مبلول)
بالنسبه لنقص مياه الردياتير هو انا بزودها حاجه بسيطه كل اسبوعين لانها بتبقى قبل ال minimum بشويه يعني بين max وال min وبخليها لغاية ال max مياه خضراء فهل كده الجوان بايظ ولا ايه؟
شكرا جزيلا وجزاك الله خير

**أشرف فتحى** · 04-04-2009 03:08 AM

المشاركة الأصلية كتبت بواسطة awazeer

شكرا جدا لردك الجميل ده
هي بتبقى في شكل نقط وبخار بيطلع وانا بصراحه اول مره اخد بالي من الموضوع ده فخفت ان الموتور يكون فوت
والتنقيط ده مش بيبان غير لما تكون دايره وهي واقفه لكن وهي ماشيه مش بيبقى باين
(عرفتها اني بعد ماقف على طول امسك الشكمان من جوه الاقيه ناشف مش مبلول)
بالنسبه لنقص مياه الردياتير هو انا بزودها حاجه بسيطه كل اسبوعين لانها بتبقى قبل ال minimum بشويه يعني بين max وال min وبخليها لغاية ال max مياه خضراء فهل كده الجوان بايظ ولا ايه؟
شكرا جزيلا وجزاك الله خير

كده تمام قوى!
يبقى منقدرش نقول غير ربنا يحفظهالك ويباركلك فيها!

**SAMEH_FOUAD** · 04-04-2009 03:50 AM

ماتقلقش ياباشا كدة تمام وعندك الماتور كويس الحمد لله اى عربية ماتورها مظبوط هاتعمل كدة انت ممكن تاخد بالك الصبح مثلا من اى عربية جديدة ماشية قدامك هتلاقى الحوار دة فيها ماتقلقش وربنا يباركلك فيها