الموضوع: بتستخدم لينكس؟

المشاركة الأصلية كتبت بواسطة itsonlyme

اللينكس ده نظام تشغيل حر. حر بمعنى انك لك الحرية في التعديل والنسخ والتوزيع. لذلك في منه نسخ كتير بتتسمى "توزيعات". اللي بيطور اللينكس هو مجموعة من آلاف المرمجين المتطوعين (بعضهم مدفوع الأجر من شركات ترعى اللينكس) حول العالم.

ممكن تنزل التوزيعة دي وتجربها. نزلها وحطها على CD وجربها من غير حتى ما تعملها install على الهارد بتاعك. مجرد انك تحطها في ال CD Drive وتعمل boot وهي مش حتأثر على الهارد بتاعك. ممكن بعد كده تعملها install على الهارد لو عايز.

http://www.linuxmint.com/edition.php?id=31

ادوس على ايه عشان اعملها داونلود

المشاركة الأصلية كتبت بواسطة itsonlyme

http://mirror.sov.uk.goscomb.net/lin...inuxMint-6.iso

بس خلي بالك. الملف حجمه كبير.

هو 664 ميجا
شكراااااااااااا

حاليا مستقر علي مينت و و فيدورا بس مينت ناوي اغيرها بس مستني اوبونتو 9.4 :)

هانت كلها 20 يوم باين و تنزل :)

لويندوز مش بيشوف البارتيشن ex2 اللى منزل عليه اللينوكس

حينزل ext4 مع اوبونتو 9.4

اللي عاجباني قووووي واجهه KDE 4.2 لسه عاوز اجربها بس شكلها حلوو قووي :)

لينكس منت x64 بجانب الفيستا
عشان نسخة اصلية ومستخسرها بصراحة ..
وكمان بستخدم الفوتوشوب و مش عارف اتعامل مع جيمب خالص ومش عاجبني اصلا
بس غير كدة اللينكس تمام ..

اللي عاجباني قووووي واجهه KDE 4.2 لسه عاوز اجربها بس شكلها حلوو قووي :)

تقيلة جدا
الجهاز كان مهنج مع انه حديث نسبيا
بيقولو 3 افضل من 4 بس انا مجربتهاش
انا شايف ان جينوم احسن منها .. و بسيطة

بستخدم اوبنتو
و اللى خلانى استخدمه انى اجرب نظام تشغيل غير الويندوز ، مصدر مفتوح يعنى حلاااااااااااااااال ، مفيش حاجه اسمها فيروسات او النسخة تقيلة ، نظام اكثر عملية وثبات ،ده غير وجود الدعم الفنى، عيوبه اللى انا شايفها : مفيش العاااااااااااااااااااب ، الويندوز مش بيشوف البارتيشن ex2 اللى منزل عليه اللينوكس ، الكتابة ب open office سهلة و لكن لما المايكروسوفت اوفيس يجى يقرا الملف التنسيق بينتحر
اتعرفت عليه من محاضرة اتعملت عندنا فى الكلية السنة اللى فاتت و وزعوا علينا اسطوانات و فى اخر مره احتاجت انزل ويندوز جديد من حوالى شهرين قولت انزله جنب الويندوز - و ده كان صعب فعلا بس عملته
و فيه خاصية بعتبرها ميزه انه محتاج واحد بيفهم

في برنامج اسمه wine بيشغل برامج ويندوز على لينكس ( مش كلها طبعا ) بس تقدر بيه تشغل العاب كتير ..
انا جربت gta san andereas
و red alert 2
وكانو شغالين كويس ..

http://www.winehq.org/
دة الموقع بتاع البرنامج وفيه البرامج اللي بتشتغل كويس واللي بتشتغل نص نص و اللي مبتشتغلش خالص ..

نصيحة في الاخر
لو نسخة الويندوز اللي عندك مش اصلية حاول تتنازل عنها وتعتمد على اللينكس ..
انا بحاول بقدر الامكان ابعد عن البرامج المتكركة بس في حاجات ملهاش بديل و في نفس الوقت مقدرش اشتريها زي الفوتوشوب مثلا ( انا مش ببرر اني صح D: بس ربنا يسامحني ههههههههههههه )
بس
بطلت استخدم الاوفيس وشغال باوبن اوفيس
معنديش انتي فايروس بفلوس ( عالويندوز طبعا)
وشغال ب avast مجاني


تحياتي ..