عرض للطباعة
السلام عليكم ورحمة الله وبركاته
السادة الزملاء،،،
إسمحولى عايز أعرف سعر بيع سيارة مواصفاتها كالتالى:
لانسر موديل 2008 الوكيل (مصرية)
فتيس أوتوماتيك، ABS، واحد وسادة هوائية، بطارية فارتا الألمانية جافة 70 أمبير بقالها 15 يوم، و4 كاوتش Dunlop 15R جديد معملش 1000 كيلو لسه.
الكاسيت الأصلي
عاملة 56 ألف كيلو متر (كلهم سفر)
الصيانات الدورية كلها فى التوكيل (طبعا عشان الصمان)
طبعا متحطش فيها مسمار خارج التوكيل تماما حتى ظبط الزوايا كان بيبقى فى التوكيل
اللون (فضي)
وشكرا ليكم جميعا، تعبتكوا معايا...
تعمل 85 الف تقريبا
انا عايز اسأل سؤال برة الموضوع بعد اذنك طبعا
البطارية ال70 امبير مش كده كتير عليها ؟ مش الفابريكة بتاعتها 55؟
أعتقد 85 ألف قليل عليها ..
بس مش كتير 56 ألف كيلو فى سنة ؟!
معلش سؤال بردوا .. انتا ليه غيرت الكاوتش .. أصل انا ماشى 44 ألف واغلبهم سفر بردوا والكاوتش زى ما هو جديد .
هل لو البطارية قدرتها أجمد فيها مشكلة ؟؟اقتباس:
البطارية ال70 امبير مش كده كتير عليها ؟ مش الفابريكة بتاعتها 55؟
والله لو العربية تجيبلي 85 ألف أخليها أحسن طبعا....:ma(30):اقتباس:
المشاركة الأصلية كتبت بواسطة lovelorn
هوا فعلا كتير 56 ألف بس للأسف أنا شغلى فى العاشر من رمضان بعمل يوميا حوالى 110 كيلوا مابين الشغل والبيت، يعنى تقريبا كلهم سفر، خاصة إنى مش بنزل وسط البلد كتيير. وكمان الموتور ماشاء الله فاتح حنفية مية من الشكمان (يعنى بحالتة).
بالنسبة للبطارية 70 أمبير مش كتير ولا حاجه بالأخص إنها مش هتأثر على حاجه فى العربية خالص.
بالنسبة للكاوتش والله القديم أنا مخليه عندي لأنة لسه جديد بس قولت أغير لان بيقولوا الأحسن أغير بعد الأربعين وكمان أنا غيرته عشان صوتة إن لازينة عالى قوي ورخم جيبت Super Silent.
أكيد طبعا تخليها .. ما انتا لما تخسر فى بيع لانسر فى سنة أكتر من 25000 يبقى فين ميزة اعادة البيع اللى فى الانسر ؟؟اقتباس:
والله لو العربية تجيبلي 85 ألف أخليها أحسن طبعا
والله عندك حق، أنا جيبت اللانسر مخصوص عشان عرفت إن بيعة بيبقى سهل وبتجيب فلوس. بس الظاهر طلعت إشاعة :shyy:
أعتقد ان الانسر ميزة بيعها فى ( السرعة ) وليس ( السعر ) ..
يعنى انتا قول عايز ابيع لانسر حتلاقى 100 واحد عايز يشترى
على عكس الميجان مثلا + ان الميجان بتخسر حوالى 50 ألف فى بيعها
فا كده نسبة خسارة الانسر أقل ( رغم انها خسارة كبيرة )
اقتباس:
المشاركة الأصلية كتبت بواسطة lovelorn
شكرا جدا لردك
طيب وهل داه يعنى إنى أخسر 28 ألف جنية فى سنة ولاربع؟؟؟؟؟ داه لو هبيع على 85 ألف وبيقولوا كتير:k32:
أكيد لأ طبعا داه يبقى إسمة سفه، هوا الفلوس بتتلاقى دلوقتى!!!!!!!!!!!!!!!!! إحنا فى مصر ياباشا
أنا أسف مش أقصد حاجه عليك طبعا ولكن بجد كدا العربية خراب بيوت، 28 ألف جنية فى سنة يانهار أبيض
إذا كان فى عربيات كريستالة موديل 98 يعنى أقدم بـ 10 سنيين وبيوصل تمنها لـ 60 ألف!!!!!!!!!!!!!!
عاوز تبيع ليه لو مش سبب قهرى ما تبعش خالص دانت لو مأجرها باليوم مش هتدفع المبلغ ده
فحرام تبيع لو مش مضطر
شكرا