الموضوع: ايهما افضل Proton Gen.2 2009 ولا هيونداى النترا 2009 فارجوا التصويت

المشاركة الأصلية كتبت بواسطة ezzatfox

فى اخ قال الالنترا زبالة :k26: طبعا لو الكلمة دى اتقالت على الجين2 ( جميلة الجميلات ) الدنيا هتولع و مش هنخلص ، المهم - يا ريت يبقى الكلام منطقى شوية .
واحد تانى قال صالون الجين اوسع من الالنترا .. طبعا لا تعليق .
و فى معلومة تانية اتقالت و هى ان صاج الالنترا تعبان خصوصا لو اتقارن بالجين 2 .. كلام ليس لة اى اساس من الصحة .
على فكرة انا مش معاية النترا فبدافع عنها او منحاز ليها .. و بردة مش بكرة الجين 2 بالعكس طالما نصحت البعض بشرائها ..و لكنى مبحبش الافورة ..
بمعنى ان كل حاجة المفروض تبقى فى حجمها .. لا ازيد و لا انقص فلما نيجى نتكلم عن مقارنة بين الجين 2 و الالنترا يبقى فى حقائق لازم تتقال زى :
1- اولا الالنترا تصنف small family car و هى فئة اعلى من الجين 2 اللى هى supermini car يعنى الجين من فئة الافيو و الجيتز و النيو اكسنت و الهوندا سيتى لكن الالنترا فئة اعلى و التصنيف دة بيبقى على اساس حجم العربية .
2- الالنترا موتور اقوى 122 حصان مقارنة بالجين 2 110 حصان .
3- الالنترا موتور انعم بكتير و سحبها احلى و استهلاكها فى البنزين اقل عشان الموتور cvvt و التكنولوجى دة مش موجود فى موتور الجين 2 .
4- الالنترا سيارة تكاد تخلو من المشاكل سواء مشاكل تقفيل او خلافة بعكس الجين 2 اللى غالبا هتلاقى فيها مشكلة او اكثر و هتضطر تروح التوكيل عشان تحلها .
5- الالنترا حصلت على العديد من الجوائز على مستوى العالم كلة .
6- الثبات الاتنين زى بعض
7 - خامات الصالون و تقفيلة فى فرق كبير بين الاثنين لصالح الالنترا .
8- اعادة البيع لصالح الالنترا .
9- الميزة الوحيدة فى الجين 2 عن الالنترا هو وجود عوامل امان زى الايرباج و الabs و معتقدش ان الميزة دى لوحدها كفيلة بانها تعطى افضلية للجين 2

السلام عليكم
الواحد التانى اللى حضرتك تقصده -وشكرا على اللفظ- هو انا وانا لما قولت فى وسع فى صالون الجين 2 بالنسبه للألنترا فده عن تجربه للأتنين وارجو ان حضرتك تجرب قبل ما تتكلم
بالنسبه للصاج انا موش هرد على النقطه دى بس اذا سمحت ادخل منتدى هيوندلاى ولف شويه على اراء اصحاب الألنترا وشوف رايهم ايه فى الصاج وتعالى عندنا شويه فى بروتون وشوف نفس الموضوع وقارن
1 -بالنسبه للنقطه دى انا معرفهاش بس كلم منطقى
2- صح 100 فى 100
3- فعلا الموتور انعم بس بالنسبه للأستهلاك فى جينا مانيوال اللى عندى حوالى 6.6 لتر لكل 100 كم داخل البلد بالتكييف و6.1 خارجها نفس الرينج اللى قرأته فى منتدى الهيونداى من اراء اصحاب السياره
4- مفيش عربيه بتخلو من المشاكل بس فى الألنترا اقل ومشاكل الجين 2 اغلبها مش المشاكل اللى مضطر ترح التوكيل حالا علشان تحلها معظمها بتكون مشاكل هايفه تتحل مع اقرب صيانه دوريه
5- معاك
6- بيتهيألى وعلى حسب الأراء وليس التجربه جينا افضل.
7-معاك بس مش الفرق الشاسع اللى حضرتك متخيله
8-معاك
9- واحد زميلى معاه سيارتين بورا فيها ABS وابيزا مافيهاش وحكالى على موقف له انه كان مره هيخبط واحد معدى من قدام العربيه - البورا- فجأه وربنا ستر ولحقته الفرامل وعلى حسب خبرته فى السيارتين لو كانت معا الأبيزا كان هيشيله هيشيله -وسايبلك الحكم على اهميه ABS, وبالمناسبه مش هيه دى الميزه الوحيده نسيت خلوص العربيه عن الأرض وانها مبتحكش فى اى مطبات ونسيت كمبيوتر الرحلات -بالنسبالى مهم وبستفيد منه.
انا مبقولش يروح يشترى الجين 2 دلوقتى ويسيب الألنترا بس علشان نعرض الموضوع بموضوعيه امامه ليتخذ القرار المناسب
والسلام عليكم