well...to buy impreza 2006-2007 new or to wait for new shape honda city or new kia forte?!!!......so2al me7ayarny
عرض للطباعة
well...to buy impreza 2006-2007 new or to wait for new shape honda city or new kia forte?!!!......so2al me7ayarny
حضرتك اسأل الاول هما هينزلوا امتى و بكام عشان تقدر تقارن و لما ينزلوا تقارن لان مقارنه على ورق معتقدش هتنفع لان ممكن تظلم سياره على حساب سياره الا لما تجربهم,
و السيتي في التوكيل معتقدش هتنزل السنادي لانهم فتحوا الحجز على الشكل القديم تاني و الكيا في التوكيل ميعرفوش عنها حاجه اصلا
ممكن اقول راى ياجماعه انتم عرفين ان سوبارو مش عربيه مدنيه
وانتم عرفين ان طول عمرها من السيارات الكامله تقفيلها فى اليابان صح هيه والهوندا
اما الانسر والتيوتا اندونيسى ومليزى يعنى طبيعى القطع الى موجوده فى التوكيل نفسه مش اصليه وعلى العموم فى واحد صحبى مغير تيل فى الانسر 2007 ب400 جنيه وطلع بايظ بعدها بشهرين والتوكيل قله هتشيل نصه وهنغيره وبالنسبه للزجاج اسال على زجاج الهوندا ومفيش مجال ان نقارن سوبارو بتيوتا ولا لانسر لان دول مركه ومنشأ تانى خالص وبعدين طقم الدبرياج وكده شفهم بيتغيروا فى العربيات التانيه عند كام ودول بيتغيروا عند كام للسائق المحترم
ارجوا منكم الرد
ana mla7es en el 7agat el 3'alya awi de el ta2meen ely beyet7amelha fe 7alet el 7awades
bs el ba be 2400 ar7'as men el toyota el yaris be 3500 le !!!!!!!
الأسعار كويسة بس هل قطع الغيار متوفرة؟؟؟؟؟؟؟؟؟؟؟؟؟
متوفره فقط في التوكيل
الأسعار غالية جدااااا مفيش اتنين يختلوفوا على كدة المهم ان حضرتك بتقول شوف بيتغيروا على كام انا شايف ان ديسك و اسطوانة يتغيروا على ال 90 الف ف ده قليل قوووووووووووووووووووووووو ووووووى ولا انتوا شايفين إيه ؟؟؟
احب اضيف اسعار بعض القطع كمان,(بعض الاسعار كتحديث للاسعار القديمه لان بقالها سنتين)
1-مقص:-
جديد: 1100 في التوكيل
استيراد: 600
2- قنطره حرف u :-
جديد:2750 في التوكيل
استيراد:1100
3- جنط الومنيوم 2007 :-
جديد:2000 بدون كاوتش (فرده واحده)
استيراد: لو موجود يعمل حوالي 600
4- اكصدام امامي:-
جديد: 1400 في التوكيل
استيراد : 800
5- زجاج امامي:-
اصلي : 5100
جريش توكيل : 1000
جريش بره التوكيل : من 450 - 600 (حسب ضمير الصنايعي)
6- مساعدين امامي:-
الجوز جديد: 1760 في التوكيل بدون بطاحات و سوست
الجوز استيراد: 1200 بالبطاحات و السوست (بس نصيحه الي يفكر يفكر في الجديد لان الاستيراد مش مضمون قوي)
7- تيل فرامل:
توكيل يعمل حوالي 450 تقريبا
في الحرفيين عند عايد بـ250
و ان شاء الله هحاول اعرف اسعار حاجات تانيه و اكتبها
عايز اضيف كمان,
كارتيرة رفرف:-
جديد في التوكيل : 220
استيراد : 150
مساعدين خلفيه :-
الجوز جديد : 1760
استيراد : 1000
لو تسألي على طقم دبرياج كامل (ديسك واسطوانه وبليه ) بس يكون جديد طبعا عشان مالوش لازمه لو استيراد
عشان في التوكيل حيدخلو في حسبه 3000 جنيه بالمصنعيه الناااااار بتاعتهم
أنا لسة مغير زجاج أمامى, الأسعار كالأتى:
زجاج أمامى: 4400
جوان: 330
سيلكون: 150
أعمال فك و تركيب: 250
أجمالى: 5130
(الأسعار دى شاملة الضريبة)
يا جماعه يعني عشان كده سعرها رخيص ؟؟ و حد عنده لنك فيه اسعار قطع غيار السيارات التانيه ؟
لا دانا كمان يا احمد سمعت ان في التوكيل نفسه في واحد ب 950 جنيه بالتركيب .. و بقوله بيضمنوا ان عزله زي الاصلي بالظبط
هل ممكن نعمل زي فلتره للموضوع ده بحيث يكون فيه اسعار قطع الغيار فقط من غير الكلام التاني؟
لان في اسعار في الاول و اسعار في الاخر و لو حد داخل يشوف هيشوف القديمه بس و هيتعب عقبال ما يشوف باقي الاسعار
mosso باشا انا كنت عايز اعرف هي الاسعار الاستيراد دي منين؟
هل كلها من عايد؟
هاحاول ابعت الأسعار بطريقة افضل
الصورة دى اسعار مقارنات بين السيارات اليابانى موديل 2009 ياريت يكون فيه استفادة
شكرا يا باشا
انا بجد محتار جدا مش عارف أختار عربية مناسبة لأنى فعلا قلقان من قطع الغيار فى السوبارو ومش قارد أحكم لأن كل رد فيه سعر شكل ..
انا نفسى فى مساعدتكم ليا .. سوبارو إمبريزا وللا نيسان تيدا وللا اوبل كورسا ؟؟ مع العلم ان المقارنة كلها عربيات زيرو موديل 2010
انا مش عارف اسأل السؤال ده فين و وارد يكون فى المكان الغلط بس انا محتاج بجد مساعدتكم و إرشادكم ليا .. ده اول مشاركة ليا على الموقع هنا ..
يارب الاقى عندكم رد يفيدنى و تساعدونى ..:ask:
لو ليك اسئله عن سوبارو اتفضل و يا رب نقدر نساعد. لو عايز تقارن بين السوبارو و عربيات تانيه اعمل موضوع في المقارنات.
عاوز أعرف سحب السوبارو إمبريزا قوى ؟؟ هل قطع غيارها موجودة بره التوكيل ؟؟ هل فى مشاكل فى توافر قطع الغيار ؟؟ هل عفشتها قوية ؟؟ هل تستاهل سعرها ؟؟ هل حد ندم إنه إشتراها بعد ما جابها ؟؟ و إيه عيوبها ؟؟ هوه ده كل اللى بيدور فى بالى ..
١- عاوز أعرف سحب السوبارو إمبريزا قوى ؟؟
هوه عادي.... فيه عربيات كتير اسرع منها بس السوبارو مش ضعيفه.
٢- هل قطع غيارها موجودة بره التوكيل ؟؟
بحسب كلام الملاك موجوده في مكانين او تلاته بره التوكيل... بس معرفش عندهم كل حاجه و لا لأ. انا شخصيا مش بتعامل غير مع التوكيل.
٣- هل فى مشاكل فى توافر قطع الغيار ؟؟
مع التوكيل مقابلنيش مشاكل... بس فيه حاجات ممكن تطلبها و تستناها... بس محصلتش معايا في حاجه اساسيه.
٤- هل عفشتها قوية ؟؟
اتحدى بيها عفشة اي عربيه في الفئه دي في قوتها و استحمالها.
٥- هل تستاهل سعرها ؟؟
في رأيي تستاهل.
٦- هل حد ندم إنه إشتراها بعد ما جابها ؟؟
انا لأ بقية الناس معرفش.
٧- و إيه عيوبها ؟؟
لو قصدك عيوب ميكانيكيه مقابلنيش حاجه. ممكن ان الصح بتاعها بنزين ٩٥
ردى متأخر بس فعلا متشكر لردك و أهتمامك ..
انا قدامى امبريزا 2008 و عايز اكشف عليها هى محتاجة مرايتين و مساحة ورا و الازاز الكهربة مش شغال
اكشف عليها فين و تكلفنى كام الكشف
و القطع دى تتكلف كام ؟
جاد بس الكشف هيتكلف كام ؟
هو يا جماعه عنوان الموزع المعتمد لقطع الغيار غير مركز الصيانه ايه ؟ اللي في مصر الجديده علي ما اعتقد ؟
thank you :)
أريد أن أفهم تبريرا منطقيا واحدا لارتفاع أسعار قطع غيار هذه السيارة الجميلة بهذا الشكل!!
والله انا شايف اسعار كويسة جدا ومش غالية
وكل العربيات على فكرة فيها حاجات غالية وحاجات رخيصة
بس انا شايف الاسعار كويسة بالنسبة لقطع الغيار
بغض النظر عن الابواب والزجاج والاكصدامات لان الحاجات دى مش بتتغير غير لاقدر الله فى الحوادث
هل الاسعار اتغيرت ولا لسة ثابتة ؟
تم حذف المشاركه
ممنوع الكتابه بالفرانكو اراب
برجاء مراجعة قوانين المنتدي
مشرف القسم 6-ب
انا معايا سيراتو الشكل القديم تصدقوني لو قلت ان لو الاسعار دي حقيقية يبقي الامبريزا اغلي بس في الفوانيس و الازاز غير كدا السيراتو اغلي بشوية حلوين