غيرت البطاحات

**mahmoudysf** · 03-04-2009 10:02 PM

السلام عليكم
انا كنت غيرت الجلب وكاوتش الميزان عند عفشجى بسبب دبدبة فى العفشة
المهم بعد التغيير الدبدبة راحت لاكن كان فية صوت طقطقة مرة من ناحية اليمين ومرة من ناحية الشمال
رجعت للعفشجى قالى دى مش من العفشة دى ممكن من الدشم بتاعت الفرامل
ما اقتنعتش بكلامة وسبتة بعد ما عرفت انو كدة على قدة
وانا عند الميكنيكى وبقلة قالى
لف الطارة والمهم قالي دى من البطاحات
روح لوحد بتاع عفشة كويس يغيرها
وانا عن طريق المنتدى عرفت من مشاركة احد الاعضاء عن عفشجى فى عين الصيرة رحتله النهاردة وقلتلة عايز اغير البطاحات وخدت البطاحات معايا وفك وغيرها من غير ما يجرب
المهم وهو بيركبها قالى فى مساعد بايظ قافش وكان عايز يركب واحد استيراد ب 100 جنية طبعا انا ما وافقتش وخليته يركب اللي كان فيها
بعد التركيب الطقطقة راحت والدركسيون خف ختير ورجع لحاتة واجرة الفك والتركيب 80جنية
العفشجى اسمة الحاج صابر وشريكة محمد
ودول ما بيشتغلوش بنفسهم لاكن عندهم صنايعية شاطرة وبيفهمو كويس وذلك من خلال تجربتى لاكثر من عفشجى
بس الاجرة كدة مناسبة ولا عالية شوية
اسف للاطالة ولاكن لكى تعم الفائدة

**karimone** · 03-04-2009 10:33 PM

الحمد لله ان العربيه اتظبطت و طلعت المشكله في البطاحات فعلاً...

و كويس انك ماسمعتش كلامه في موضوع المساعد ده...

**toshipa** · 03-04-2009 11:41 PM

اخى العزيز الف مبروك انه الشغل طلع تمام لان فى الزمن ده الصنايعية بتوع مصر بيبوظو مش بيصلحوا
ياريت تقولنا بالتقصيل سعر البطاحات
وكمان الجلب انت جبتهم كورى ولا فورد لانى اتعمل عليا شغل من ميكانيكى كفتجى وغرمت مبلغ كبير وطلع الشغل زى الزفت( اسف للفظ) بعد ماغيرلى الجلب وغيرلى دشمتين من الواضح انه كان شايلهم بايظين من عربية اخرى وما لقيش الا انا علشان يركبهم ليه
منه لله
ارجو النصيحة

**A.samy** · 04-04-2009 02:10 AM

المشاركة الأصلية كتبت بواسطة mahmoudysf

بس الاجرة كدة مناسبة ولا عالية شوية

لا الاجرة عالية شوية بس اهم حاجة يكون الشغل نضيف.

**mahmoudysf** · 04-04-2009 02:50 AM

المشاركة الأصلية كتبت بواسطة toshipa

اخى العزيز الف مبروك انه الشغل طلع تمام لان فى الزمن ده الصنايعية بتوع مصر بيبوظو مش بيصلحوا
ياريت تقولنا بالتقصيل سعر البطاحات
وكمان الجلب انت جبتهم كورى ولا فورد لانى اتعمل عليا شغل من ميكانيكى كفتجى وغرمت مبلغ كبير وطلع الشغل زى الزفت( اسف للفظ) بعد ماغيرلى الجلب وغيرلى دشمتين من الواضح انه كان شايلهم بايظين من عربية اخرى وما لقيش الا انا علشان يركبهم ليه
منه لله
ارجو النصيحة

الله يبارك فيك
سعر البطاحات 160 للاتنين gmاصلى ومتجبهمش من اى مكان الا ثقة
الكوبايات كوري 40 جنية
الجلب كانت عادى مركزت فى النوع وهى شغالة كويس
ونصحتى ليك متعملش شغل العفشة عند الميكانيكى عن تجربة
ثانيا لما تيجي تعمل شغل فى العفشة اسال عند اكتر من واحد عشان محدش يعمل شغل عليك ومتركبش حاجة من عند العفشجى مستعملة الا اذا كنت مطر

**mahmoudysf** · 04-04-2009 02:52 AM

المشاركة الأصلية كتبت بواسطة astsaae

لا الاجرة عالية شوية بس اهم حاجة يكون الشغل نضيف.

فعلا المفروض اخر الشغل دة 50 جنية لاكن هما فعلا صانيعية كويسة وبرضة لازم تقتنع باللي هتعملة

**MMamdouh** · 04-04-2009 05:07 PM

المشاركة الأصلية كتبت بواسطة mahmoudysf

ونصحتى ليك متعملش شغل العفشة عند الميكانيكى عن تجربة

ليه؟؟

MMamdouh

**mahmoudysf** · 04-04-2009 07:52 PM

المشاركة الأصلية كتبت بواسطة MMamdouh

ليه؟؟

MMamdouh

نورت الموضوع استاذ محمد
اما لية عشان عن تجربة شغلهم مش زى العفشجى خصوصا لما يكون فشجى نضيف
وانت اكيد معى ان التخصص مفيد فى كل شيء من اجل الاجادة والتركيز

**mahmoudysf** · 04-04-2009 07:55 PM

المشاركة الأصلية كتبت بواسطة khalidsdk

ممكن بعد إذنك تقولنا على عنوان العفشجي ده بالضبط لأن عندي صوت نقر بسيط بأسمعه في اليمين وأحيانا في الشمال (بس في اليمين أكثر ) في المطبات الصغيرة أو في مدق أو عند عيون القطط في الطريق ، لكن في المطبات الجامدة لأ العربية ماسكة نفسها .

الصوت صوت نقر كده بسيط ورحت لأكثر من ميكانيكي وعفشجي وبتاع ميزان منهم اللي أكد ان العربية سليمة وواحد قاللي المساعدين وواحد قال لي لأ المساعدين سلام ده من جلب المقصات . . .الخ .

لو حد عنده خبرة سابقة في هذا الموضوع يفيدنى ، أو يدلني على عفشجي نظيف متجرب قبل كده مايكنش عكاك .

الاول انت عامل حاجة فى العفشة قريب
واخر حاجة عاملتها فى العفشة من امتى
والعربية زيرو ولا موديل كام
عشان اقدر افيدك

-

الموضوع: غيرت البطاحات

LinkBack

أدوات الموضوع

عرض

-

-

المواضيع المتشابهه

ما هي البطاحات?

ارجو المساعده غيرت كاوتشة الكبلن ويارتنى ما غيرت

غيرت الرادياتير - غيرت الترموستات - الخرطوم بيتنفخ

تلف البطاحات

ما هي البطاحات?

الكلمات الدلالية لهذا الموضوع

المفضلات

المفضلات

ضوابط المشاركة