اسعار السيارات المستعملة فى سوق الجمعة 3/4/2009

**bavvarian** · 03-04-2009 11:17 PM

دى اغلب اسعار السيارات فى السوق المستعمل بس قبل ماازكر الاسعار احب اعقب عن حاجة فى السوق دة اولا السوق دة اغلبة تجار والعربيات اللى تحت 2000 اغلبها عربيات فى حالة الضياع هى شكل حلو ولكن من برة هلا هلا ومن جوة يعلم الله البرومة وكلاها والمكنة منيلة بس دا ميمنعش ان فى حلو بردو ولا كن من النادر اما فوق ال 2000 ففى كدة وكدة وخاصة اللى قريب قوى يعنى من 2009 بيكون اغلبهم حالتهم نظيفة اما بالنسبة للاسعار
اولا الهيونداى
اكسنت اللى نظيف فعلا وحالتها قايمة عاملة من 38 الى 40 وانت طالع حسب الموديل والكامليات اما اللى حالتها واقعة فعاملة 33 الى 35 يعنى فى المتوسط حسب المصاريف
بالنسبة للاكسل مش عارف اسعار غريبة بسمعها 35 و 36 و38 مش عارف اية السبب
ثانيا : اللانسر هنتكلم فى رنج ال المكوة حوالى النظيف طبعا 68 الى حاجة و70
اما البومة فابتعد 80 وانت طالع حسب الحالة طبعا
الكريستالة بقا full options 51 او 52 بكتير اوى واللى يقولك غير كدة يبقى لسة عايش فى الاحلام

السويفت مش عارف مبشوفهاش كتير هناك لية وان حصلت صدفة وشفت بتبقى حالتها اغلبها طبعا زبالة زى مقولت ومش كدة وبس وتلاقى سعر شبة الحالة كدة

ال 128 واحدة 128 موديل 86 متباعة ب 19 الف جنية وصاحبها مرداش ينزل ل 18.5 حتى بالنسبة لل 90 فهى حوالى 20 او 22 حسب الحالة بردو

التيوتا اسعارها بردوا معقولة فى 75 وانت طالع لحد 100 حسب الموديل طبعا والحالة والكماليات

وزى مقولت فى الاول سوق مصر او سوق العاشر زى متحب تقول هو سوق تجار او الاغلب تجار واللى عاوز يبيع بسعر اللى فى دماغة عمرة ماهيبيع
واغلب العربيات اللى ممكن تشتريها من هناك عشان تبقى مضمونة هى الجديدة اما اللى فى 90 فاغلبوا مضروب الا النادر زى مقولت قبل كدة وخاصة نمر القاهرة والجيزة العربية بتبقى مهلوكة اوى لانها بتجرى كتير
واتمنى اشوف ردرو لانى والله كتابتة وانا تعبان جدا واللى عايز اى استفسار انا تحت امرة

برجاء عدم استخدام اللون الاحمر في الكتابه
حيث انه مخصص لمداخلات الاداره فقط
شكرا
مشرف فرعي 1

قام هذا العضو بإغراق المنتدى بإعلانات للبلوج الخاص به ونتج عن ذلك وقفة لمدة اسبوع لحصولة على انذار ولم يحترم العقوبة وهذه هي العضوية الخامسة له ومازال مستمر في الاعلان!.

إدارة المنتدى2
(إ.م.2)

**essam2008** · 03-04-2009 11:30 PM

علي فكرة أنا ساكن قريب جداً من السوق ويكاد يكون كل من يريد أن يبيع العربيات تجار .
يا راجل ده انا بقالي دلوقتي شهرين بدور علي عربية كويسة في حدود 30 ألف مش لاقي.

**elhoda** · 03-04-2009 11:49 PM

أخى bavvarian بارك الله فيك ونفع بك انا اريد سعر بولو 2001 فبريكا بالكامل او ابيزا 2001 فبريكا بالكامل تعمل كام فى السوق لو الحالة ممتازة

**ابو فرح** · 04-04-2009 12:03 AM

شكرا على مجهودك
بس هوه السوق فعلا تجار ومفيهوش جديد ياراجل ده بقا فى ستات بتاجر دلوقتى فى العربيات ومعظمهم محافظات زى الشرقيه والمنصوره

**shakor** · 04-04-2009 01:01 AM

شكرا جزيلا لمجهودك وتعبك بجد استفدت قوى من موضوعك ...ممكن استفسار افهم من كلامك ان مكانش لدى فكرة عن السيارات وكنت محتاج 128موديل 88الى90 مروحش السوق وخصوصا ان الميكانيكى اللى معاى مش مضمون تفتكر تعمل كام لو حالتها كويسه.

**fepsceasar** · 04-04-2009 01:42 AM

يا عم شكور ما أنا ريحتك فى السعر والعربية انت لما تيجى من الاسماعيلية كلمنى هى العربية 128 موديل 90 طالب فيها 19، كل اللى فيها شوية سمكرة بسيطة ممكن تترد على البارد، وما فيعاش كاسيت ابقى ركبلها بمزاجك، لكن سماعات كلاريون وبطارية جافة ، وبحطلها زيت سوبر وبنزين 90 حتى المرايات بجيب الجراند لوكس اللى أغلى من الشاهين يعنى ما بهنهاش، اللى عايز يشوف على الطبيعة أنا ساكن فى الهرم لكن ممكن نحدد مكان المقابلة مش مشكلة، أنا ممكن ارفعلها صور

**نور القمر** · 04-04-2009 02:01 AM

شكرا على موضوعك القيم
بس مش غريبة ان الاكسيل لسه عاليه كدة وسعرها بقه قريب من الاكسنت
وبالنسبة للتجار شكلهم باين ومعروف
ابعدوااااااااا عنهم
اللي ربنا بيحبه بجد اللي بيقع مع بائع عادي وابن حلال

**alloy868** · 05-04-2009 12:15 AM

جزاك الله كل خير
لكن ايه اخر اخبار اسعار الريجاتا ؟
وهل موجوده بكثرة ولا قليل ؟

**osamaesm** · 05-04-2009 02:39 PM

[quoteوبالنسبة للتجار شكلهم باين ومعروف
ابعدوااااااااا عنهم
][/quote]
شكلهم مش معروف ولا حاجه لانهم دلوقتي اللي بينزل ومعاه واحده ست والي عاملين عيله هو ومراته وبنته ان شوفت حجات كتير كدا وهما سعرهم بيبقي اغلي من الناس العاديه بس بنسبه كبيره عربياتهم بتبق نضيفه يعن الواحد منهم مش بيشتري الا العربيه اللي كويسه عشان متقعدش معاه كتير

**dr_effective2** · 05-04-2009 03:47 PM

طب معندكش اخبار عن البونتو

الموضوع: اسعار السيارات المستعملة فى سوق الجمعة 3/4/2009

LinkBack

أدوات الموضوع

عرض

-

-

المواضيع المتشابهه

اسعار السيارات المستعملة في مصر الان

اسعار السيارات الزيرو بأهرام الجمعة هل هو حقيقي

اخر اسعار السيارات 2009 اسعار الوكيل 19/2

مناقشة اسعار سوق الجمعة 27/03/2009

اسعار السيارات المستعملة نزلت حد لاحظ ده

الكلمات الدلالية لهذا الموضوع

المفضلات

المفضلات

ضوابط المشاركة