اسعار قطع غيار سوبارو امبريزا

**PRO-DRIVE** · 23-09-2007 05:36 AM

و علي فكره الرادياتير تقدر تغيره بسهوله من شركه تانيه بيكون اكبر و بيدي تبريد احسن و التقليد منه حيكون ارخص
بس مش عارف هل في حد هنا بيجيب قطع التزويد دي ؟؟؟

**mohaismail** · 23-09-2007 06:47 AM

العربية ممتازة جدا
قطع الغيار غالية جدا جدا جدا
انا معايا صنى واول لما جبتها اتكسر فانوس خلفى غيرته فى التوكيل ب530 جنيه
امبريزا لو قطع غيارها بقت زى بقيت اليابانى هشتريها تانى يوم وانا مغمض انما كده كتيييييير

تم التعديل بواسطتي
أحمد حسن

**sameh.acc** · 23-09-2007 07:53 PM

لا لو كدا يبقى تستاهل كل مليم فعلا انا لسة شايفها النهاردة فى شارع السودان ماشاء الله بطة ماشية ع الارض والله تحس بالثبات اللى فيها وهى ماشية قدامك ياااااااااااه لو قطع الغيار ياااااه والله اجيبها على طووووووووووووول بدون تردد الحلو ميكملش جارى بيقولى السوبارو امبريزا محققة اعلى مبيعات فى العالم فى اسرائيل والناس دوول معروف انهم مابيركبوش اى حاجة كدا وخلاص وليهم معاييرهم الخاصة وبيقولى العربية تحفة ومنتشرة هناك جدا هو بحكم سفرة انو تاجر قطع غيار و فلسطينى بيروح هنا وهناك حتى قالى سوبارو منزله موديل هناك اسمه سوبارو ليجاسى بيقولى مالهاش حل قالى اتوكل على الله وهات الامبريزا مش هتندم وقالى يوم متفكر تغير حاجة فيها كمان 5-6 سنين بدون مبالغة .... ربنا يسهل انا ممكن انزل اعملها تست درايف فى كلا الاحوال

**PRO-DRIVE** · 23-09-2007 09:06 PM

^^^ اكبر مبيعات لسوبارو في الشرق الاوسط في 3 دول علي الترتيب 1- اسرائيل 2- سلطنه عمان بفرق بسيط عن اسرائيل 3- الكويت

**badblood** · 05-11-2007 03:12 AM

فعلا قطع الغيار غاليه جدا
معقول فلتر البنزين بـــ 200 جم
صعبه شويه بس عربيه تحفه

**Ahmed Hassan** · 05-11-2007 02:07 PM

المشاركة الأصلية كتبت بواسطة badblood

فعلا قطع الغيار غاليه جدا
معقول فلتر البنزين بـــ 200 جم
صعبه شويه بس عربيه تحفه

فلتر البنزين للانسر بـ 450

و دي اسعار عاديه لأن فلتر النجيكشن مش زي الفلتر العادي.

**3mr Farrag** · 14-01-2008 10:29 AM

طيب يا جماعه الاجزاء الميكانيكا فيها اسعارها ايه؟؟؟؟
يعني مثلا ذي علبه الدريكسيون....
و هل فيه قطع غيار استيراد و لا صعب؟؟؟

**elbasha_ayman** · 11-03-2008 07:08 PM

والله هيا عربيه فعلا جامده اووووووووووى انا عن نفسى جربتها مع صديق ليا فعلا اداء رائع ولا يوجد وجه مقارنه بينها وبين فئتها المقارنه الحقيقيه بينها وبين اى فئه اعلى اداء فوق الممتاز لكن المشكله فعلا قطع الغيار رخيصه او غاليه مش هيا دى المشكله .. المشكله الحقيقيه فى عدم وجود اجزاء مهمة جدا من السيارة وربنا يوفق يارب

**Ahmed Hassan** · 11-03-2008 08:42 PM

ايه هيه الأجزاء المهمه الغير موجوده؟ لو موتور كامل او فتيس مثلا طبعا مش هيكون موجود و بيتعمل بيه طلبيه. لكن اي قطعه لازمه للعمرات مثلا او العفشه و الاجزاء الميكانيكيه المستهلكه كلها موجودهو ده غير الصاج و الفوانيس طبعا. بس طبعا كل ده في التوكيل.. بره التوكيل جديد معنديش فكره.. لكن استيراد موجوده بس قليله.

**khalid_adel** · 20-03-2008 01:35 PM

احب اضيف
فلتر البنزين ب 160 مش 200
وبالنسبه للاسطوانه والديسك والبليه (اصلي محتاج اغيرهم بس لسه شويه عليهم ) المهم دون بيكلفو 2000 جنيه والمصنعيه بتاع 300 جنيه والضريبه وكده يعني قول بتاع 2400 جنيه بس من غير (ابقى راضي الرجاله )
وانا تقريبا مفروض اغيرها عالصيانه الجايه (صيانه ال 90 الف ) قولولي بقى مين اللي قال انهم ب 1550 جنيه ده ؟؟؟؟

الموضوع: اسعار قطع غيار سوبارو امبريزا

LinkBack

أدوات الموضوع

عرض

-

-

-

-

-

-

-

-

المواضيع المتشابهه

اسعار قطع غيار امبريزا 2009 اليوم 31/3/2012

قطع غيار سوبارو امبريزا

قائمه اسعار سوبارو امبريزا مستعمله ( من التوكيل )

.:: سوبارو تطلق امبريزا 2009 سيدان Wrx المعدلة ::. بمحرك أقوى و تعديلات من سوبارو ::.

## نبذة عن اسعار قطع غيار السوبارو امبريزا الجديدة ##

الكلمات الدلالية لهذا الموضوع

المفضلات

المفضلات

ضوابط المشاركة