اروح الرويعى من مدينه نصر ازاى

**kliken** · 04-04-2009 03:15 AM

كنت عاوز اعرف فين منطقه الرويعى اللى فيها شغل ديكورات و الورق الحائط و اروحها ازاى من مدينه نصر
و شكرا

**wahba87** · 08-04-2009 12:56 PM

منطقة الرويعى دى فى العتبة على حد علمى , احسن حاجة انك تركن العربية فى الجرج اللى هناك , اعتقد اسمه جرج الاوبرا , عشان الركن هناك صعب جدا , انزل من الجراج و اسأل

انا هقولك طريقين للجراج بس ممكن يكون فى طرق احسن

من مدينة نصر > طريق النصر > ش الطيران > النفق > كمل فى صلاح سالم لحد نفق الازهر و انزله , اول ما تطلع اسأل على الجراج انت قريب جدا منه

__________________________

من مدينة نصر > طريق النصر > ش الطيران > النفق > العباسية > تطلع الكوبرى > ش لطفى السيد > ش رمسيس > فى الاخر هتاخد شمال مع الاشارة تقطع الشارع بعدين يمين > هتكمل طوالى لحد الاخر فى الشارع ده هتوصل عند اول شارع 26 يوليو

انت كده الجراج على شمالك , بس عشان تدخله هتلف لفه محترمة

هتدخل 26 يوليو هتفضل ماشى لحد لما تلاقى شمال , تدخله و بعد كده تاخد شمال تانى , وتكمل لحد اخر الشارع هتلاقى نفق الازهر فى وشك , خلى النفق على يمينك و ادخل الشارع هتلاقى مدخل الجراج على يمينك

_________________________

بالنسبة للرجوع

قدامك طريقين , انا هوصفلك بالنسبة لمطافى العتبة علشان دى علم مميز اول ما تنزل من الجراج

المطافى على يمينك , هتدخل شمال , المطافى فى ضهرك , كمل طوالى > ش الجيش > ميدان باب الشعرية > طوالى > عشان المترو و كده هتدخل شمال اجبارى (ميدان الظاهر) و تطلع تانى ش الجيش , طوااالى , هتقطع احمد سعيد و تكمل , هتوصل العباسية > مدينة نصر

بس الطريق ده ممكن يكون فيه تصليحات مترو مش متأكد

الطريق التانى

المطافى على يمينك , هتدخل شمال , المطافى فى ضهرك , هتدخل شمال , و الطريق عيخد يمين , بعد كده هتلاقى قدامك شمال و طوالى , كمل طوالى (ده ش كلوتبيه) , طواااالى للاخر هتطلع على الفجالة , اسأل ازاى تطلع على ش رمسيس > غمرة > عباسية > مدينة نصر

ربنا معاك بقى و اسف لو كان فى حاجة مش واضحة

**Samir Elshahawy** · 08-04-2009 11:14 PM

الطريق من مدينة نصر الي الرويعي كالأتي :
- تطلع علي صلاح سالم
- تكمل في صلاح سالم حتي نفق الأزهر
- تخرج من النفق و تلف صينية ميدان الاوبرا شمال في شمال كأنك راجع علي النفق في أتجاه العودة
- النفق هايكون أمامك و فيه مول و مسرح الاوبرا علي يمينك تكمل شمال مع الصينية و بعدين يمين هتلاقي مدخل الجراج في يمينك
- من الجراج (جراج الأوبرا) الي الرويعي 10 دقائق مشي علي رجليك