عديت الالف كيلو بالماروتي

**sarah5** · 02-04-2009 11:53 PM

ازيكوا يا جماعة يارب تكونوا بخير
الحمد لله عديت الالف كيلو بالماروتي 2009 بس مش عارفة المفروض اعمل ايه يعني اعملها صيانة فين الناس كلها خوفتني اني اروح التوكيل وبصراحة انا الفترة اللي فاتت كلها مكنتش مهتمة قوي بالصيانة بتاعتها بشوف المية والزيت كل سنة مرة واكتر من كده معرفش
بس العربية ماشاء الله عليها كويسة وبتفوت في الزحمة
وشكرررررررررررررررررررررر ررررا

**mecho_392** · 03-04-2009 01:04 AM

اعتقد اول صيانة عند 5000 كم و ده فى عربيتى الهيونداى و اصحاب الماروتى ممكن يفيدوكى اكتر و اول صيانة دى مفيهاش حاجة غير تغيير زيت و فلتر و الكشف على مستوى مياه الرادياتير و زيت الفرامل.... اهم حاجة الزيت.

بس ازاى بتكشفى كل سنه مره و العربية 2009

**NaviGator_13** · 03-04-2009 01:37 AM

المشاركة الأصلية كتبت بواسطة mecho_392

اعتقد اول صيانة عند 5000 كم و ده فى عربيتى الهيونداى و اصحاب الماروتى ممكن يفيدوكى اكتر و اول صيانة دى مفيهاش حاجة غير تغيير زيت و فلتر و الكشف على مستوى مياه الرادياتير و زيت الفرامل.... اهم حاجة الزيت.

بس ازاى بتكشفى كل سنه مره و العربية 2009

أكيد هتروح التوكيل طبعا

**wessampo** · 03-04-2009 10:37 AM

والله انا مفضلش التوكيل بس علشان لو لا قدر الله فى حاجة ميسقطش عنك التوكيل انت مضطرة تروحى

**m000dy** · 03-04-2009 01:18 PM

لازم تروحى التوكيل لحد ما تتأكدى ان العربيه خاليه من عيوب الصناعه والا هاتشيلى الطين لو طلع فيها حاجه كده ولا كده وهابقولولك بالمفتشر كده مالناش دعوه
اعملى اول وتانى صيانه وقبل التالته اهلكيها وان كانت صيانتها بعد التالته تمام وهى ماكانتش اصلا محتاجه حاجه جامده بخلاف المعتاد يبقى اهربى من التوكيل فى اقرب فرصه بس الاول اعرفى طريق ميكانيكى كويس