الموضوع: مع كل زياره لعز العرب مفاجأه ولو كانت صغيره ؟؟؟؟؟؟؟

الاخ احمد الشاعر

يا نجم دلوقتى المهندس المسئول عن عربيتك و بيجربها قبل استلامك ليها المفروض انه بيتأكد من العربية كلها وعلى هذا الاساس تعمل الاتى :

سيادتك تتوجه بشكوى رسمية للمهندس / امر الكوافى و تبقى عارف ان المهندس ده هايبقى مسئول و هايتحاسب بمجدر تقديمك الشكوى و التحقق منها

على فكرة انا كنت فى التوكيل فى صيانة الـ 5000 و كنت عايز امشى و الناس هناك رفضوا و قالولى العربية لازم تتجرب و طلعت مع المهندس نجرب و عايز اقولك جرب كل فى العربية حتى المساحات

و من رايى ماتتاخرش و لو تقدر دلوقتى تبعتله الايميل يبقى افضل و هو ماشاء الله بيهتم باى شكوى جاياله و مابيعديش الامور دى

ماليزيا كل يوم بيجيلها شكاوى على مستوى العالم سواء من نقص قطع الغيار و سوء الخامات الى الشكاوى المتعددة من اداء وكلائهم على مستوى العالم بجد لو انت عايز تعمل حاجة قوية سيبك من ماليزيا و توجه بالشكوى للوكيل هنا و تاكد من الاجراء اللى هايتم معاك انه مرضى و صحيح

ولما تعمل كده و يكون المهندس اللى مجرب عربيتك عبرة لزمايله هاتكون انت ساعدت اخوانك هنا بانك بتلفت نظر التوكيل للأداء الخاص بالعاملين به

,والله انا معاك ياستاذ احمد في ان الشكاوي كترت وماليزيا جت فعلا هنا وعملوا ايه ولا حاجه وانا من الناس اللي شافت الماليزيين بعينها
ولكن لما توصل اني اكلم المهندس امر من السعوديه قبل ماستلم العربيه وهو شايف رقم دولي بيكلمه يوم الجمعه اللي فاتت ويرد عليا ويقوللي من غير مايسمع مني اي كلمه غير ان معاك فلان صاحب عربيه جين 2
تخيل الرد


على فكره النهارده الجمعه وده الويك اند بتاعي كلمني ياريت تكلمني بكره
ده رد بذمتك ؟
والله خلاني دفعت المبلغ اللي قالولي عليه من غير حتى ماسأل عليه هو موجود ولا لأ
والله انا بعمل محاوله كده من هنا في القاهره لان فعلا موضوع ماليزيا ده مش مقتنع بيه لاني متأكد انهم عارفين
وربنا معانا
وحسبي الله ونعم الوكيل

شوف يا ابو حميد

انا موش متفق معاك فيما يخص المهندس امر لسبب بسيط جدا

الراجل ده بيبقى فى التوكيل من 9 او 9.30 بالكتير اوى و بيمشى من هناك متاخر جدا و طبعا ياخد بقى المحور علشان يوصل بيته قول فى ساعتين بالميت لانه ساكن قريب منى و انا عارف المشوار
بمعنى اصح مفروم طول الاسبوع شغل و مشاكل و عملاء من 9 صباحا لـ 9 -10 مساء مثلا عقبال مايدخل البيت
اعذره لو قالك انا النهاردة اجازة و انك تكلمه بكره و انت او انا او اى حد فى مكانه هايقول كده و ماحدش يعتب عليه لانك من حقك يوم الاجازة انك تستريح بغض النظر مين بيكلمك و بيكلمك فى ايه و المكان اللى بيتكلم منه .

خد الموضوع بهدوء شوية و اتكلم مع الراجل فى ايام عمله الرسمية و من الافضل انك تبعتله ايميل و سيبك من التليفون و ان تجاهلك بعد كده يبقى براحتك يا غالى و اعمل اللى فى نفسك ساعتها لا هو و لا غيره هايعتب عليك فى حاجة