سؤال بحصوص الترخيص والكار كير

**أبو صلاح** · 04-04-2009 02:10 PM

والله يا اجماعة انا تعبتكم معايا بكثرة الاسئلة

انا عندي استفسارين

انا عايز أعرف إجراءات تغيير رخصة السيارة باسمي (السيارة فيها توكيلين وانا الثالث)
وانا معايا توكيل من البائع

ثانيا عايز اعرف احسن مكان للكار كير في القاهرة

**ofaashash** · 04-04-2009 02:26 PM

المرور لا يعترف بأكثرمن توكيلين اكثر من كدة ح تحتاج تبيع لنفسك ثم تنقل ملكية فى خلال شهر من تاريخ العقد وطبعا ح تفحص وتعلق نمر جديدهوتدفع ضريبة جديده وتأمين ربنا معاك
م / أشرف محمد

**أبو صلاح** · 04-04-2009 02:46 PM

يعني ايه؟
انا التوكيل التالت

**ofaashash** · 04-04-2009 03:24 PM

(السيارة فيها توكيلين وانا الثالث)
وانا معايا توكيل من البائع

مش ده كلامك يعنى معاك رخصه بأسم الى باع لك مباشرة ولا توكيل ولا توكيل من توكيل كل ده يفرق

**أبو صلاح** · 04-04-2009 03:36 PM

توكيل من توكيل من توكيل
يعني الرخصة باسم واحد باع لواحد تاني باع لواحد ثالث واشتريت انا من التالث

يعني كده في رخصة و3 توكيلات آخرهم باسمي

كل المطلوب اني احول الرخصة باسمي انا ازاااااااااااااي؟

**ofaashash** · 04-04-2009 03:43 PM

اولا ح تبيع لنفسك فى الشهر العقارى وتجيب شهادة مخالفات وبيانات من المرور القديم ثم تروح المرور الى انت تبعه وتعمل اجرات نقل ملكية وتفحص الازى منه وفتح دماغك هناك علشان تخلص

**محمد بازيد** · 04-04-2009 07:23 PM

بسم الله الرحمن الرحيم
الاخ الفاضل / كاتب الموضوع
اولا فى الحالة دى تسمى العربية فيها 3 ورقات وعلشان تمقل باسمك محتاج الاتى :-
1- نعرف الرخصة فيها قد اية يعنى رخصة طويلة ولا قصيرة لو طويلة بتسجل شهر عقارى بي ودة بيحتاج انك تروح المرور بالتوكيلات اللى معاك تجيب شهادة بيانات للشهر العقارى وتروح الشهر العقارى اللى انت تابع لية أو الشهر العقارى الموجود فى سوق العربيات فى مدينة نصر وتقولة انا عايز اعمل بيع لنفسى ومتمضيش مشترى علشان تمشى بالرخصة لغاية لما تحب تنقل انما لو مضيت يبقى ليك 30 يوم بس وتنقل باسمك ومصاريف التسجل حسب موديل العربية الشاهين مثلا 2002 رسوم التسجيل حوالى 700جنية
2- لما تحب تنقل بعد ما تعمل العقد المسجل بتجيب شهادة بيانات برضوا من المرور اللى العربية تبعة أو من النيابة لو بعيد عنة وبعدين لو عليها نخالفات تدفع يا حلو معليهاش تروح المرو الله جنابك تبعة صحيح نسيت اقولك انك تروح المرور تطلع شهادة بيانات تانية موجهة للمرور اللى هتسجل فية تروح نشنرى ورق نقل ملكية وشوف جنابك عايز كام سنة وتفحص وتسلم النمر وتستلم النمر الجديدة وتستلم الرخصة وعموما الضريبة فى 1400 حوالى 250 فى السنة الواحدة والتامين 90 والطفاية 120

اسف للاطالة بس يارب اقدر افيدك وافيد المنتدى بتاعنا ولو فى استفسار انا فى الخدمة

**أبو صلاح** · 05-04-2009 12:27 AM

الرخصة معايا سارية لحد 2/2011

وبعدين هو لازم شهادة البيانات دي؟ ولو هي ضوروي لازم اروح على المرور اللي تابع عليه الرخصة؟
انا معايا شهادة براءة ذمة

السؤال الثاني حتة متمضيش مشتري دي
هم هيروضوا ؟
وبعدين لو حبين انقل الملكية بعدين همضي مشتري ولا اعمل ايه؟.

**أشرف فتحى** · 05-04-2009 05:23 AM

المشاركة الأصلية كتبت بواسطة mobinilo

الرخصة معايا سارية لحد 2/2011

وبعدين هو لازم شهادة البيانات دي؟ ولو هي ضوروي لازم اروح على المرور اللي تابع عليه الرخصة؟
انا معايا شهادة براءة ذمة

السؤال الثاني حتة متمضيش مشتري دي
هم هيروضوا ؟
وبعدين لو حبين انقل الملكية بعدين همضي مشتري ولا اعمل ايه؟.

بص بقى يا سيدى!
ولو انك متعب ..بس معلش اشرحهالك وحده وحده !!!!
طبعا بهزر معاك..
اول حاجه انك تروح الشهر العقارى تبيع لنفسك وتسجل عقد بيع بأسمك وده من خلال التوكيل اللى معاك وطالما الرخصه ساريه مش مطلوب منك شهاده بيانات.
أزاى تبيع لنفسك؟
تروح الشهر العقارى اللى انت تبعه سواء فى الفتره الصباحيه او المسائيه لغايه 4 او خمسه تقريبا.
تأخد معاك الرخصه وبطاقتك وتخش على الموظف اللى هيكتب العقد ويديك الورق تقدر عليه رسوم التسجيل وتدفعها وترجعله وتعمل ميكرو فيلم ومتنساش تصور البطاقه
ولو عربيتك تجميع محلى هات من المرور اللى العربيه تبعه شهاده بيانات بأن العربيه تصنيع محلى عشان بيخفضوا رسوم التسجيل للسيارات المحلى.
لما تعمل العقد مش مطلوب منك تمضى مشترى عادى بتتساب فاضيه عشان تنقل ملكيه فى المرور وقت ما تحب...ماشى؟
هاتعمل ايه بعد كده؟؟
حاجه من اتنين
يااما تقف على كده ومتنقلش ملكيه فى المرور ويبقى معاك الرخصه والتوكيلات والعقد المسجل لغايه ميعاد التجديد اللى جاى.
ياإما تطلع على المرور تنقل ملكيه والرخصه بإسمك
إزاى؟
تشترى ورق نقل ملكيه وتملاه وتدخل على الموظف زى الاسد وتظبطه ببريزه فى ايده مع الورق عشان ما يقولقش هنعملك رخصه مؤقته لغايه ما ملف العربيه ييجى من المرور اللى كانت فيه وطبعا مفهوم لو نفس المرور يبقى ميه ميهوطبعا مع التوكيلات والعقد بتقدم شهاده المخالفات اللى معاك على شرط ان مدتها متكنش عدت مش فاكر اسبوعين ولا شهر.
خلصت مراجعه اوراقك تدخل على التأمين تعمل ملحق فى الشركه اللى متأمن على العربيه فيها (التأمين الاجبارى) وبتبقى مكتوبه فى الرخصه وكل شركه حاطه ليها مندوب فى المرور....ماشى
دفعت التأمين
تيجى طالع على الفحص وتفحص وترفع بصمه شاسيه وموتور وبيئه لو انت عندك فحص بيئه فى المرور اللى انت تبعه!
خلصت فحص وتأميين تشوف فين بتاع الطفايات عشان يمضيلك على الورق ةعلى الطفايه وترجع بورقك لموظف الشباك تانى
يديك رخصه العربيه بأسمك والفحص بعد 3 سنين والضريبه حسب مانت دفعت وفى حالتك العربيه مدفوعلها سنتين ومش لازم تدفع ضريبه خالص!

وبالنسبه للكار كير ده بيبقى حسب المنطقه اللى ساكن فيها وهتقدر تدفع كام؟

**أبو صلاح** · 05-04-2009 12:25 PM

المشاركة الأصلية كتبت بواسطة أشرف فتحى

بص بقى يا سيدى!
ولو انك متعب ..بس معلش اشرحهالك وحده وحده !!!!
طبعا بهزر معاك..
اول حاجه انك تروح الشهر العقارى تبيع لنفسك وتسجل عقد بيع بأسمك وده من خلال التوكيل اللى معاك وطالما الرخصه ساريه مش مطلوب منك شهاده بيانات.
أزاى تبيع لنفسك؟
تروح الشهر العقارى اللى انت تبعه سواء فى الفتره الصباحيه او المسائيه لغايه 4 او خمسه تقريبا.
تأخد معاك الرخصه وبطاقتك وتخش على الموظف اللى هيكتب العقد ويديك الورق تقدر عليه رسوم التسجيل وتدفعها وترجعله وتعمل ميكرو فيلم ومتنساش تصور البطاقه
ولو عربيتك تجميع محلى هات من المرور اللى العربيه تبعه شهاده بيانات بأن العربيه تصنيع محلى عشان بيخفضوا رسوم التسجيل للسيارات المحلى.
لما تعمل العقد مش مطلوب منك تمضى مشترى عادى بتتساب فاضيه عشان تنقل ملكيه فى المرور وقت ما تحب...ماشى؟
هاتعمل ايه بعد كده؟؟
حاجه من اتنين
يااما تقف على كده ومتنقلش ملكيه فى المرور ويبقى معاك الرخصه والتوكيلات والعقد المسجل لغايه ميعاد التجديد اللى جاى.
ياإما تطلع على المرور تنقل ملكيه والرخصه بإسمك
إزاى؟
تشترى ورق نقل ملكيه وتملاه وتدخل على الموظف زى الاسد وتظبطه ببريزه فى ايده مع الورق عشان ما يقولقش هنعملك رخصه مؤقته لغايه ما ملف العربيه ييجى من المرور اللى كانت فيه وطبعا مفهوم لو نفس المرور يبقى ميه ميهوطبعا مع التوكيلات والعقد بتقدم شهاده المخالفات اللى معاك على شرط ان مدتها متكنش عدت مش فاكر اسبوعين ولا شهر.
خلصت مراجعه اوراقك تدخل على التأمين تعمل ملحق فى الشركه اللى متأمن على العربيه فيها (التأمين الاجبارى) وبتبقى مكتوبه فى الرخصه وكل شركه حاطه ليها مندوب فى المرور....ماشى
دفعت التأمين
تيجى طالع على الفحص وتفحص وترفع بصمه شاسيه وموتور وبيئه لو انت عندك فحص بيئه فى المرور اللى انت تبعه!
خلصت فحص وتأميين تشوف فين بتاع الطفايات عشان يمضيلك على الورق ةعلى الطفايه وترجع بورقك لموظف الشباك تانى
يديك رخصه العربيه بأسمك والفحص بعد 3 سنين والضريبه حسب مانت دفعت وفى حالتك العربيه مدفوعلها سنتين ومش لازم تدفع ضريبه خالص!

وبالنسبه للكار كير ده بيبقى حسب المنطقه اللى ساكن فيها وهتقدر تدفع كام؟

يا باشا الف الف شكر ليك جدااااااااااااااااا