الموضوع: الرئيس مبارك اصدر تعليماته بإلغاء الحظر لاجهزه Gps

المشاركة الأصلية كتبت بواسطة جندى مجند

بالنسبة لعبارة انهم مش حيسمحوا بكل الخدمات بتاعة الGPS اللى وردت فى الخبر فأنا بصراحة معرفش حيطبقوها ازاى لكن مثلاً خاصية التتبع دى سهل جداً تشغيلها لو نزلت برنامج Google Maps على تليفونك و اشتركت مجاناً فى خدمة Google Latitude ... أنا شخصياً جربت الخدمة دى من كذا شهر كنت مسافر لشرم الشيخ بالعربية و شغلت جوجل مابس على التليفون و كان أهلى متابعين مسارى على جوجل خطوة بخطوة من غير ما أتصل بيهم ... يعنى كانوا شايفين العربية عبارة عن نقطة على الخريطة بتتحرك على طريق القاهرة السويس ثم النفق ثم الطريق الساحلى باتجاه شرم ... تكنولوجيا يا جدعان و الله!!

هم بيقولوا هيخلوها ب license
يعنى تقريبا مش هيسمحوا لاى حد يبعت بيانات عن الموقع بمزاجه بس برده مش عارف هيتحكموا فيها زااى
الا لو خلوا جوجل يعمل key للبرنامج بتاعه

المشاركة الأصلية كتبت بواسطة just_poss

بس Google Latitude المفروض مش شغال لا في مصر ولا في الخليج لسه.. حضرتك اخترت البلد ايه ودخلت رقم تليفونك ازاي؟؟

يا باشا ده برنامج جوجل عملاه بيتسقبل معلومات من القمر الصناعى وبيبعتها على اكونت معين او لناس معينه
وكمان ممكن تعملها public بحيث ان اى حد يدخل يعرف انت فين حاليا
ودى بنستخدمها لما بنكون خارجين مثلا فى رحله وكل واحد ماشى فى اتجاه او مستنيين حد واتأخر علينا ويقولك انا 5 دقايق وجاى
نقوله لأ شغالنا الخاصيه دى عشان نشوفك انت فين يا حرامى
كده يعنى

المشاركة الأصلية كتبت بواسطة exact

شغال في مصر عادي يابرنس

+100000

المشاركة الأصلية كتبت بواسطة M.Mokhtar

يا باشا ده برنامج جوجل عملاه بيتسقبل معلومات من القمر الصناعى وبيبعتها على اكونت معين او لناس معينه

انا فاهم كل ده بس عشان اشترك بيطلب مني ادخل البلد ورقم تليفوني.. البلدان الموجوده 27 بلد الي هما شغال فيهم Latitude ومصر مش من ضمنهم.. انا حاسس اني ماشي في سكه غلط اصلا وببص في مكان تاني

المشاركة الأصلية كتبت بواسطة exact

شوفي يا ستي
فيه عدة طرق لتوصيل الموبايل ولكن هنتكلم الاول بخصوص نوكيا فعلى ما اعتقد انهم تقريبا 5 انواع اللي فيهم جي بي اس داخلي حسب تريتب ظهورهم كان ان-95 يليه نوكيا 6110 نافيجاتور ( وده اللي معايا) يليه ان-82 يليه نوكيا 6210 نافيجاتور يليه ان-96

وفيه طريقة تانيه ان جهاز ال جي بي اس يكون خارجي وده عبارة عن جهاز في حجم البلوتوث هاند فري وفي الحاله دي بيتصل عن طريق البلوتوث مع الموبايل يعني بيبقى بلوتوث جي بي اس والامكانيه دي موجوده في معظم اجهزة الموبايل احديثة وخصوصا اللي فيها سوفت وير S-60 3rd Edition ونذكر منها على سبيل المثال لا الحصر نوكيا ان سيرياس N-Series زي ال ان-73 وان-90 وخلافه...برضه موبايلات عاديه زي نوكيا 6120 كلاسيك وده منتشر في مصر

وممكن نعرف الحكايه دي لو جينا على الموبايل وفتحنا القائمة -->التطبيقات هنلاقي جواها اقونتين واحدة متسميه المواقع وصورتها عامله شبه ملعب التنس والتانيه اسمها بيانات جي بي اس وصورتها شبه البوصله لو لقينا الاتنين دول يبقى كده الجهاز السوفت وير بتاعه بيدعم الجي بي اس وفي الحاله دي يبقى بس لازمنا جهاز جي بي اس خارجي بالاضافه للبرنامج اللي هيشيل الخرائط
انا شخصيا عندي في موبايلي برنامج اسمه Nokia Navigator وده بيسمح بالملاحة والتوجيه زي اللي بنشوفه مع العربيات بس ده شغال في دول مجلس التعاون الخليجي فقط وكلمت الشركة المنتجه على اني اشتري ترخيص وخرائط لمصر لكن ردوا تقريبا بان مفيش امل وعندي برنامج تاني اسمه Nokia Maps ده عليه خريطة للقاهرة الكبري واسكندريه والبرنامج التالت اسمه Google Maps وده سبه جوجل ايرث مع الفارق ان ده بيظهر صورة المكان اللي انا فيه
ارجوا أن اكون قد أضفت معلومات جديـــــــــــــــده

شكرا يا exact انا معاي فعلا التليفون الشعبي 6120 كلاسيك متهيالي الجهاز الجي بي اس ده لسه مبتاعش هنا فمصر .انا منزله نوكيا مابس عندي

المشاركة الأصلية كتبت بواسطة just_poss

انا فاهم كل ده بس عشان اشترك بيطلب مني ادخل البلد ورقم تليفوني.. البلدان الموجوده 27 بلد الي هما شغال فيهم Latitude ومصر مش من ضمنهم.. انا حاسس اني ماشي في سكه غلط اصلا وببص في مكان تاني

انا فعلا بيحصل معايا كده

المشاركة الأصلية كتبت بواسطة دينا أبوالعلا

شكرا يا exact انا معاي فعلا التليفون الشعبي 6120 كلاسيك متهيالي الجهاز الجي بي اس ده لسه مبتاعش هنا فمصر .انا منزله نوكيا مابس عندي


انا فعلا بيحصل معايا كده

طيب يا جماعه مفيش حد ياخد بايدينا ويقولنا بالظبط عمل ايه؟؟