عشاق السيراتو

**Dr.Mohamed** · 03-04-2009 11:00 AM

السلام عليكم
النهارده يا جماعه العربيه مكسره الدنيا فى اخبار السيارات و ملحق الجمهوريه و محلق الاهرام
انا كنت عايز استفسر عن خبرتكم وليه كل الناس بتقول انه الكيا احسن من الهيونداى ؟ انا من فتره بفكر اجيب عربيه و كان عاجبنى اوى الانترا و شفت الكورولا الجديده بس ما حبتهاش وكل يوم بنسمع فيها مشكله فقررت اشترى الانترا بس ناس كتير نصحونى استنى النيو سيراتو و القدر خلانى استنى
هو ليه الثقه فى العربيه دى ؟ معلش انا خبرتى صفر فى العربيات
ومبروك على النيو سيراتو

**myr999** · 03-04-2009 12:51 PM

و عليكم السلام يا استاذ Derba خير مافعلت انك انتظرت وان شاء الله انتظارك حيكون بفايدة بالنسبة للكيا انا حترم جدا هذة الماركة بعد ما اشتريت سيفيا فوجدت انها سيارة اعتمادية جدا قليلة الاعطال ثابتة على السرعات العالية قطع غيار متوفرة بالنسبة لحجز السيارة انت كدة اتاخرت لانة الذى يحجز اليوم يستلم بعد 3اشهر لا تنس صلاة الاستخارة وبالتوفيق تحياتى:k10:

**Dr.Mohamed** · 03-04-2009 02:02 PM

شكرا يا استاذ محمد
موضوع الحجز ده اشتغالات من التوكيل اكييد لانه العريبه موجوده ف معارض كتير و هتيجى بكره عندنا فى المنصوره فى العيسى وكيل كيا وهشوفها بكره ان شاء الله او بعده
انا عايز اسمع اكتر كلام عن الكيا لانه ما كنتش حاططها فى دماغى خالص و سمعت انه قطع غيارها غاليه و مش موجوده ؟

**mcml_13** · 03-04-2009 03:04 PM

المشاركة الأصلية كتبت بواسطة derba

شكرا يا استاذ محمد
موضوع الحجز ده اشتغالات من التوكيل اكييد لانه العريبه موجوده ف معارض كتير و هتيجى بكره عندنا فى المنصوره فى العيسى وكيل كيا وهشوفها بكره ان شاء الله او بعده
انا عايز اسمع اكتر كلام عن الكيا لانه ما كنتش حاططها فى دماغى خالص و سمعت انه قطع غيارها غاليه و مش موجوده ؟

العربية موجودة فعلا فى المنصورة فى كذا معرض فى شارع الترعة
و موجود منها المانيوال و الهاى لاين كمان
و انا ركبتها بصراحة العربية تحفة من جوه و بره و فى انتظار تجربتها من الناس عشان نحكم على ادائها

**a7mednour** · 03-04-2009 03:25 PM

المشاركة الأصلية كتبت بواسطة mcml_13

العربية موجودة فعلا فى المنصورة فى كذا معرض فى شارع الترعة
و موجود منها المانيوال و الهاى لاين كمان
و انا ركبتها بصراحة العربية تحفة من جوه و بره و فى انتظار تجربتها من الناس عشان نحكم على ادائها

ممكن بعد اذنك تقولنا فين شفتها تحديدا في المنصورة وخصوصا الهاي لاين ...
وهل اللي حضرتك شفتها دي بتكون من التوكيل ولا الخليجي ..
وجزاك الله كل خير

**karimone** · 03-04-2009 03:27 PM

الناس واثقه في السيراتو الجديده بناء علي تجربة الموديلات السابقه من كيا...

و اللي كانت فعلاً ممتازه و اعتماديتها عاليه و مكانش فيه عيب واضح و عام في اي موديل من موديلاتها...

**mcml_13** · 03-04-2009 11:17 PM

المشاركة الأصلية كتبت بواسطة a7mednour

ممكن بعد اذنك تقولنا فين شفتها تحديدا في المنصورة وخصوصا الهاي لاين ...
وهل اللي حضرتك شفتها دي بتكون من التوكيل ولا الخليجي ..
وجزاك الله كل خير

العربية اللى شفتها كانت فى معرض قدام مستشفى الصدر على طول فى شارع الترعة
كان لونها اسود
كاملة اوتوماتيك تيب ترونيك و فتحة سقف و جنط 17
كانت عاملة 125 الف
فيها كل حاجة سنسور و كمبيوتر سائق و تكييف اتوماتيك تاتش
بس لما فتحت الكبوت كانت نفس المكنة بتاعة الالنترا او انا اللى كان بيتهيألى
بس العربية ماشاء الله جميلة