انا طبعا شايف إن السيراتو عامله قلق و لكن !!!
هل تستاهل إنى اخد فتحة سقف و شوية دلع ب125الف؟ و لا تاخد إلإلنترا الخليجى ب108 انا شايف السيراتو سعرها مش مناسب للفئه ده إيه رأيكم ؟
عرض للطباعة
انا طبعا شايف إن السيراتو عامله قلق و لكن !!!
هل تستاهل إنى اخد فتحة سقف و شوية دلع ب125الف؟ و لا تاخد إلإلنترا الخليجى ب108 انا شايف السيراتو سعرها مش مناسب للفئه ده إيه رأيكم ؟
انا شايف السيراتو احلى
بص هى مبالغ طبعا فيها
وبرده مبالغ فى الالنترا !!!
بس انا قصدى طالما عايز تختار واحدة منهم يبقى السيراتو
اما بقا لو هتتكلم فى حدود مبلغ معين فدا موضوع تانى
ما انا تعبت نفسى و إلى كان كان :)
مش عارف اجيب إيه
عايز إلنترا اتوماتيك بس يكون فيها اوبشنز حلوه
إتصلت النهارده بمعارض كان عقلى هيشت
103 الف جنيه اتوماتيك بس
108 اتوماتيك و جنوط و عفشه
110 اتوماتيك و فتحة سقف و تكيف عادى
110 اتوماتيك و تكيف تاتش بس من غير فتحة سقف
و شويه يقولك الطاره فيها مالتى و بلوتوث و شويه طاره من غير حاجه
125 الف فيها كل حاجه و فرش جلد و مرايات ضم و سنسور خلفى
حسيت إنى تهت و إتجننت !! عايز طاره مالتى و فتحة سقف كفرت؟؟؟
يا راجل هتجنن إلنترا توصل للأرقام ده إزاى
السيراتو طبعا
انا شايف ان حرام ادفع 118 الف
انا عاجبني جدا شكل الكيا بس صرحة مستغليها جدا الفرق مبين المنيوال والاوتومتيك 14 الف جنية شايف انهم بيستهبلوا
ما تدفعش ليه في الكيا المبلغ ده !!!! شوف الفرق ما بين توكيل كيا و غبور افندي اللي مخيط الناس في الصيانة الدورية و بيسرقهم علني يا راجل ده انا اعرف واحد دفع في صيانة جيتز 2008 ل 5000 كم 390 جنيه كشف وتغيير زيت وتربيط عفشة!!!!!!!!!!!! و الألنترا كده برده وكمان شوف ثقل الصاج و قوته و متانته في الكيا ازاي؟؟؟؟؟وكمان شوف الاتزان و الثبات للكيا احسن بكثيير يا راجل .....
ادفع و انت مغمض:verygood::satelite::ask:
ليه حضرتك مش واثق فى كيا كدا
اولا كيا وهيونداى مملكوين لشركه واحده
ده طبعا بره مش فى مصر
عشان كدا هتلاقى ان اغلب العربيات الكيا والهيونداى فيها نفس الشاسيه والمواتير
مع الاختلاف فى الشكل الخارجى
زى البيكانتو وال I10
النيو اكسنت والريو بس الريو موتور 1400
الالنترا والسيراتو الشكل القديم
لكن الشكل الجديد بتاع السيراتو مفيش زيه ولا زى موتوره فى هيونداى لسه
جايز النترا تنزل شكل جديد بنفس الشاسيه والموتور
حضرتك كمان قلقان من اعادة البيع
طبعا اعادة البيع بتاع كيا مش هيونداى لانها مش منتشره زيها
بس انا شايف ماشاء الله ان السيراتو عليها اقبال غير عادى
وممكن فى المستقبل اعادة البيع بتاعها يبقى كويس
نيجى لاخر نقطه اللى هى السيفيك
مع كامل احترامى لهذه العربيه اليابانى التحفه
شوف انت بال 120 فى السيراتو هتاخد كماليات ايه
باور سنتر لوك مع ريموت تكييف تاتش مرايات كهربا زجاج كهربا فرامل Abs و 2 ايرباج وبارك سنزور جنوط سبور 17 جراب نضاره فوج لايت حامل اكواب كاسيت سى دى Mp3 طاره جلد ملتى مقابض كروم الفتيس والطاره وفرامل اليد فيهم حليات كروم عدادات رياضيه وكمبيوتر رحلات وطبعا فتحة سقف واوتوماتيك
وحط فى الاعتبار انك هتبقى راكب عربيه زيرو احدث شكل فى مصر وموتور قوى 124 حصان
وشوف السيفيك المستعمله اللى ب 125 هيبقى فيها ايه
وربنا يوفق
كياااا لانها الافضل
السيراتو لسه نازله و عامله ضجه
بس لما الموضوع يهدى شويه إلإلنترا هتبان إختيار اقوى
هيونداى ما زالت الأكثر إنتشارا
إعادة بيع قويه بلا منافس
السيراتو من جوه شبابيه زياده لكن اعلى فئه فى الإلنترا شياكه اوى
اما عن الشكل الحارجى ففى خلال سنه لما تنزل إلإلنترا الجديده الموضوع هسوف يصبح لا مجال للمقارنه
هنا نشوف الفرق فى الشكل الداخلى (مع ملاحظة إن ده إلإلنترا الشكل الحالى)
http://www.postimage.org/gxDdX20.jpg
اما هنا المقارنه يوم ما تنزل إلإلنترا الجديده :)
http://www.postimage.org/aV18wJor.jpg
و فى النهايه الموضوع اذواق بس فرق السعر هيخلى السيراتو فى موقف حرج امام اليابانى
أنا حابب شكل الا لنترا واكثر أنتشار وأكيد سوف تتوافر قطع الغيار في السوق بس اية رأيكم يا جماعة بالسعر دة مش لانسر شارك أفضل وياباني
الشارك منظر موتور ضعيف 1500 سي سي 105 حصان على بودي ضخم وناس كثير اشتكت منهااعقلها و توكل.... الكيا افضل
ممكن تقووللللل وحدوووووووه!!!!!!هي دي صيانة الكام كيلو....وبعديين مشكلة الجديد انك لازم تتابع مع التوكيل حتى لو في حد تصين عنده بره....وبعديين كلهم مبدائهم واحد.... (استغلله استغلله بس اوعى تبلوه )ازاي تسرق العميل وبيقولك مش عايز تركب ووتتمنجه اذا لازم تدفع يا باشا......... عمار يا مصر:3mla::_Alshmokh08[1]::36_7_4[1]::beatdeadhorse5:
كيا سيراتو ايه اللي احسن من الشارك ، وناس تقارنها بالتيدا ، وناس تقولك هيه افضل من سيفيك كسر زيرو ، كل ده عشان عاجبهم شكلها الخارجي اللي هوه اصلا مش للدرجه والخطوط الحاده اللي فيها اصلا مش عجباني وحاسس ان قدام مش ماشي مع ورا ، غير الخامات والتصميم الداخلي اللي انا شايفه اسوأ حتى من الصيني ،
من الآخر العربيه دي كبيرها ان اعلى فئه تكون ب 100000 او 105000 بالكتير ، لكن لما تدخل في 125000 يبقى فيه بدايل كتير احسن منها شكلا وموضوعا واعتماديه وخمات وكل حاجه
النترا افضل